ကိုယ့်ကိုယ်ကို အငတ်ခံပြီး ဝိတ်ချနေတာကို ရပ်လိုက်ပါ။ အခုပြောမှာက စားရင်းသောက်ရင်း ဝိတ်ချလို့ရတဲ့ နည်းတွေ ဖြစ်ပါတယ်။ကိုယ်အလေးချိန် ကျအောင်ဆိုတဲ့ စိတ်နဲ့လေ့ကျင့်ခန်းလုပ်နေတယ်ဆိုတဲ့ အတွေးကို ဖျောက်ပစ်ပါ။ လေ့ကျင့်ခန်းလုပ်လို့ရလာမယ့် ခန္ဓာကိုယ်အကြောင်းပဲ စဉ်းစားလိုက်ပါ။ Workout လုပ်ရင် နှလုံးအားကောင်းမယ် ၊ သက်လုံကောင်းမယ် ၊ ကျန်းမာဖျတ်လတ်လာမယ်။ ဒီအတွေးနဲ့ စတင်ပါ။
Photo : Freepik
အနည်းဆုံး တစ်နေ့ ၇ နာရီ အိပ်ဖြစ်တဲ့သူဟာ သကြားအစားနည်းသွားတယ်လို့ သုတေသနတွေက တွေ့ရှိထားပါတယ်။ တကယ်လို့ အိပ်ချိန်နည်းလာရင် ညဘက်အပြင်ထွက်ပြီး အစားပိုစားဖြစ်လို့ ဝိတ်ပိုတက်လာမယ်လို့လည်း ဆိုပါတယ်။
စားသောက်တဲ့နေရာမှာ သတိလေးနဲ့ စားတာ ၊ စားနေတဲ့အပေါ်ကို သိစိတ်ထားပါလို့ သုတေသီတွေက ဆိုပါတယ်။ ဆိုလိုတာက စားတိုင်းသတိထားဖို့ပါ။ အမေရိကန်တွေဟာ သတိမထားမိဘဲနဲ့ တစ်ချိန်လုံး အစားစားဖြစ်တာကြောင့် အဝလွန်မှု ပိုများလာတာလို့လည်း သုတေသနတစ်ချို့မှာ ဖော်ပြထားပါတယ်။
ထမင်းတစ်လုတ်ကို အခါ ၁၀၀ ဝါးစရာမလိုပါဘူး။ သို့သော်လည်း အလောတကြီး မဟုတ်ဘဲ ဖြည်းဖြည်းချင်းစားတာဟာ အလွန်အကျွံမစားမိစေတဲ့ အကျင့်ကောင်းတစ်ခု ဖြစ်ပါတယ်။ ဦးနှောက်နဲ့ အစာအိမ် ဆက်သွယ်မှုကိုလည်း ပိုပြီး သိရှိစေမှာပါ။
Photo : Freepik
အခွံမာသီးတွေ ၊ ထောပတ်သီးတွေက ကျန်းမာဆီတွေ ပေးနိုင်တဲ့ သဘာဝအသီးအနှံတွေ ဖြစ်ပါတယ်။ ကယ်လိုရီမတက်စေလို့ ဒါမျိုးတွေ စားပေးသင့်ပါတယ်။ ဖြစ်နိုင်ရင် ကိုယ်စားမယ့် အစားအစာထဲမှာ ဘာပါမလဲဆိုတာကို သတိထားဖို့လိုပါတယ်။ ဒီအတွက် အကြံပေးချင်တာက ဝိတ်မတက်အောင် ကိုယ် ဘာတွေ စားလို့ရသလဲဆိုတာကိုပဲ အာရုံထားပြီး စားမရတဲ့ အစားအစာကို ခေါင်းထဲ အဝင်မခံပါနဲ့။
