အလေးတုံး ရွေး

ကွီးတို့က အလေးတုံးနဲ့ လေ့ကျင့်ခန်း ပြုလုပ်ရတာကို ဝါသနာပါပါသလား၊ ဒါမှမဟုတ် ကိရိယာ လွတ်နဲ့ လေ့ကျင့်ခန်း ပြုလုပ်ရတာကို ပိုကြိုက်ပါသလား။ အလေးတုံး ပဲ ရွေး ရွေး၊ ကိရိယာလွတ်နဲ့ပဲ လုပ်လုပ် ကွီးတို့က အကျိုးကျေးဇူးများကို ခံစားရရှိမှာတော့ မလွဲမသေပါပဲ။

အလေးတုံး များကို ရွေး ချယ်ပြီး လေ့ကျင့်ခန်းပြုလုပ်မယ်ဆိုရင်တော့ အခုဖော်ပြပေးမယ့် အကျိုးကျေးဇူးများကို ရရှိနိုင်ပါတယ်။

အရိုးအဆစ်များ သန်မာလာခြင်း
ထိခိုက် အနာတရ ဖြစ်ခြင်းကို လျော့ချပေးနိုင်ခြင်း
ကိုယ်အလေးချိန် လျော့ကျသွားခြင်း
ခွန်အား သန်မာလာခြင်း
နှလုံး အားကောင်းလာခြင်း
စိတ်ခံစားချက်များကို ကောင်းမွန်လာစေခြင်း
နှစ်ခြိုက်စွာ အိပ်မောကျစေခြင်း
မိမိကိုယ်ကိုယ် ယုံကြည်မှု ရှိလာခြင်း

ကိရိယာလွတ် လေ့ကျင့်ခန်းများကို ပြုလုပ်မယ်ဆိုရင်တော့ အခုဖော်ပြပေးမယ့် အကျိုးကျေးဇူးများကို ရရှိပိုင်ဆိုင်နိုင်ပါတယ်။

ခန္ဓာကိုယ် နူးညံ့ပျော့ပျောင်း လာခြင်း
ခန္ဓာကိုယ် ဟန်ချက် ညီလာခြင်း
ကြွက်သားများ သန်မာလာခြင်း
ခန္ဓာကိုယ် အဆီပိုများ လျော့ကျသွားခြင်း
ဘယ်နေရာ၊ ဘယ်အချိန်မဆို ပိုက်ဆံမကုန်ဘဲ အလွယ်တကူ ပြုလုပ်နိုင်ခြင်း အစရှိတဲ့ အကျိုးကျေးဇူးများကို ခံစားရပါလိမ့်မယ်။

အလေးတုံးနဲ့ ဆော့ကစားမယ်ဆိုရင်လည်း အရင်ဦးဆုံး ကိရိယာအလွတ်ဖြင့် ဆော့ကစားပြီးမှ ဖြည်းဖြည်းချင်းစီ ဝိတ်တုံး တင်ရမှာဖြစ်ပါတယ်။ ကိုယ်နိုင်တဲ့ အလေးတုံးကို ဆော့ကစားပြီးမှ အလေးတင်သင့်ပါတယ်။

ကိရိယာ လွတ် လေ့ကျင့်ခန်းများကို ကိုယ့်ဘာသာ အိမ်မှာပဲ ဆော့ကစားမယ်ဆိုရင်တော့ အခုဖော်ပြပေးမယ့် လေ့ကျင့်ခန်းများက ထိရောက်မှု အရှိဆုံးနဲ့ အလွယ်ကူဆုံး လေ့ကျင့်ခန်းများပဲဖြစ်ပါတယ်။

လေ့ကျင့်ခန်း (၁)

ဒီလေ့ကျင့်ခန်းကတော့ Plank ထောက်လျက်သားနဲ့ ဘယ်လက်ကို ဆန့်တန်းလိုက်၊ ညာလက်ကို ဆန့်တန်းလိုက်ဖြင့် ဆက်တိုက် ပြုလုပ်ရမှာဖြစ်ပါတယ်။ ဘယ် ညာကို တစ်ကြိမ်လို့ သတ်မှတ်ပြီး စုစုပေါင်း ၁၅ ကြိမ်၊ ၃ ကျော့ ပြုလုပ်ရမှာဖြစ်ပါတယ်။

လေ့ကျင့်ခန်း (၂)

လက်နှစ်ဖက်ကို ပုံပါအတိုင်း ထောက်ထားကာ ဒူးခေါင်းတစ်ဖက်စီကို ရင်ဘတ်ဆီသို့ ဆွဲယူကာ လေ့ကျင့်ခန်း ပြုလုပ်ရမှာဖြစ်ပါတယ်။ ဒီလေ့ကျင့်ခန်းကတော့ စက္ကန့် ၃၀ ပြုလုပ်ပေးရမှာပဲဖြစ်ပါတယ်။

လေ့ကျင့်ခန်း (၃)

ဒီလေ့ကျင့်ခန်းလေးကိုတော့ စက္ကန့် ၃၀ ပြုလုပ်ပေးရမှာဖြစ်ပါတယ်။ ဒီလေ့ကျင့်ခန်းကတော့ ကွီးတို့ရဲ့ ခန္ဓာကိုယ် အောက်ပိုင်းကြွက်သားများကို သန်မာလာစေမှာပဲဖြစ်ပါတယ်။

လေ့ကျင့်ခန်း (၄)

ဒီလေ့ကျင့်ခန်းလေးရဲ့ နာမည်ကတော့ Jumping Jacks လေ့ကျင့်ခန်းပဲဖြစ်ပါတယ်။ ပုံထဲက ပြထားတဲ့အတိုင်း လေ့ကျင့်ခန်း ပြုလုပ်ပေးရမှာဖြစ်ပြီး ၁ မိစန်ခန့် ပြုလုပ်ပေးရမှာပဲဖြစ်ပါတယ်။ ဒီလေ့ကျင့်ခန်းက ကွီးတို့ရဲ့ ခန္ဓာကိုယ် တစ်ခုလုံးရဲ့ ကြွက်သားများကို သန်မာစေပြီး သွက်လက်ကျန်းမာအောင် ကူညီပေးမှာဖြစ်ပါတယ်။

လေ့ကျင့်ခန်း (၅)

ခြေထောက်နှစ်ဖက်ကို ပုခုံးအကျယ်အတိုင်း အနည်းငယ် ချဲထားပြီး ခါးထောက်နေပါ။ ဘယ်ခြေကို အရှေ့သို့ ဆန့်တန်းကာ ညာဒူးကို ကွေးချလိုက်ပါ။ ထို့နောက် မူလအနေအထားအတိုင်း မတ်တပ် ပြန်ရပ်ပါ။ ညာခြေကိုလည်း စောစောကနည်းအတိုင်း အရှေ့သို့ ဆန့်တန်းကာ ဘယ်ဒူးကို ကွေးချလိုက်ပါ။ ထို့နောက် မူလ အနေအထားအတိုင်း မတ်တပ် ပြန်ရပ်လိုက်ပါ။ ဒါဆိုရင်တော့ တစ်ကြိမ် ပြည့်သွားပါပြီ။ စုစုပေါင်း ၁၅ ကြိမ်၊ ၃ ကျော့ (သို့) ၄ ကျော့ခန့် ပြုလုပ်ရမှာဖြစ်ပါတယ်။

ကွီးတို့ရော ကိရိယာလွတ် လေ့ကျင့်ခန်းများကို ပြုလုပ်ရတာ ကြိုက်ပါသလား။ ဒါမှမဟုတ် အလေးတုံးနဲ့ ပြုလုပ်ရတဲ့ လေ့ကျင့်ခန်းများကို ပိုကြိုက်ပါသလား။

Source: Menshealth

Featured Image: Freepik