မျက်ခုံးမွေးကို ညှပ်ခြင်း
Photo : Ethos Spa
ကွီးရဲ့ မျက်ခုံးမွေးတွေဟာ ပေါင်းသင်မထားတဲ့ ဥယျာဉ်တစ်ခုလို ဖြစ်နေပါသလား။ တစ်ခါတစ်လေ နှုတ်ရုံနဲ့ လုံလောက်ပါလိမ့်မယ်။ တစ်ကယ်လို့ မျက်ခုံးနှစ်ခုဆက်နေတဲ့ အနေအထားမျိုးဆိုရင်တော့ ပိုပြီး ပြင်းထန်တဲ့ နည်းလမ်းတွေ လိုအပ်ပါလိမ့်မယ်။ ဖယောင်းနဲ့ နှုတ်တာက အိမ်မှာပဲဖြစ်ဖြစ်၊ ဆံပင်ညှပ်ဆိုင်မှာပဲဖြစ်ဖြစ် အတော်လေး လွယ်ကူပါတယ်။ ခြောက်ပတ်ကနေ ရှစ်ပတ်တစ်ကြိမ်လောက် လုပ်ပေးရင် လုံလောက်ပါတယ်။
ခံတွင်းအနံ့ဆိုး
Photo : Palermo Village Dental
ခံတွင်းအနံ့ဆိုးဟာ လူကို အရမ်းဆွဲဆောင်မှု နည်းစေပါတယ်။ ဒါပေမယ့် ကိုယ့်မှာ ခံတွင်းအနံ့ဆိုး ရှိနေမှန်း ဘယ်လိုသိနိုင်မလဲ။ ဒီနည်းလမ်းလေးနဲ့ စမ်းကြည့်ပါ။ ကွီးလက်ကို နောက်ဘက်ကို လျှာနဲ့ တို့လိုက်ပါ။ ခဏစောင့်ပြီး အနံ့ခံကြည့်ပါ။ ခံတွင်းအနံ့ဆိုးဖြစ်ရတဲ့ အကြောင်းရင်းတွေက အမျိုးမျိုးရှိပါတယ်။ တချို့လူတွေက သွားတိုက်တာ ဒါမှမဟုတ် ကြက်သွန်နီလျှော့စားတာနဲ့ သက်သာသွားပါတယ်။ ဂရုစိုက်နေပါလျက်နဲ့ နာတာရှည် ခံတွင်းအနံ့ဆိုး ရှိနေသေးရင် သွားဆရာဝန်ကို ပြသပါ။ ပိုးဝင်တာ ဒါမှမဟုတ် တခြားပြဿနာတွေ ရှိနိုင်ပါတယ်။
နှာခေါင်းနဲ့ နားရွက် အမွှေးအမျှင်များ
Photo : Tiege Hanley
ဒါက တော်တော်ဆိုးပါတယ်။ ဆံပင်က ဦးခေါင်းကနေ ကျွတ်လာချိန်မှာ မလိုချင်တဲ့ နေရာတိုင်းမှာ စပေါက်လာပါတယ်။ နှာခေါင်းအမွှေးအမျှင်တွေအတွက်တော့ မနှုတ်ပါနဲ့။ ပထမအချက်က နာကျင်ပါတယ်။ ဒုတိယအချက်က နှာခေါင်းအမွှေးအမျှင်တွေက ကွီးအဆုတ်ထဲကို သွားတဲ့လေကို စစ်ထုတ်ပေးပါတယ်။ လျှပ်စစ်ညှပ်ကိရိယာနဲ့ နည်းနည်းလောက် ညှပ်ပေးပါ။ နားရွက်အမွှေးအမျှင်တွေအတွက်လည်း အဲဒီညှပ်ကိရိယာကို သုံးနိုင်ပါတယ်။
လက်နဲ့ လက်သည်းအလှအပ
Photo : Le Salon
ကွီး ဂရုမစိုက်ရင်တောင် သင့်လက်တွေကို နေ့တိုင်း သတိထားမိကြပါတယ်။ ဥပမာ – တခြားသူရဲ့လက်ကို ဆုပ်ကိုင်တဲ့အခါမျိုးပါ။ ညစ်ပတ်နေတဲ့ ဒါမှမဟုတ် စုတ်ပြတ်နေတဲ့ လက်သည်းတွေဟာ ယောကျာ်းပီသခြင်း မရှိပါဘူး။ ဆွဲဆောင်မှုလည်း မရှိပါဘူး။ လက်သည်းညှပ်ဆိုင်မှာ သွားပြီး လက်သည်းအလှပြုပြင်တာကို စဉ်းစားကြည့်ပါ။ ယောကျာ်းလေးတွေ အများကြီး လုပ်နေကြပါတယ်။ မလုပ်ဖြစ်ရင် အနည်းဆုံးတော့ ဂရုစိုက်ပါ။ လက်သည်းကို ပုံမှန်ညှပ်ပါ။ လက်သည်းတိုက်တဲ့ ဘရပ်ရှ်လေးတစ်ခု ဝယ်ပြီး သုံးပါ။
ပါးလွန်းသော ဆံပင်
Photo : Speakeasy Brand
ကွီးရဲ့ ဆံပင်တွေ ပါးလာနေပြီဆိုရင် အလှပြင်ဆိုင်က ကျွမ်းကျင်သူတွေက ပွင့်ပွင့်လင်းလင်း အကြံပေးပါလိမ့်မယ်။ ဝန်ခံလိုက်ပါ။ ဆံပင်ကို အရှည်ထားတာ၊ ပစ္စည်းအများကြီးသုံးတာ ဒါမှမဟုတ် အထူးအဆန်းပုံစံမျိုး လုပ်တာနဲ့ မဖုံးကွယ်ပါနဲ့။ ဘယ်သူ့ကိုမှ လှည့်စားလို့ မရပါဘူး။ သင့်ကိုယ်သင်ပဲ လှည့်စားနေတာပါ။ ဆံပင်ကို တိုတိုညှပ်ပါ ဒါမှမဟုတ် အကုန်လုံး ရိတ်ပစ်လိုက်ပါ။ ပိုကောင်းတဲ့ ရုပ်ထွက်ကို ရရှိမှာဖြစ်ပြီး ရှက်စရာမရှိဘူးဆိုတာကို သိလာပါလိမ့်မယ်။
ဘယ်လို အနံ့မထွက်အောင် နေမလဲ
Photo : Mood
ရေမွှေးသုံးချင် သုံးပါ။ ဒါပေမယ့် တစ်ခါတည်း ရေမွှေးပါတဲ့ ဆပ်ပြာ၊ အာဖတာရှိတ်၊ ဒီယိုဒရန့်နဲ့ မျက်နှာလိမ်းခရင်မ်တွေပါ မသုံးပါနဲ့။ ရောထွေးနေတဲ့ ယောကျာ်းဆန်တဲ့ အနံ့တွေနဲ့ ရုံးကို နံသွားစေတာမျိုး မကောင်းပါဘူး။ အနံ့နဲ့ပတ်သက်လာရင် သိမ်မွေ့တာက အကောင်းဆုံးပါ။ နောက်ထပ် ထည့်စဉ်းစားရမှာက သင်ကိုယ်တိုင် အနံ့ပါတဲ့ ပစ္စည်းတွေ များများသုံးလေ၊ ကွီးရဲ့ အရေပြားကို ယားယံစေမယ့် အခွင့်အလမ်း ပိုများလေပါပဲ။
မုတ်ဆိတ်ရိတ်ခြင်း
Photo : Wilikinson Sword
ယောကျာ်းလေးအများစု နေ့တိုင်းလုပ်နေတဲ့အရာကို ဘယ်လောက်ဆိုးဆိုးရွားရွား လုပ်နိုင်လဲဆိုတာ အံ့သြစရာပါပဲ။ တစ်ချက်က ကျွန်တော်တို့ အလောတကြီး လုပ်တတ်ကြပါတယ်။ မုတ်ဆိတ်ရိတ်ခရင်မ် အများကြီး လိမ်းပြီး ချက်ချင်း စတင်ရိတ်ပါတယ်။ အဲဒီအစား မုတ်ဆိတ်ရိတ်ခရင်မ်ကို သုံးမိနစ်လောက် စိမ့်ဝင်သွားပြီး ဆံပင်တွေကို နူးညံ့သွားအောင် ထားပေးပါ။ ရေချိုးခန်းထဲမှာ မုတ်ဆိတ်ရိတ်ရင် ရိတ်မယ့်အပေါ်ရေကို ခဏလောက် စိမ်ပေးပါ။ ဒါကြောင့် ယောကျာ်းတွေဟာ မုတ်ဆိတ်မရိတ်ခင် မျက်နှာကို ရေနွေးနဲ့ အုပ်ပေးလေ့ရှိတာပါ။
သင်တုန်းတွေမှာ ဓါးလေးချောင်း ဒါမှမဟုတ် ဒီထက်ပိုပြီး ပါဝင်နေတတ်ပေမယ့် အဲဒါက ပိုကောင်းတယ်လို့ မဆိုလိုပါဘူး – အထူးသဖြင့် တူညီတဲ့နေရာကို ထပ်ခါထပ်ခါ ရိတ်နေရင်ပါ။ အနီးကပ်ရိတ်ဖို့ အာရုံစိုက်လွန်းတာက ရှပ်ထိတာနဲ့ သင်တုန်းလောင်တာကို ဖြစ်စေနိုင်ပါတယ်။ မျက်နှာမှာ တစ်ရှူးစုတ်တွေ ကပ်နေတာထက် အနည်းငယ် အမွှေးကျန်နေတာနဲ့ အလုပ်သွားတာက ပိုကောင်းပါတယ်။ အတွင်းကို ဝင်နေတဲ့ အမွှေးအမျှင်တွေက ပြဿနာဖြစ်နေရင် အပေါ်ယံလွှာကို ကွာကျစေတာကို စမ်းကြည့်ပါ ဒါမှမဟုတ် အမြှုပ်အစား ဂျယ်လ်ကို သုံးပြီး ဆံပင်ပေါက်တဲ့ ဦးတည်ရာအတိုင်း ရိတ်ပါ။
အရေပြားနဲ့ နေရောင်
Photo : Vitamin USA
သုံးလေးဆယ်စုနှစ်လောက်ကြာပြီးနောက် နေရောင်က သင့်မျက်နှာကို ထိခိုက်စေပါတယ်။ အိုမင်းရင့်ရော်မှုနဲ့ ဆက်စပ်နေတဲ့ အရေးအကြောင်းအများစုဟာ နေရောင်ကြောင့် ပျက်စီးသွားတာပါ။ တချို့လူတွေက ရာသီဥတုဒဏ်ခံနိုင်တဲ့ ရုပ်သွင်ကို ဖော်ထုတ်နိုင်ပါတယ်။ ကျန်တဲ့လူတွေက အရေးအကြောင်းတွေနဲ့ပဲ ရှိနေပါတယ်။ ဇင့်အောက်ဆိုဒ်ပါဝင်တဲ့ ကျယ်ပြန့်ရောင်ခြည်ကာကွယ်နိုင်တဲ့ နေရောင်ကာကွယ်ဆေးနဲ့ SPF 30 ဒါမှမဟုတ် ဒီထက်မြင့်တဲ့ နေရောင်ကာကွယ်ဆေးကို သုံးပြီး သင့်အရေပြားကို ကာကွယ်ပါ။
မျက်နှာကို ဘယ်လိုဆေးမလဲ
Photo : The Majestic Man
သင်ဟာ ချိုင်းနဲ့ ခြေကြားကို ပွတ်တိုက်ဖို့ သုံးတဲ့ ကြမ်းတမ်းတဲ့ ဆပ်ပြာနဲ့ပဲ မျက်နှာကို ဆေးနေတာလား။ အဲဒါ မကောင်းပါဘူး။ သင့်မျက်နှာပေါ်က အရေပြားဟာ ထိခိုက်လွယ်ရုံသာမက လူတိုင်းမြင်ရတဲ့ ပထမဆုံးအရာလည်း ဖြစ်ပါတယ်။ ခြောက်သွေ့နေတဲ့ အကြေးခွံထနေတဲ့ အရေပြားဟာ ကြည့်လို့မကောင်းပါဘူး။ ပြင်းထန်တဲ့ အနံ့တွေပါတဲ့ ဆပ်ပြာတွေကို ရှောင်ပြီး နူးညံ့တဲ့ ဆပ်ပြာမဟုတ်တဲ့ မျက်နှာသန့်စင်ဆေးကို ရွေးချယ်ပါ။
ခြေထောက်ကို ဂရုစိုက်ခြင်း
Photo : Man’s Life
ယောကျာ်းလေးတွေ လျစ်လျူရှုထားတဲ့ ခန္ဓာကိုယ်အစိတ်အပိုင်းတွေထဲမှာ သင့်ခြေထောက်က အများဆုံး လျစ်လျူရှုခံထားရတာ ဖြစ်နိုင်ပါတယ်။ ဒါပေမယ့် သင့်ရဲ့ အဖော်က သတိထားမိမှာ သေချာပါတယ်။ အထူးသဖြင့် ညဘက်မှာ သင့်ခြေသည်းနဲ့ ကုတ်မိရင်ပေါ့။ ခြေသည်းတွေကို ဖြောင့်ဖြောင့်တန်းတန်း ပုံမှန်ညှပ်ပါ။ ခြေထောက်ကို စိမ်ပြီး ကျောက်ခဲနဲ့ ပွတ်တိုက်ပြီး သေနေတဲ့ အရေပြားတွေကို ဖယ်ရှားပါ။ သင်တို့နှစ်ယောက်လုံး ရလဒ်ကို သဘောကျကြပါလိမ့်မယ်။
Featured Photo : Mashable ME
