ကွီးတို့ခန္ဓာကိုယ်အတွက် လုံလုံလောက်လောက် အကြောလျော့ပေးရဲ့လား။ ကွီးတို့ လေ့ကျင့်ခန်း ပြုလုပ်ပြီးရင်ပဲဖြစ်ဖြစ်၊ တစ်နေကုန် ထိုင်နေရလို့ ညောင်းညာတဲ့အခါမျိုးမှာ အကြောလျော့ ခြင်းကတော့ အကောင်းဆုံး အလေ့အကျင့်တစ်ခုပဲဖြစ်ပါတယ်။

ဒီလိုမျိုး ခန္ဓာကိုယ်ကို အကြောလျော့ပေးခြင်းအားဖြင့် ကွီးတို့ တစ်ကိုယ်လုံးက ညောင်းညာကိုက်ခဲနေတာတွေ အကြောတက်နေတာတွေကို ပြေလျော့သွားစေပြီး အကြောအခြင် ပြေသွားစေပါတယ်။

ကွီးတို့ ခန္ဓာကိုယ်အတွက် အကြောလျော့ ချင်တယ်ဆိုရင်တော့ အခုဖော်ပြပေးမယ့် လေ့ကျင့်ခန်းများက အကောင်းဆုံး ပါပဲ။

လေ့ကျင့်ခန်း (၁)

ဒီလေ့ကျင့်ခန်းကတော့ ကွီးတို့ရဲ့ ပေါင်နဲ့ ခြေသလုံးက ညောင်းညာကိုက်ခဲမှုတွေကို ပြေလျော့သွားစေဖို့ ကူညီပေးပါလိမ့်မယ်။

ခြေထောက်နှစ်ဖက်ကို အနည်းငယ် ချဲထားပြီး ဒူးမကွေးစေဘဲနဲ့ ခန္ဓာကိုယ် အပေါ်ပိုင်းကို ပုံပါအတိုင်း ကိုင်းချပြီး လက်ဖျားနဲ့ ခြေဖျားကို ထိကပ်ပေးရမှာဖြစ်ပါတယ်။

လေ့ကျင့်ခန်း (၂)

ကွီးတို့ လက်နှစ်ဖက်ကို မျက်နှာကျက်ပေါ်သို့ မြှောက်လိုက်ပြီးနောက် မျက်နှာကိုလည်း မျက်နှာကျက်ပေါ်သို့ မော့လိုက်ပါ။ ထို့နောက် လည်ပင်းနဲ့ ရင်အုပ်ကို အကြောအခြင် ပြေသွားလို့ ဖြည်းဖြည်းချင်းစီ အကြောဆန့်လိုက်ပါ။

လေ့ကျင့်ခန်း (၃)

လက်နှစ်ဖက်ကို ကွီးတို့ ဦးခေါင်းထက်မှာ စုဆုံပြီးနောက် ခါးကို ဘယ်ဘက်သို့ ယိမ်းလိုက်၊ ညာဘက်သို့ ယိမ်းလိုက်ဖြင့် တစ်လှည့်စီ ပြုလုပ်ရမှာပဲဖြစ်ပါတယ်။

လေ့ကျင့်ခန်း (၄)

ဒီလေ့ကျင့်ခန်းကတော့ ကွီးတို့ရဲ့ ခြေသလုံးက အကြောအခြင်တွေကို ပြေသွားအောင် ကူညီပေးပါလိမ့်မယ်။ ဝရန်တာ မရှိလည်း နံရံကို မျက်နှာချင်းဆိုင်ပြီး အခုလိုမျိုး ဘယ်ခြေတစ်လှည့် ညာခြေတစ်လှည့် ပြုလုပ်ပေးလိုက်ပါ။

လေ့ကျင့်ခန်း (၅)

ပုံပါအတိုင်း ညာဒူးကို ၄၅ ဒီဂရီလောက်စောင်းလိုက်ပြီး လက်နှစ်ဖက်ကိုလည်း ဘေးနှစ်ဖက်သို့ ဆန့်တန်းထားလိုက်ပါ။ မိနစ် အနည်းငယ်ကြာတဲ့အခါ ဘယ်ဒူးကို ၄၅ ဒီဂရီ ကွေးညွှတ်ပြီး စောင်းလိုက်ပါ။

လေ့ကျင့်ခန်း (၆)

ညာဒူးကို ရင်ဘတ်ဆီသို့ ဆွဲကပ်ပြီး စက္ကန့်ပိုင်းလောက် အကြောလျော့လိုက်ပါ။ ဘယ်ဒူးကိုလည်း ထိုနည်းအတိုင်းပါပဲ။

လေ့ကျင့်ခန်း (၇)

အရင်ဦးဆုံး မတ်တပ်ရပ်နေပါ။ ထို့နောက် ညာခြေကို နောက်သို့ ပစ်ပြီး ညာဘက်ပေါင်နဲ့ ထိကပ်ပေးလိုက်ပါ။ စက္ကန့် အနည်းငယ်ကြာတဲ့အခါ ဘယ်ခြေကို ထိုနည်းအတိုင်း ပြုလုပ်ပေးနိုင်ပါတယ်။

လေ့ကျင့်ခန်း (၈)

ညာဒူးကို အရှေ့သို့ ကွေးညွှတ်ပြီး ဘယ်ခြေကို အနောက်သို့ ဆန့်တန်းလိုက်ပါ။ စက္ကန့် အနည်းငယ်ကြာတဲ့အခါ ခြေထောက်နှစ်ဖက်ကို ဘက်ပြောင်းလိုက်ပါ။

လေ့ကျင့်ခန်း (၉)

ကြမ်းပြင်ပေါ်မှာ ဝမ်းလျားမှောက်ကာ လှဲလျောင်းနေလိုက်ပါ။ ထို့နောက် ခန္ဓာကိုယ် အပေါ်ပိုင်းကို ဖြည်းဖြည်းချင်းစီ ကြွပေးလိုက်ပါ။

လေ့ကျင့်ခန်း (၁၀)

ဘယ်လက်ကို ပုံပါအတိုင်း ကျောပေါ်သို့ ပစ်ထားပြီး ညာလက်က ဘယ်တံတောင်ကို ဆွဲယူလိုက်ပါ။ ကျန်တစ်ဖက်ကိုလည်း ထိုနည်းအတိုင်း ပြုလုပ်ရမှာပဲဖြစ်ပါတယ်။

လေ့ကျင့်ခန်း (၁၁)

မတ်တပ်ရပ် အနေအထားနဲ့ အသင့်ပြင်ပါ။ ညာလက်ကို ခန္ဓာကိုယ် ဘယ်ဘက်သို့ ဆန့်တန်းထားပြီးနောက် ဘယ်လက်က ညာတံတောင်နဲ့ ဖိကပ်လိုက်ပါ။ ထိုအနေအထားအတိုင်း နောက်တစ်ဖက်ကိုလည်း ထိုနည်းအတိုင်း ပြုလုပ်ရပါမယ်။

လေ့ကျင့်ခန်း (၁၂)

နောက်ဆုံးတစ်ခုကတော့ လည်ပင်း ညောင်းညာတာတွေ မရှိအောင် အကြောအခြင် လျော့ရမှာပဲဖြစ်ပါတယ်။

ဒီလေ့ကျင့်ခန်းများ အားလုံးက ကွီးတို့ရဲ့ အကြောအခြင်တွေအားလုံး၊ ခန္ဓာကိုယ်တစ်ခုလုံးမှာ ညောင်းညာနေတာတွေ အားလုံးကို ပြေလျော့သွားစေဖို့ ကူညီပေးပါလိမ့်မယ်။

ကွီးတို့ရော ဒီလေ့ကျင့်ခန်းများနဲ့ အကြောမလျော့ချင်ဘူးလား။

Source: Fatherly

Featured Image: Hingehealth