ယောဂ ကစားခြင်းသည် ကွီးတို့အတွက် အကျိုးကျေးဇူးများစွာကို ယူဆောင်လာပေးပါတယ်။ ယောဂ ကစားခြင်းအားဖြင့် ဖဲမွေ့ယာထက်က ကွီးတို့ရဲ့ စွမ်းဆောင်ရည်ကို တိုးမြှင့်လာစေပြီး ကြွက်သားများလည်း သန်မာလာစေပါတယ်။ ဒါ့အပြင် အနာရောဂါများလည်း ကင်းဝေးစေပြီး ထိခိုက်ဒဏ်ရာများကိုလည်း သက်သာစေပါတယ်။ ကိုယ်ခံစွမ်းအားကို မြှင့်တင်ပေးတဲ့အပြင် ညဘက်မှာ နှစ်ခြိုက်စွာ အိပ်မောကျအောင်လည်း ကူညီပေးပါတယ်။ ဒါ့အပြင် ဆိတ် (စိတ်) ရှုပ်နေတဲ့အခါမှာလည်း ယောဂ လေ့ကျင့်ခန်းများ ပြု လုပ် ပေးခြင်းအားဖြင့် စိတ်တည်ငြိမ် အေးချမ်းသွားအောင် ကူညီပေးနိုင်ပါတယ်။

ယောဂ လေ့ကျင့်ခန်းများက လှုပ်လှုပ်ရှားရှား ချွေးထွက်များတဲ့ လေ့ကျင့်ခန်း မဟုတ်ပေမယ့်လည်း ခန္ဓာကိုယ်ကြွက်သားအစိတ်အပိုင်း တစ်ခုစီအလိုက် ထိရောက်မှုရှိပြီး စိတ်ကိုလည်း ငြိမ်သက်အေးချမ်းစေကာ စိုးရိမ်ပူပန်မှုနဲ့ စိတ်ဖိစီးမှုတွေကို ပြေလျော့သက်သာစေဖို့ ကူညီပေးနိုင်ပါတယ်။ ဒီတစ်ခေါက်မှာတော့ ကွီးတို့ရဲ့ ဆိတ် (စိတ်) ကို တည်ငြိမ်သွားစေဖို့အတွက် ဘယ်ယောဂ လေ့ကျင့်ခန်းများကို ပြု လုပ် သင့်သလဲဆိုတာ ဝေမျှ ပေးလိုက်ရပါတယ်။

လေ့ကျင့်ခန်း (၁)

Viparita Karani သို့မဟုတ် Legs-Up-The-Wall Pose ကတော့ လွယ်ကူရိုးရှင်းပြီး လူတိုင်းပြုလုပ်နိုင်တဲ့ ယောဂ လေ့ကျင့်ခန်းတစ်ခု ဖြစ်ပါတယ်။ စိတ်ဖိအားနဲ့ ခန္ဓာကိုယ်ရဲ့တင်းကြပ်မှုတွေအားလုံးကို ပြေလျော့သက်သာစေဖို့ ကူညီးပေးနိုင်တဲ့ အပျော့စားယောဂ ကျင့်စဉ်ဖြစ်ပါတယ်။ မနက်ခင်း ဝမ်းဗိုက်ထဲအစာမရှိတဲ့ အချိန်ပြုလုပ်ဖို့ အကောင်းဆုံးဖြစ်ပြီး ၅ မိနစ်ကနေ ၁၀ မိနစ်ခန့်အထိ ပြုလုပ်ပေးနိုင်ပါတယ်။

လေ့ကျင့်ခန်း (၂)

ပုံပါအနေအထားအတိုင်း ခန္ဓာကိုယ်ကို ၁ မိနစ်ခန့် တောင့်ထားပေးလိုက်ပါ။ ဒီလေ့ကျင့်ခန်းကို ပုံမှန်ပြုလုပ်ပေးခြင်းအားဖြင့် ကြွက်သားများ၊ အထူးသဖြင့် တင်ပါး၊ ရင်အုပ်၊ ကျောရိုးနှင့် ဒူးခေါင်းရှိ ကြွက်သားများကိုလည်း အကြောအချဉ်ပြေစေပါတယ်။

လေ့ကျင့်ခန်း (၃)

အရင်ဦးဆုံး ကြမ်းပြင်ပေါ်မှာ မှောက်လျက် လှဲလျောင်းနေပါ။ ထို့နောက် ခန္ဓာကိုယ် အပေါ်ပိုင်းကို ကြွလိုက်ကာ လက်နှစ်ဖက်က ဆန့်တန်းထားရပါမယ်။ ထို့နောက် ဦးခေါင်းက အပေါ်သို့ မော့ကြည့်လိုက်ပါ။ ထိုအနေအထားအတိုင်း မိနစ်အနည်းငယ်ကြာအောင် ပြုလုပ်ပေးလိုက်ပါ။

လေ့ကျင့်ခန်း (၄)

အရင်ဦဆုံး ကြမ်းပြင်ပေါ်မှာ ဝမ်းလျားမှောက်နေပါ။ ညာလက်က ညာခြေကို ဖမ်းဆွဲယူလိုက်ပြီး ဘယ်လက်နှင့် ဘယ်ခြေကို ဆန့်တန်းထားပါ။ စက္ကန့် (၃၀) ပြည့်ပါက ဘယ်လက်နှင့် ဘယ်ခြေကို ဖမ်းဆွဲယူပြီး ညာလက်နှင့် ညာခြေကို ဆန့်တန်းထားပါ။ စက္ကန့် (၃) တောင့်ထားပါ။

တဖြည်းဖြည်းကျွမ်းကျင်လာပါက ဘယ်ခြေနှင့် ညာခြေကို ဘယ်လက်နှင့် ညာလက်က တပြိုင်တည်း ဖမ်းဆွဲကာ တစ်မိနစ်ခန့် တောင့်ခံထားလိုက်ပါ။

ဘယ်လေ့ကျင့်ခန်းကို မဆို လုပ်မယ်ဆိုရင် ကျွန်တော်တို့ရဲ့ ခန္ဓာကိုယ်က ရေဓာတ်ပြည့်ဝနေဖို့ လိုပါတယ်။ ယောဂကျင့်စဉ်အတွင်း ရေသောက်ရန် အကြံပြုထားခြင်း မရှိသော်လည်း၊ ကွီးတို့ရဲ့ လေ့ကျင့်မှုတစ်လျှောက်လုံး ရေဓာတ်ကို ထိန်းထားနိုင်သော နည်းလမ်းအချို့ကို လိုက်နာလို့ရပါတယ်။ ဥပမာ လေ့ကျင့်ခန်းမစခင် တစ်နာရီလောက်အလိုမှာ ရေ ၁၆ အောင်စ ခန့်ကိုသောက်ပါ။ လေ့ကျင့်ခန်း လုပ်ပြီးနောက် ခန္ဓာကိုယ်မှ ကုန်ဆုံးသွားသော ရေဓာတ်ကို ပြန်ဖြည့်ဖို့ နောက်ထပ် ၂၀ ခန့် အောင်စကို သောက်သုံးသင့်တယ်လို့ အကြံပြုထားပါတယ်။

ကွီးတို့သာ အခုဖော်ပြသွားတဲ့ ယောဂ လေ့ကျင့်ခန်းတွေကို မှန်မှန်ပြုလုပ် ကြည့်လိုက်ပါ။ ညစ်နေတာတွေ လွှင့်သွားပါလိမ့်မယ်။

Source: Menshealth

Featured Image: Freepik