“သားကြီး ဘယ်လိုလဲ အခုထိ စင်ဂယ်ပဲလား” ဆိုတဲ့ ဘော်ဒါတွေရဲ့ စကားမေးတွေကို ကြောက်နေတုန်းပဲလား။ အချစ်နဲ့ ဝေးနေလို့ ဒါမှမဟုတ် အချစ်နဲ့မတွေ့ဆုံသေးလို့ ဆိုရင်တော့ ဒီနွေရာသီဟာ အချစ်ဇာတ်လမ်း အသစ်လေးတစ်ပုဒ် ဖန်တီးဖို့ အချိန်ကိုက်ပါပဲ။ အချစ်ဆရာကြီးတွေကတော့ နွေဟာ အချစ်ကိုရှာဖွေဖို့ အကောင်းဆုံး အချိန်ပဲလို့ ဆိုပါတယ်။ ဒီလို လှပတဲ့ နွေရာသီ အချစ် ဇာတ်လမ်းလေးတစ်ပုဒ် ဖန်တီးချင်တယ် သို့မဟုတ် အချစ်ကို ကိုယ်ကစပြီး ရှာပုံတော် ဖွင့်တော့မယ်လို့ စိတ်ကူးထားတယ်ဆိုရင် အခုပြောပြမယ့် နည်းလမ်းလေးတွေက ကွီးတို့အတွက် လုံးဝအသုံးဝင် နိုင်ပါလိမ့်မယ်။

(၁) Dating App ‌တွေ Sign up လုပ်ပါ

Photo : Vantage

နွေရာသီ အချစ် ဇာတ်လမ်းလေးတစ်ပုဒ် ဖန်တီးမယ် ၊ အချစ်ကို ကိုယ်တိုင်ရှာဖွေတော့မယ်ဆိုရင် Dating App တွေကို မေ့မထားပါနဲ့။ အားလုံးလို့မပြောလိုပေမယ့် အခုခေတ် Relationship တော်တော်များများ အွန်လိုင်းပေါ်ကနေ တွေ့ကြိုက်ချစ်ကြတာ များပါတယ်။ ဒီတော့ ခေတ်နဲ့အညီ အချစ်ကို အွန်းလိုင်းပေါ်က ရှာမယ်ဆိုရင် Match ၊ Tinder ၊ Hinge တို့လို Dating Site တွေကနေတဆင့် ရှာပုံတော် ဖွင့်နိုင်ပါတယ်။

(၂) ဆိုရှယ်မီဒီယာတွေ သုံးပါ

Photo : GoDates

ဒါလည်း အွန်လိုင်းပေါ်ကနေ အချစ် ကိုရှာဖွေခြင်း တစ်မျိုးပါပဲ။ ဒါပေမယ့် Dating App တွေနဲ့တော့ မတူပါဘူး။ Facebook ၊ IG တို့လို ဆိုရှယ်မီဒီယာ Page တွေ ၊ Group တွေကနေတဆင့် လူသစ်တွေနဲ့ ရင်းနှီးအောင် မိတ်ဖွဲ့စကားပြောရင်း တဖြည်းဖြည်းချင်း Relationship အဆင့်ကို တက်လှမ်းရမှာပါ။ ဒါက Dating App တွေလောက်ရင်ခုန်စရာမကောင်းဘူး ပြီးတော့အချိန်ပိုပေးရတယ် ဆိုပေမယ့်လည်း  ပိုပြီး ခိုင်မာယုံကြည်ရတဲ့ Relationship တစ်ခုကို တည်ဆောက်နိုင်ပါလိမ့်မယ်။

(၃) သူငယ်ချင်းတွေရဲ့ အကူအညီကို ရယူပါ

Photo : Psychologies

အချစ် ကိုကိုယ်တိုင်ရှာရမယ် ဆိုပေမယ့်လည်း ဘော်ဒါတွေ ၊ သူငယ်ချင်းတွေရဲ့ အကူအညီကိုလည်း လိုအပ်ရင်လိုအပ်သလို အသုံးချတက်ဖို့ လိုပါတယ်။ ကိုယ့်လိုပဲ တစ်ကိုယ်တည်း စင်ဂယ်ဖြစ်နေတဲ့ သူငယ်ချင်းတွေရဲ့ သူငယ်ချင်းနဲ့ မိတ်ဆက်ခိုင်းတာမျိုး ၊ ကိုယ့်သဘောကျတဲ့ သူကို သူငယ်ချင်းကနေတဆင့် အင်ထရိုဝင်ခိုင်းတာမျိုး လုပ်နိုင်ပါတယ်။ ဒီနေရာမှာ မိန်းကလေးသူငယ်ချင်းတွေက ပိုပြီး ကူညီပေးတက်ကြသလို ဘေးတီးလည်း တော်ကြပါတယ်။ ဒီတော့ အခင်ဆုံး မိန်းကလေးသူငယ်ချင်းတွေကိုသာ အပူကပ်ပြီး အချစ်ရှာခန်းဖွင့်လိုက်ပါ။

(၄) ဝါသနာအသစ်တစ်ခု စတင်ပါ

Photo : Next Luxury

ဝါသနာအသစ်တစ်ခုခု Try ကြည့်တာက လူသစ်တွေနဲ့ တွေ့ဆုံနိုင်မယ့် အကောင်းဆုံး အခွင့်အရေးပါပဲ။ ပန်းချီဆွဲတာ ၊ အားကစားလုပ်တာ ၊ တူရိယာသင်တန်းတက်တာ စသည်ဖြင့် ကိုယ်လည်းတကယ်စိတ်ဝင်စားတဲ့ ဝါသနာအသစ်တစ်ခုကို စတင်ကြည့်ပါ။ ဝါသနာတူ နယ်ပယ်ထဲမှာ ကိုယ်နဲ့အပ်စပ်မတ်စပ်ရှိတဲ့ အချစ်သစ်ပါ တစ်ခါတည်းတွေ့နိုင်တာပဲ မဟုတ်လား။

ဒီအချက်လေးတွေကို ကောင်းကောင်းအသုံးချပြီး အထာကျတဲ့ အချစ် ရှာပုံတော်ဖွင့်ခန်းကြီးနဲ့အတူ ဒီနွေရာသီမှာ ကွီးတို့ရဲ့စင်ဂယ်ဘဝကိုအပြီးအပိုင် နှုတ်ဆက်လိုက်ရအောင်ပါ။

Featured Photo : Freepik