COVID-19 ကြောင့် အိမ်တွင်းအောင်းနေရင်းနဲ့ ဝိတ်တွေ ထိုးတက်လာနေပြီလား။ အိမ်ထဲမှာ နေရင်း ထိုက်သင့်သလောက် အားကစားလုပ်နေတာတောင် ကယ်လိုရီ သိပ်မ Burn ဘဲ ဖြစ်နေရင် ခါးတွေ တုတ်လာပြီး အဆီတွေတက်လာမှာပါပဲ။ ကယ်လိုရီ Burn ပြီး ဘော်ဒီဝိတ်ထိန်းနိုင်ဖို့ဆိုရင် အခုပြောမယ့်နည်းလမ်းလေးတွေလည်း သုံးပေးဖို့တော့ လိုပါလိမ့်မယ်။
(၁) Bodyweight လေ့ကျင့်ခန်း ပိုလုပ်ပေးပါ
Photo: Freepik
အိမ်တွင်း Workout လုပ်ပြီဆိုရင် Bodyweight လေ့ကျင့်ခန်း တိုးကစားပေးပါ။ Muscle Building ပိုင်းကို ပိုဦးစားပေးပါ။ ပိုလေးတဲ့ ဝိတ်တုံးတွေ မပါ။ Bodyweight Workout ကစားခြင်းဟာ ကယ်လိုရီတွေကို ၈% ကနေ ၂၅%အထိ ပိုကျဆင်းအောင် ကူညီနိုင်ပါတယ်။ Weighted Vest လည်း ဝတ်ထားနိုင်ပါတယ်။
(၂) အားကစားအစုံ လုပ်ပါ
Photo: Freepik
အားကစားတစ်မျိုးတည်း လုပ်တာထက် မျှပြီး အားကစားလုပ်တာ ပိုထိရောက်ပါတယ်။ Bodyweight နဲ့ Squats လုပ်ရင်း Lunges ၊ Push-Ups ၊ Bench Presses ၊ Pull-Ups နဲ့ Deadlifts စသည်ဖြင့် အားကစားနည်းလမ်းတွေ စုံအောင် Plan ချပြီး လုပ်သင့်ပါတယ်။ ဒီလေ့ကျင့်ခန်းလေးတွေဟာ အဆီချရာမှာ အတော်လေး အထောက်အကူပြုပါတယ်။
(၃) ရေများများ သောက်ပါ
Photo: Freepik
ရေသောက်ခြင်းဟာ ခန္ဓာကိုယ် ဇီဝဖြစ်စဉ်ပေါ် အကျိုးသိပ်များပါတယ်။ ရေအေးအေး လီတာဝက်လောက် သောက်ပေးတာနဲ့ ၁၀ မိနစ်အတွင်း ဇီဝကမ္မလုပ်ဆောင်ချက်ကို ၃၀% ကနေ ၄၀% ပိုမြှင့်ပေးနိုင်ပါတယ်။ Workout မလုပ်ခင် ရေအေးအေး နှစ်ခွက်လောက် သောက်ပေးပါ။ ဒီအလေ့အကျင့်က အားကစားလည်း ပိုလုပ်နိုင်သလို ကယ်လိုရီ Burn နှုန်းလည်း မြင့်စေပါတယ်။
(၄) Circuit Training လုပ်ပေးပါ
Photo: Freepik
Circuit Training ဆိုတာ နားချိန်တိုလေးတွေ ဖြတ်ဖြတ်ပြီး အားကစားလေ့ကျင့်ခန်း ၆ မျိူးနဲ့အထက် ပေါင်းလုပ်တာမျိုး ဖြစ်ပါတယ်။ Circuit Training လုပ်မယ်ဆိုရင် သိပ်အနားမပေးဘဲ ခပ်ပြင်းပြင်း မောင်းတာပါ။ ကြွက်သား Group တွေကို တပြိုင်တည်း အလုပ်ပေးတဲ့ အားကစားပုံစံ ဖြစ်လို့ Calorie Burn ရာမှာ ပိုပြီး ရလဒ်ကောင်းပါတယ်။
