ဝိတ်ကျဖို့အတွက် လေ့ကျင့်ခန်း ဆော့ကစားတဲ့အခါ ထိရောက်မှုရှိသော လေ့ကျင့်ခန်းများကို နည်းမှန်လမ်းမှန်ဖြင့် ဆော့ကစားဖို့ လိုအပ်ပါတယ်။ နည်းလမ်းမမှန်ကန်ပါက ပင်ပန်းတာပဲ အဖတ်တင်မှာဖြစ်ပြီး ကိုယ်အလေးချိန်ကတော့ ကျသွားမှာမဟုတ်ပါဘူး။
လေ့ကျင့်ခန်း မပြုလုပ်ခင်မှာ သွေးပူလေ့ကျင့်ခန်းများကို ၁၀ မိနစ်ခန့်ပြုလုပ်သင့်ပြီး လေ့ကျင့်ခန်းပြုလုပ်ပြီးတဲ့နောက်မှာတော့ အကြောလျော့လေ့ကျင့်ခန်းများကို ၁၀ မိနစ်ခန့် ပြုလုပ်သင့်ပါတယ်။
လေ့ကျင့်ခန်း (၁)
Source: Flabflix.com
လက်နှစ်ဖက်ကို ခန္ဓာကိုယ်အရှေ့တွင် ထားထားပြီး ဒူးခေါင်းတစ်ဖက်တစ်ချက်စီက အပေါ်မြှောက်ကာ လက်ဖြင့် ထိကပ်ပေးလိုက်ပါ။ ဘယ်ညာတစ်ဖက်စီကို တစ်ကြိမ်လို့ သတ်မှတ်ပြီး စုစုပေါင်း ၁၂ ကြိမ်၊ ၃ ခါစီ ပြုလုပ်ရပါမယ်။
လေ့ကျင့်ခန်း (၂)
Source: Gfycat.com
ကြမ်းပြင်ပေါ်တွင် လှဲလျောင်းပြီးနောက် လက်နှစ်ဖက်က ခန္ဓာကိုယ်ဘေးဘက်တွင် ချထားပါ။ ထို့နောက် ခြေထောက်တစ်စုံစလုံးကို အပေါ်သို့ မတင်လိုက်ပါ။ ထို့နောက် ကြမ်းပြင်ကို မထိကပ်အောင် ပြန်ချပြီးနောက် အပေါ် ပြန်မြှောက်ပါ။ အောက်ချပြီး အပေါ်မြှောက်ခြင်းကို တစ်ကြိမ်လို့ သတ်မှတ်ပြီး စုစုပေါင်း ၁၂ ကြိမ်၊ ၃ ခါစီ ပြုလုပ်ရပါမယ်။
လေ့ကျင့်ခန်း (၃)
Source: 2bstronger.com
ပုံပါအတိုင်း ခြေထောက်နှစ်ချောင်းက ကပ်ကြေးပုံသဏ္ဍာန် တစ်လှည့်စီလွှဲရပါမယ်။ ၁၂ ကြိမ်၊ ၃ ခါ ပြုလုပ်ရပါမယ်။
လေ့ကျင့်ခန်း (၄)
Source: Menshealth
ခြေထောက်နှစ်ဖက်က စက်ဘီးစီးတဲ့ပုံသဏ္ဍာန် ပြုလုပ်ရပါမယ်။ ညာဒူးကို ရင်ဘတ်ဆီ ဆွဲတင်တဲ့အခါ ဘယ်တံတောင်ဖြင့် ထိကပ်လိုက်ပါ။ ဘယ်ဒူးကို ညာတံတောင်ဖြင့် ထိကပ်လိုက်ပါ။ ဘယ်ညာ တစ်လှည့်စီကို တစ်ကြိမ်လို့ သတ်မှတ်ပြီး စုစုပေါင်း ၁၂ ကြိမ်၊ ၃ ခါ ပြုလုပ်ရပါမယ်။
လေ့ကျင့်ခန်း (၅)
Source: Nerdfitness.com
ကြိုးခုန်လေ့ကျင့်ခန်းကိုတော့ ၂၅ ကြိမ်၊ ၃ ခါ ပြုလုပ်ရပါမယ်။
လေ့ကျင့်ခန်း (၆)
Source: Quickfunabs
အရင်ဦးဆုံး လက်နှစ်ဖက်က ပုခုံးအောက်မှာ ထောက်ထားပါ။ ထို့နောက် ညာဒူးကို ဘယ်တံတောင်နှင့် ထိကပ်ဖို့ ကြိုးစားပါ။ ထိုအချိန်တွင် တံတောင် ကွေးလိုက်ပါ။ ဘယ်ဒူးကိုလည်း ထိုနည်းအတိုင်း ပြုလုပ်ရပါမယ်။ ဘယ်ညာ တစ်လှည့်စီကို တစ်ကြိမ်လို့ သတ်မှတ်ပြီး စုစုပေါင်း ၁၂ ကြိမ်၊ ၃ ခါ ပြုလုပ်ရပါမယ်။
လေ့ကျင့်ခန်း အားလုံး လုပ်ပြီးတဲ့အခါ အကြောလျော့လေ့ကျင့်ခန်း ပြုလုပ်ဖို့လည်း မမေ့ပါနဲ့။
Source: Stylecraze.com
