ဝိတ်ကျဖို့အတွက်ဆို အစားအသောက်ပြောင်းလဲအပြင်လေ့ကျင့်ခန်းကလည်း မဖြစ်မနေ လိုအပ်ပါတယ်။ လေ့ကျင့်ခန်းက အဆီလောင်ကျွမ်းရာမှာကူညီပေးပြီး ကျစ်ကျစ်လစ်လစ်နဲ့ ဝိတ်ကျစေမှာပါ။ ဒီနေ့တော့ လျင်မြန်စွာ ဝိတ်ကျနိုင်မယ့် အထိရောက်ဆုံး လေ့ကျင့်ခန်း (၃) မျိုးကို ကွီးတို့အတွက် တင်ဆက်ပေးချင်ပါတယ်။
(၁) Burpees
Photo : Vecteezy
Burpees ကို လက်ထောက် ၊ မြှောက်ခုန်လေ့ကျင့်ခန်းလို့ အလွယ်ပြောချင်ပါတယ်။ လေ့ကျင့်နည်းကတော့ ခြေနှစ်ဖက်ကို ပခုံးနဲ့အညီခွဲပြီး မတ်တပ်အနေအထားကနေ ကြမ်းပြင်ပေါ် ဒိုက်ထိုးမလို လုပ်ပြီး လက်ကို ခေါင်းပေါ် မြှောက်ပြီး ခုန်ရတာပါ။ တစ်နည်းအားဖြင့် Squat ထိုင်တာ ၊ ဒိုက်ထိုး Plank ထောက် နဲ့ Jumping ခုန်တာတွေ အစုံပါတဲ့ လေ့ကျင့်ခန်းလို့ ပြောနိုင်ပါတယ်။ ဒီလေ့ကျင့်ခန်းဟာ ခါးကျောရိုးမကြိး ၊ ရင်ဘတ် ၊ ပခုံး ၊ တင်ပါး ၊ လက်ပြင်နဲ့ ပေါင်ခြံတွေကို အလုပ်လုပ်စေပါတယ်။ ခါးအဆီကျတာ မြန်မယ့် လေ့ကျင့်ခန်းပါပဲ။
(၂) Mountain Climbers
Photo : Righteously Fit Dads
ကိရိယာတွေဘာမှမလိုပဲ ထိထိရောက်ရောက်အဆီလောင်ကျွမ်းဖို့ဆို Mountain Climbers လေ့ကျင့်ခန်းက ချန်ထားလို့ မရပါဘူး။ အရင်ဆုံး High- Plank အနေအထားနဲ့ လက်ဖဝါးတွေ ကြမ်းပြင်ပေါ် ဖြောင့်ဖြောင့် ထောက်ထားတဲ့အနေအထားနဲ့ ကြမ်းပြင်ကို မျက်နှာမူထားပါ။ ပြီးရင် ခါးကို ထိန်းထားပြီး ညာခြေက ရင်ဘတ်ကို အရင်ပြေး ပြီး ခြေကို မူလအနေအထားအတိုင်းထား ပြီးမှ ဘယ်ခြေထောက်ကို ဒီပုံစံအတိုင်း ရင်ဘတ်ဆီ ပြေးပါ။ တစ်လှည့်စီလုပ်သွားရမှာပါ။
(၃) Jumping Rope
Photo : Times of India
ကြိုးခုန်လေ့ကျင့်ခန်းက တစ်နာရီကို ကယ်လိုရီ ၁၃၀၀ ခန့်လောင်ကျွမ်းစေနိုင်တဲ့ လေ့ကျင့်ခန်းတစ်ခု ဖြစ်ပါတယ်။ ကြိုးခုန်လေ့ကျင့်ခန်းလုပ်မယ်ဆိုရင် ပထမဆုံး သွေးပူဖို့အနေနဲ့ ၈ ကြိမ်ကနေ ၁၀ လောက်ခုန်ပေးပါ။ သွေးပူလာပြီဆိုရင် ၁၀ မိနစ်ခန့် ဆက်တိုက်ခုန်ပေးရပါမယ်။ အချိန်ပြည့်ရင် စက္ကန့် ၃၀ လောက် နားပေးပါ။ ပြီးရင်တော့ ခုနကအတိုင်း ၁၀ မိနစ်ပြန်ခုန်ပေးရပါမယ်။ စုစုပေါင်း ၁၀ မိနစ် ၃ ကြိမ်လောက် ခုန်ပေးပါ။
Featured Photo : Men’s Health
