Gym မှာ Workout ကစားရင်း ကိုယ့်ရဲ့ ဒဏ်ခံနိုင်ရည်နဲ့ သက်လုံစွမ်းအားကို မြှင့်တင်နိုင်တဲ့ နည်းလမ်းတွေ အများကြီးရှိပါတယ်။ တချို့နည်းလမ်းတွေက ချက်ချင်းထိရောက်သိသာမှုရှိပေမယ့် တချို့ နည်းလမ်းတွေက ရေရှည်ကျမှ သက်လုံတက်လာအောင် ကူညီပေးနိုင်ကြပါတယ်။ ဒီတစ်ခေါက်မှာ Gym ပဲ ကစားကစား ၊ အပြင်မှာပဲ အားကစားလုပ်လုပ် သက်လုံအားကောင်းပြီး ကြာကြာ အားကစားလုပ်နိုင်အောင် ကူညီပေးမယ့်နည်းလမ်း ၄ ခုအကြောင်း ပြောပြပေးသွားမှာပါ။
(၁) အိပ်ရေးဝအောင် အိပ်ပါ
Photo: Freepik
ကောင်းမွန်လုံလောက်တဲ့ အိပ်စက်မှု Quality Sleep ဟာ အားကစားသမားတွေအတွက် အရေးအကြီးဆုံးအချက်ထဲမှာ ပါပါတယ်။ အိပ်ရေးဝခြင်းဟာ အားကစားလုပ်ချိန်မှာ လုံလောက်တဲ့ စွမ်းအင်ပေးနိုင်စွမ်းရှိပါတယ်။ ဝိတ်မတဲ့သူပဲ ဖြစ်ဖြစ် ၊ အပြေးလေ့ကျင့်တဲ့သူပဲ ဖြစ်ဖြစ် လုံလောက်မျှတတဲ့ အိပ်ချိန်မရှိဘဲ အားကစားလုပ်ရင် ပင်ပန်းနွမ်းနယ်လွယ်ပါတယ်။ အိပ်ချိန်ကြာမှ ထွက်တဲ့ Sermorelin ဟော်မုန်း ထုတ်လုပ်မှုနည်းတဲ့ အားကစားသမားတွေဆို HGH လို့ခေါ်တဲ့ ကြီးထွားမှုဟော်မုန်းဆိုင်ရာ ဖြည့်စွက်အစားအစာတွေပါ စားသုံးပေးရပါတယ်။
(၂) Joggling များများလုပ်ပါ
Photo: Freepik
ပုံမှန်လုပ်နေကျ အားကစားတွေထဲမှာ အပြေးလေ့ကျင့်ခန်းကို ပုံမှန်ထည့်ပေးခြင်းအားဖြင့် အားကစားလုပ်တာကိုလည်း ပိုကြာကြာကစားနိုင်သလို သက်လုံပိုင်းလည်း ပိုအမောခံနိုင်လာပါတယ်။ အရမ်း မြန်မြန်ကြီး ပြေးမယ်ဆိုရင် ခဏလေးအတွင်းမှာ ပင်ပန်းသွားနိုင်ပါတယ်။ ခပ်ရွရွလေး ပြေးတဲ့ Joggling တို့ တာဝေးအပြေးတို့ ကစားပေးတာမျိုး လုပ်ပါ။
(၃) ဖြည်းဖြည်းချင်း တိုးတက်သွားပါစေ
Photo: Freepik
အားကစားလုပ်တယ်ဆိုတာ ရေရှည်ကိစ္စဖြစ်ပါတယ်။ တစ်ရက်တည်းနဲ့ ခြေကုန်လက်ပန်းကျအောင် ကစားတာမျိုးလုပ်တာက ဒဏ်ဖြစ်စေပါတယ်။ ပုံမှန်လေ့ကျင့်ခန်းတွေကို ထိရာက်မှုရှိအောင် မပြတ်တမ်းကစားပေးရင်း နည်းနည်းချင်း တိုးလုပ်သွားရတာပါ။ ပုံမှန် Workout လုပ်သွားရင်းနဲ့ တွေ့လာရမှာက ကိုယ့်ရဲ့ လှုပ်ရှားမှုတွေ သိသိသာသာ ပျော့ပြောင်းလာပြီး ပြေးလွှားလှုပ်ရှားရတာ ပိုမြန်ဆန်လာမယ်။ ဝိတ်တွေလည်း ပိုများများ မလာနိုင်မယ်ဆိုရင် ကိုယ့်နည်းစနစ် မှန်တယ်လို့ ပြောနိုင်ပါတယ်။
(၄) Gym ပစ္စည်းတစ်မျိုးတည်းနဲ့ ကစားနည်းတွေ သုံးပါ
Photo: Freepik
အားကစားတစ်ခုကို Gym ပစ္စည်းတစ်မျိုးတည်းနဲ့ ကစားသွားတဲ့နည်းကို Supersets တွေလို့ ခေါ်ပါတယ်။ ဒီနည်းရဲ့ အားသာချက်က ပခုံး ၊ လက်ပြင် ၊ ရင်ဘတ် ခါး စတဲ့ လေ့ကျင့်ခန်း Sets တွေအကြား နားစရာမလိုတော့တာပါပဲ။ တစ်နည်းအားဖြင့် ကိုယ့်သက်လုံနဲ့ ပြန်ပြီး အားဖြည့်လာမယ့်အချိန်ကို မြှင့်ပေးတာပဲ ဖြစ်ပါတယ်။ သိပ်လည်း အလုပ်မရှုပ်သလို စိတ်ရော လူပါ သက်တောင့်သက်သာနဲ့ အားကစားလုပ်နေရတယ်လို့ ခံစားရပါတယ်။
