ပုခုံး တွေ ညောင်းညာ ကိုက်ခဲလို့ စိတ်ညစ်နေရပါသလား။ ဒါဆိုရင်တော့ အခုဖော်ပြပေးမယ့် လေ့ကျင့်ခန်းများကို ပြုလုပ်နိုင်ပါတယ်။ လေ့ကျင့်ခန်း ပြုလုပ်ချိန်ကလည်း ခဏလေးပဲ ပေးစရာလိုတာဆိုတော့ အလုပ်များတဲ့သူတွေအတွက် အဆင်ပြေပါတယ်။
လေ့ကျင့်ခန်း (၁)
Source: Pro Gym Workout
အရင်ဦးဆုံး မတ်တပ်ရပ်နေပါ။ ခြေထောက်နှစ်ဖက်က ပုခုံးအကျယ်အတိုင်း ချဲထားပါ။ လက်နှစ်ဖက်က ခန္ဓာကိုယ် ဘေးတစ်ဖက် တစ်ချက်စီမှာ ချထားပါ။
ထို့နောက် လက်နှစ်ဖက်ကို ဘေးသို့ မြှောက်ကာ အင်္ဂလိပ်အက္ခရာ “T” ပုံသဏ္ဍာန်ဖြစ်သွားအောင် ပြုလုပ်လိုက်ပါ။ ထို့နောက် လက်နှစ်ဖက်ကို စက်ဝိုင်းပုံသဏ္ဍာန် ဝိုင်းကာ လှည့်ပေးရမှာဖြစ်ပါတယ်။
စုစုပေါင်း ၄၅ စက္ကန့် ပြည့်အောင် ပြုလုပ်ရမှာဖြစ်ပါတယ်။
လေ့ကျင့်ခန်း (၂)
Source: Baptist Health
တံခါးပေါက် ရှေ့တည့်တည့်မှာ မတ်တပ်ရပ်နေပါ။ ခြေထောက်နှစ်ဖက်ကို အနည်းငယ် ချဲထားပါ။ လက်နှစ်ဖက်ကို ၉၀ ဒီဂရီအနေအထားဖြင့် တံခါးပေါက်မှာ ကပ်ထားလိုက်ပါ။ ထို့နောက် ခြေထောက်နှစ်ဖက်ကို အရှေ့သို့ ထုတ်ကာ ၁၀ စက္ကန့်ခန့် အသက် ရှူသွင်း ရှူထုတ် ပြုလုပ်ရပါမယ်။
ထို့နောက် မူလအနေအထားအတိုင်း ပြန်နေပါ။
ထို့နောက် ကျန်တစ်ဖက်ကိုလည်း စောစောကအတိုင်း ပြုလုပ်ရပါမယ်။
လေ့ကျင့်ခန်း (၃)
အရင်ဦးဆုံး ကြမ်းပြင်ပေါ်မှာ လေးဖက်ထောက်နေပါ။ ထို့နောက် ညာလက်ကို ဘယ်ပုခုံးအောက်ထဲ ထိုးထည့်ပြီး အကြောလျော့လိုက်ပါ။ တစ်ဖန် မူလအနေအထားအတိုင်း ပြန်နေပါ။
ဘယ် ညာ တစ်လှည့်စီ ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၄)
Source: Man Flow Yoga
ဒီလေ့ကျင့်ခန်းလေးကတော့ ထိုင်လျက်သားလည်း ပြုလုပ်နိုင်သလို၊ မတ်တပ်ရပ်ပြီးလည်း ပြုလုပ်နိုင်ပါတယ်။
လက်နှစ်ဖက်ကို အရှေ့တည့်တည့်သို့ ဆန့်ထုတ်ပြီး မြှောက်ထားလိုက်ပါ။ ထို့နောက် လက်နှစ်ဖက်ကို ပူးကပ်လိုက်ပါ။ ထိုအနေအထားအတိုင်း ၄၅ စက္ကန့်ခန့် ပြုလုပ်ရမှာဖြစ်ပါတယ်။
လေ့ကျင့်ခန်း (၅)
Source: Menshealth
ခြေထောက်နှစ်ဖက်ကို ချဲထားပါ။ အလေးတုံးက ကိုင်လည်း ရသလို၊ မကိုင်လည်း ရပါတယ်။ ထို့နောက် ပုခုံဂကို တင်းလိုက်၊ လျော့လိုက်ဖြင့် တစ်လှည့်စီ ပြုလုပ်ရမှာဖြစ်ပါတယ်။ စုစုပေါင်း ၄၅ စက္ကန့်ခန့် ပြုလုပ်ရမှာ ဖြစ်ပါတယ်။
လေ့ကျင့်ခန်း (၆)
Source: Menshealth
ဒီလေ့ကျင့်ခန်းကတော့ စောစောက လေ့ကျင့်ခန်းနဲ့ အတူတူပါပဲ။ ဒီတစ်ခေါက်ကျတော့ လက်နှစ်ဖက်ကို ဘေးသို့ ဆန့်တန်းရမှာဖြစ်ပါတယ်။ စုစုပေါင်း ၄၅ စက္ကန့်ခန့် ပြုလုပ်ရမှာဖြစ်ပါတယ်။
ကွီးတို့ရော ပုခုံး တွေ ညောင်းညာ ကိုက်ခဲရင် ဘယ်လိုဖြေရှင်းလေ့ ရှိပါသလဲ။
Featured Image: Freepik
