သူငယ်ချင်းတွေထဲက ဘော်ဒီတောင့်တောင့် ရုပ်ဖြောင့်ဖြောင့်ကောင်တွေကို အားကျလို့Gym ကစားတော့မှာလား။ ဒါဆို အခုပြောမယ့် အခြေခံအချက်ကလေးတွေ သိထားသင့်ပါတယ်။
နည်းစနစ်မှန်ပါစေ
Source : Freepik
အားကစားလေ့ကျင့်ပေးတဲ့ Trainer တွေဟာ ဘယ်သူ့ကို ဘယ်နည်းလမ်းနဲ့လေ့ကျင့်ပေးရမလဲ ကောင်းကောင်း သိသူတွေပါ။ သူတို့ပေးတဲ့ နည်းစနစ်အတိုင်း အတိအကျ လုပ်ဖို့နဲ့မသိရင် Trainer ကို မေးဖို့မစိုးရွံ့သင့်ပါဘူး။ နောက်တစ်ခုက ဒီနေ့တော့ Lift အများကြီး မ မယ် နောက်တစ်နေ့Gym လာကစားချင်မှ ကစားမယ်ဆိုတာမျိုးကလည်း Workout မထိရောက်နိုင်ပါဘူး။
ကောင်းကောင်းစားပါ
Source : Freepik
Gym ကစားမယ်ဆိုရင် အစားအသောက် ဂရုစိုက်ဖို့လိုပါပြီ။ ဂရုစိုက်ဆိုရာမှာ ဟိုဟာ မစားရ ဒီဟာမစားရ ဆိုတာထက် အာဟာရပြည့်ပြည့်ဝဝ စားဖို့နဲ့စားသမျှအားဖြစ်စေဖို့ပါ။ ဒီအတွက် Gym Trainer တွေကလည်း စားသင့်တဲ့ Diet Plan ပေးပါလိမ့်မယ်။ စားဖြစ်ဖို့ပဲ လိုတာပါ။
Plan နဲ့သွားပါ
Source : Freepik
Gym သွားကစားမှာက မနက်ပိုင်းလား ၊ ညနေပိုင်းလား။ တစ်ပတ်ကို ၃ ရက်လား ၅ ရက်လား ။ စသည်ဖြင့် Gym Plan လေး ထားသင့်ပါတယ်။ သူငယ်ချင်းတစ်ယောက်ယောက်နဲ့တွဲပြီး ကစားဖြစ်ရင် ပိုပြီးလည်း Motivate ဖြစ်သလို Gym ကစားတာလည်း ထိရောက်ပါတယ်။
အိပ်ရေးဝအောင် အိပ်ပါ
Source : Freepik
လှုပ်ရှားမှုနဲ့အနားယူခြင်းဟာ ဟန်ချက်မျှနေဖို့လိုပါတယ်။ Gym ကစားထားတဲ့ ခန္ဓာကိုယ်ဟာ သာမန်လူတွေထက်တောင် ပိုပြီး အနားပေးဖို့လိုပါတယ်။ ဒါဟာ ကြွက်သားတည်ဆောက်မှုအတွက် အချိန်ပေးလိုက်တာ ဖြစ်သလို နောက်တစ်နေ့Gym ခန်းသွားဖို့အတွက်ပါ ဘက်ထရီသွင်းနေတာ ဖြစ်ပါတယ်။
