ဝမ်းဗိုက်ကြွက်သားများ ကျစ်လျစ်သန်မာချင်ပြီး အဆီပိုများ ဖယ်ရှားချင်သော ယောကျာ်းများအတွက်

အမျိုးသားတိုင်းသည် ကြွက်သားများဖြင့် ကျစ်လျစ်တောင့်တင်းပြီး အဆီများ ကင်းဝေးတဲ့ ဝမ်းဗိုက်ကလေးကိုသာ ပိုင်ဆိုင်ချင်ကြပါတယ်။ ဒီလို ကြွက်သားများနဲ့ ကြည့်ကောင်းချင်တဲ့ ယောကျာ်းများအတွက် ဝမ်းဗိုက်ကြွက်သားများကို ကျစ်လျစ်စေမယ့် လေ့ကျင့်ခန်းအချို့ကို ဝေမျှပေးချင်ပါတယ်။

လေ့ကျင့်ခန်း (၁)

လေ့ကျင့်ခန်း ပြုလုပ်တဲ့ဖျာပေါ်မှာ ပုံပါအတိုင်း လှဲလျောင်းနေပါ။ ထို့နောက် ခြေထောက်နှစ်ချောင်းကို အပေါ်လွှဲလိုက် အောက်လွှဲလိုက် လွှဲပေးရပါမယ်။ ၁၅ ကြိမ်၊ ၃ ခါ ပြုလုပ်ရပါမယ်။

လေ့ကျင့်ခန်း (၂)

အရင်ဦးဆုံး ကြမ်းပြင်ပေါ်မှာ ဝမ်းလျားမှောက်နေပါ။ ဝမ်းဗိုက်ကို အားပြုကာ ကြမ်းပြင်ပေါ်တွင် ဖိထားလိုက်ပါ။ ထို့နောက် ခြေထောက်နှစ်ဖက်နှင့် လက်နှစ်ဖက်ကို အပေါ်မြှောက်လိုက်ပါ။ ထိုအနေအထားအတိုင်း ၁၅ စက္ကန့် တောင့်ထားပါ။ ပြီးမှ မူလအနေအထားပြန်နေပါ။ ၁၅ ကြိမ်၊ ၃ ခါ ပြုလုပ်ရပါမယ်။

လေ့ကျင့်ခန်း (၃)

အရင်ဦးဆုံး ကြမ်းပြင်ပေါ်မှာ လှဲလျောင်းပြီးနောက် ဒူးနှစ်ဖက်ကို ထောင်ထားပါ။ ထို့နောက် တင်ပါးကို တဖြည်းဖြည်းအပေါ်မြှောက်ကာ ပုံပါအတိုင်း ပင့်တင်လိုက်ပါ။ ထို့နောက် မူလအနေအထားအတိုင်း ပြန်နေပါ။

လေ့ကျင့်ခန်း (၄)

ပထမပုံအတိုင်း အသင့်အနေအထားပြင်ပါ။ ထို့နောက် ဒူးနှစ်ဖက်ကို ရင်ဘတ်ဆီသို့ ဆွဲယူလိုက်ပါ။ ပြီးရင်တော့ မျက်နှာကျက်ပေါ်သို့ ပြန်ကန်ထုတ်လိုက်ပါ။ တဖြည်းဖြည်းချင်း အောက်ပြန်ချပါ။

အထက်ဖော်ပြပါအဆင့်အတိုင်း ထပ်မံပြုလုပ်လိုက်ပါ။

လေ့ကျင့်ခန်း (၅)

အလေးတုံးတစ်တုံးကို ဘယ်လက်တွင် ကိုင်ထားပြီးနောက် ဘယ်ခြေကို ပုံပါအတိုင်း မြှောက်ထားပါ။ ထို့နောက် ခန္ဓာကိုယ်ကို အရှေ့ပိုင်းသို့ ကိုင်းချလိုက်ပါ။ ခါးကို ပြန်မတ်ထားလိုက်ပါ။ ၁၅ ကြိမ် ပြုလုပ်ပါ။ ဘယ်ဘက်ပြီးရင်တော့ ညာဘက်ပြောင်းလုပ်ပေးရပါမယ်။ ၁၅ ကြိမ်၊ ၃ ခါ ပြုလုပ်ပါ။

လေ့ကျင့်ခန်း (၆)

ဒလှိမ့်တုံးလေးကို ပုခုံးအောက်တွင်ထားပြီးနောက် လက်နှစ်ဖက်ကို ဆန့်တန်းထားပါ။ ဒူးကို ပုံ (၁) အတိုင်း ကွေးထားလိုက်ပါ။ ပြီးရင်တော့ ဒလှိမ့်တုံးကို အရှေ့သို့ လှိမ့်လိုက်ပါ။ ခန္ဓာကိုယ်ကိုလည်း အလိုက်သင့် လှဲချလိုက်ပါ။ ပြီးရင်တော့ ဒလှိမ့်တုံးကို ပုခုံးအောက်သို့ ပြန်ဆွဲသွင်းလိုက်ပါ။

အထက်ဖော်ပြပါ လေ့ကျင့်ခန်းများအားလုံးကို ၁၅ ကြိမ်၊ ၃ ခါ စီ ပြုလုပ်ပေးရပါမယ်။

Source: Manofmany.com