ယောဂလေ့ကျင့်ခန်း ပြုလုပ်ခြင်းသည် အကြောအချဉ်များကို ပြေလျော့စေပြီး ခန္ဓာကိုယ်ရှိ အဆီပိုများကိုလည်း ဖယ်ရှားပေးပါတယ်။ စိတ်ဖိစီးမှုကို လျော့ကျစေပြီး စိတ်တည်ငြိမ်အေးချမ်းစေကာ အာရုံစူးစိုက်နိုင်စွမ်းမြင့်မားအောင် ကူညီပေးပါတယ်။
သင့်အနေနဲ့ အလုပ်ကြောင့် (သို့) အိမ်တွင်းရေး၊ ငွေရေးကြေးရေး စတဲ့ အကြောင်းအမျိုးမျိုးကြောင့် စိတ်ဖိစီးမှုကို ခံစားနေရပါက အခုဖော်ပြပေးမယ့် ယောဂလေ့ကျင့်ခန်း (၇) မျိုးကို ပြုလုပ်ပေးနိုင်ပါတယ်။ ရက် (၃၀) တိတိ မပျက်မကွက်ပြုလုပ်ပေးပါက စိတ်ဖိစီးမှုများ လျော့ကျသွားပြီး ခန္ဓာကိုယ်လည်း ပေါ့ပါးလန်းဆန်းလာပါလိမ့်မယ်။
လေ့ကျင့်ခန်း (၁)
ခြေထောက်နှစ်ဖက်ကို ပုခုံးအကျယ် ချဲထားပါ။ ထို့နောက် ခန္ဓာကိုယ်အပေါ်ပိုင်းကို တဖြည်းဖြည်းအောက်သို့ ကိုင်းညွှတ်လိုက်ပါ။ ဒီလေ့ကျင့်ခန်းလေးက သွေးလှည့်ပတ်မှုကိုလည်း ကောင်းမွန်စေပြီး ခေါင်းကိုက်ခြင်းကိုလည်း သက်သာစေကာ အိပ်ရေးဝဝ အိပ်စက်နိုင်အောင် ကူညီပေးပါတယ်။
လေ့ကျင့်ခန်း (၂)
ပုံပါအတိုင်း ညာခြေကို ၉၀ ဒီဂရီ ကွေးထားပါ။ ဘယ်ခြေကို အနောက်သို့ ဆန့်တန်းထားပါ။ ခါးမတ်မတ်ထားပါ။ မျက်နှာကို အရှေ့တူရှုသို့ ကြည့်နေပါ။ လက်နှစ်ဖက်က အပေါ်တွင်မြှောက်ထားပါ။
လေ့ကျင့်ခန်း (၃)
ဒီလေ့ကျင့်ခန်းကတော့ ခန္ဓာကိုယ်ကို ဗွီဇောက်ထိုးပုံသဏ္ဍာန် ထားထားရမှာပဲဖြစ်ပါတယ်။ ဒီလေ့ကျင့်ခန်းလေးက စိတ်ဖိစီးမှုကို ပြေလျော့စေပြီး သွေးလှည့်ပတ်မှုကို ကောင်းမွန်စေကာ သွေးတိုးသမားများအတွက်လည်း အထူးကောင်းမွန်ပါတယ်။
လေ့ကျင့်ခန်း (၄)
ပုံထဲက အနေအထားအတိုင်း လက်နှစ်ဖက်ကို ဆန့်တန်းထားပြီး ဦးခေါင်းက အပေါ်မော့ထားပါ။ ဒီလေ့ကျင့်ခန်းသည် အသက်ရှုရခက်ခဲသောသူများအတွက် အသက်ရှုစနစ်ကောင်းမွန်အောင် ကူညီပေးပါတယ်။
လေ့ကျင့်ခန်း (၅)
ဒါကတော့ လှေပုံသဏ္ဍာန် (သို့) ဗွီပုံသဏ္ဍာန် တောင့်ထားရမယ့် လေ့ကျင့်ခန်းပဲဖြစ်ပါတယ်။ ဒီလေ့ကျင့်ခန်းသည် အစာချေစနစ်ကို ကောင်းမွန်စေပြီး နှလုံးကျန်းမာရေးအတွက်လည်း အထူးကောင်းမွန်ပါတယ်။
လေ့ကျင့်ခန်း (၆)
ခြေဖဝါးနှစ်ဖက်ကို ထိကပ်ထားပြီး ခါးကို မတ်မတ်ထားပါ။ လက်နှစ်ဖက်က ခြေထောက်ကို ဆွဲကိုက်ထားပါ။ ဒီလေ့ကျင့်ခန်းသည် တင်ပဆုံ၊ ကျောက်ကပ်နှင့် ဆီးအိတ်ဆီသို့ သွေးစီးဆင်းမှုရရှိအောင် ကူညီပေးမှာပဲဖြစ်ပါတယ်။
လေ့ကျင့်ခန်း (၇)
အရင်ဦးဆုံး ကြမ်းပြင်ပေါ်တွင် လှဲလျောင်းနေပါ။ ထို့နောက် ဒူးနှစ်ဖက် ထောင်ထားလိုက်ပါ။ ထို့နောက် ခန္ဓာကိုယ်အလယ်ပိုင်းကို တဖြည်းဖြည်းချင်း အပေါ်သို့ ကြွလိုက်ပါ။ လက်နှစ်ဖက်က ခန္ဓာကိုယ်အောက်တွင် စုဆုံလိုက်ပါ။
ဒီလေ့ကျင့်ခန်း (၇) မျိုးကို ရက် (၃၀) တိတိ ပြုလုပ်ပေးလိုက်ပါ။ ထူးခြားတဲ့အကျိုးကျေးဇူးများကို ရရှိပိုင်ဆိုင်နိုင်ပါလိမ့်မယ်။
Source: Doyou.com
