ဘယ်လိုရည်ရွယ်ချက်နဲ့ပဲ လေ့ကျင့်ခန်းတွေလုပ်လုပ် လေ့ကျင့်ခန်းလုပ်ခြင်း က ခန္ဓာကိုယ်ကျန်းမာရေးနဲ့ စိတ်ပိုင်းဆိုင်ရာအတွက် အမှန်တကယ်ကို အထောက်အကူပြုပါတယ်။ လေ့ကျင့်ခန်းလုပ်တဲ့ အခါ ကိုယ်လုပ်ချင်တဲ့ ရလဒ်ရဖို့ဆိုရင် နည်းစနစ်မှန်မှန်ကန်ကန်နဲ့ ပုံမှန်ပြုလုပ်ဖို့ လိုသလို လေ့ကျင့်ခန်းတွေကို ပိုမိုထိရောက်စေဖို့ လိုအပ်တဲ့ အစားအစာတွေကိုလည်း စားပေးဖို့လိုပါတယ်။ New York City မှ အစားအသောက်ပညာရှင် Jess Cording, RD က မှန်ကန်တဲ့ အစားအစာတွေက လေ့ကျင့်ခန်းအတွက် လိုအပ်တဲ့ စွမ်းအင်ကို ပေးစွမ်းနိုင်သလို ခန္ဓာကိုယ်က ကြွက်သားတွေကို တည်ဆောက်နိုင်ဖို့လည်း အထောက်အကူပြုပါတယ် လို့ ဆိုပါတယ်။ ဒီနေ့မှာတော့ ကွီးတို့အတွက် လေ့ကျင့်ခန်းလုပ်ပြီး ရလဒ်ကောင်းဖို့ စားပေးရမယ့် အစားအစာတွေကို ဝေမျှပေးချင်ပါတယ်။
ငှက်ပျောသီး
Photo : Eat This Not That
လွယ်လွယ်ကူကူရတဲ့ ငှက်ပျောသီးက လေ့ကျင့်ခန်းလုပ်နေတဲ့ ကွီးတို့ စားပေးသင့်တယ်ဆိုတာ သိပါလား။ ငှက်ပျောသီးက ကာဗိုဟိုက်ဒရိတ်နှင့် အာဟာရဓာတ်များကို အမြန်ရရှိစေပြီး ကျွန်တော်တို့ နေ့စဉ်လိုအပ်သော ပိုတက်စီယမ်ရဲ့ ၉ နရာခိုင်နှုန်း ခန့်ကိုလည်း ပေးစွမ်းနိုင်ပါတယ်။ ခန္ဓာကိုယ်မှာ ပိုတက်စီယမ် အလုံအလောက်မရှိရင် ကြွက်သားတွေ ကြွက်တက်နိုင်ပါတယ်။ ဒါ့ကြောင့် ငှက်ပျောသီးလို သတ္တုဓာတ်ကြွယ်ဝသော အစားအစာများကို စားပေးခြင်းဖြင့် မပြင်းထန်သော လေ့ကျင့်ခန်းများကို ကောင်းကောင်းလုပ်နိုင်စေပါတယ်။
ဒိန်ချဉ်
Photo : The Spurce Eats
ပြင်းထန်သော လေ့ကျင့်ခန်းတွေ လုပ်ပြီးသွားရင် ကြွက်သားများအတွင်းမှ သေးငယ်သော ပျက်စီးရာလေးတွေ ဖြစ်နိုင်ပါတယ်။ ဒီလို လေ့ကျင့်ခန်းများ လုပ်ပြီးတော့ တစ်နာရီအတွင်း တစ်သျှူးတွေကို ပြန်လည်တည်ဆောက်ဖို့ ခန္ဓာကိုယ်က ပရိုတင်းကို အသုံးပြုဖို့လိုပါတယ်။ ဒီလိုအချိန်မှာ အခြားပရိုဓာတ်ကြွယ်ဝတဲ့ အစားအစာတွေ စားတာထက် တစ်ခွက်မှာ ပရိုတင်း ၂၂ ဂရမ်ပါရှိသော ဒိန်ချဉ်ကို သောက်သုံးခြင်းက အကောင်းဆုံး ရွေးချယ်မှုပါပဲ။ ဒါ့အပြင် ဒိန်ချဉ်က ကြွက်သားများ ကြီးထွားဖို့ ပရိုတင်းဓာတ်ကို ကောင်းကောင်း ထောက်ပံ့ပေးနိုင်တာကြောင့် ကြွက်သားတွေ ကိတ်ဖို့ အလေးပေးကစားနေတဲ့ ကွီးတို့ သောက်သုံးသင့်ပါတယ်။
အဆီနည်းသော Chocolate Milk
Photo : Healthline
Smoothies နှင့် အားကစားဖျော်ရည်များက လေ့ကျင့်ခန်းလုပ်ပြီးနောက် များသောအားဖြင့် သောက်လေ့သောက်ထရှိသော်လည်း အဆီနည်းသော Chocolate Milk က ကွီးတို့ကို ပြန်လည်နာလန်ထမှုကို မြန်ဆန်စေရန် ရိုတင်းနှင့် ကာဗိုဟိုက်ဒရိတ်ကို အချိုးအဆ မှန်မှန်ပေးစွမ်းနိုင်ပါတယ်။ ဒါ့အပြင် Chocolate Milk က လေ့ကျင့်ခန်းလုပ်နေစဉ်အတွင်း ဆုံးရှုံးသွားသော ရေဓာတ်ကိုလည်း ပြန်လည်ဖြည့်တင်းပြီးသား ဖြစ်စေပါတယ်။ လေ့ကျင့်ခန်းပုံမှန်ပြုလုပ်သူများ အနေနဲ့ စွမ်းအင် (glycogen) သိုလှောင်ပြီး ကြွက်သားတစ်သျှူးများကို ပြန်လည်ပြုပြင်ရန်အတွက် ကာဗိုဟိုက်ဒရိတ်နှင့် ပရိုတင်းဓာတ်များသော အစာများ (၁၅ မှ ၂၅ ဂရမ်ခန့်) စားသုံးရန် အကြံပြုထားပါတယ်။
အဆီဓါတ်ကြွယ်ဝသော ငါးများ
Photo : Retiree News
လေ့ကျင့်ခန်း ပြုလုပ်သူများနဲ့ အားကစားလိုက်စားသူများအတွက် ခန္ဓာကိုယ်ကြွက်သားများ ကြီးထွားရန်နဲ့ ပြန်လည်သန်စွမ်းစေဖို့ အသားဓါတ်ပရိုတင်းက အရေးကြီးပါတယ်။ သို့သော်လည်း သွေးတွင်းဟော်မုန်းပမာဏကို ထိန်းထားနိုင်ဖို့ လုံလောက်သော အဆီဓါတ်ကို စားသောက်ဖို့လည်း လိုပါတယ်။ အသားဓါတ်ပါသော အစာများနဲ့အတူ အဆီဓါတ်ကြွယ်ဝသော ငါး (ဥပမာ ဆော်လမွန်၊ ဟဲရင်း စသော ) များကို ကွီးတို့ရဲ့ နေ့စဉ်စားတဲ့ အစာမှာ ထည့်သွင်းစားသောက်တာက ကောင်းသော အကျိုးကျေးဇူးကို ရစေပါတယ်။ အခွံမာအစေ့ အဆံများ၊ အသီးခြောက်များဖြင့် ဖြည့်စားပါက မဂ္ဂနီယမ် နဲ့ သတ္တုဓါတ်အချို့ကို ရစေပါတယ်။
လေ့ကျင့်ခန်းလုပ်ပြီး ရလဒ်ကောင်းဖို့ ဒါတွေကိုလည်း ကွီးတို့ရဲ့ နေ့စဉ်အစားအစာတွေထဲမှာ ထည့်သွင်းစားသုံးပေးပါ။
Source : Preventation
Featured Photo :Buy and Slay
