Dumbbell အလေးတုံးနှစ်တုံးကို ဝယ်ထားရုံဖြင့် မိမိအားလပ်တဲ့အချိန်တွင် မိမိအိမ်မှာပဲ အလွယ်တကူ လေ့ကျင့်ခန်းပြုလုပ်လို့ရနိုင်ပါတယ်။
Dumbbell ဖြင့် ဆော့ကစားခြင်းသည် ပုခုံးကြွက်သား၊ လက်မောင်းကြွက်သာများကို သန်မာစေပြီး လက်မောင်းတွင် အဆီပိုများ စုဝေးနေခြင်းမှ ကာကွယ်ပေးပါတယ်။ လေ့ကျင့်ခန်းမပြုလုပ်ခင် အရေးကြီးဆုံးအရာကတော့ သွေးပူလေ့ကျင့်ခန်းပဲဖြစ်ပါတယ်။
သွေးပူလေ့ကျင့်ခန်းကို ၁၀ မိနစ်ခန့် ပြုလုပ်ပြီးတဲ့နောက်မှာတော့ အခုဖော်ပြပေးမယ့် လေ့ကျင့်ခန်းများကို အစဉ်အတိုင်း ပြုလုပ်နိုင်ပါပြီ။
လေ့ကျင့်ခန်း (၁)
Source: Pinterest.com
ခြေထောက်နှစ်ဖက်ကို အနည်းငယ် ချဲထားပါ။ အလေးတုံးနှစ်ဖက်ကို ရင်ဘတ်ရှေ့တွင် ကိုင်ထားပါ။ ထို့နောက် အပေါ်သို့ မြှောက်တင်လိုက်ပါ။
စုစုပေါင်း ၈ ကြိမ် ၃ ကျော့ ပြုလုပ်ရပါမယ်။ ၁ ကျော့ပြီးသွားတဲ့အခါ စက္ကန့် ၉၀ ခန့် အနားယူနိုင်ပါတယ်။
လေ့ကျင့်ခန်း (၂)
Source: Pinterest.com
ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ ထို့နောက် အလေးတုံးနှစ်တုံးကို ခန္ဓာကိုယ် ဘေးတစ်ဖက် တစ်ချက်စီတွင် ထားထားပါ။ ထို့နောက် လက်မောင်းကို ဘေးနှစ်ဖက်သို့ ဆန့်တန်းကာ ပုခုံးနဲ့ တစ်တန်းတည်းဖြစ်သွားအောင် ဆန့်ထုတ်လိုက်ပါ။
စုစုပေါင်း ၁၂ ကြိမ်မှ ၁၅ ကြိမ်၊ ၃ ကျော့ ပြုလုပ်ရပါမယ်။ တစ်ကျော့နဲ့ တစ်ကျော့ကြားမှာ မနားရပါဘူး။
လေ့ကျင့်ခန်း (၃)
Source: Pinterest.com
ဒီလေ့ကျင့်ခန်းကတော့ စောစောက လေ့ကျင့်ခန်းနဲ့အတူတူပါပဲ။ ဒီတစ်ခါကျရင်တော့ ဘေးဘက်ကို မဆန့်ထုတ်ဘဲ ခန္ဓာကိုယ်အရှေ့တည့်တည့်ဆီသို့ ဆန့်ထုတ်ရမှာဖြစ်ပါတယ်။
သူ့ကိုလည်းပဲ စုစုပေါင်း ၁၂ ကြိမ်မှ ၁၅ ကြိမ်၊ ၃ ကျော့ ပြုလုပ်ရပါမယ်။ တစ်ကျော့နဲ့ တစ်ကျော့ကြားမှာ မနားရပါဘူး။
လေ့ကျင့်ခန်း (၄)
Source: Menshealth.com
ခြေထောက်နှစ်ဖက်ကို ပုခုံးအကျယ်အတိုင်း ချဲထားကာ ဒူးအနည်းငယ် ကွေးထားပါ။ ခါးကို မျဉ်းစောင်းပုံသဏ္ဍာန် စောင်းထားပါ။ ခါးမကုန်းစေပါနဲ့။ လက်ပျဉ်လည်း မကုန်းစေပါနဲ့။ ထို့နောက် အလေးတုံးနှစ်တုံးကို ပုံပါအတိုင်း အပေါ်သို့ ကားထုတ်လိုက်ပါ။
စုစုပေါင်း ၁၂ ကြိမ်မှ ၁၅ ကြိမ်၊ ၃ ကျော့ ပြုလုပ်ရမှာဖြစ်ပြီး ၁ ကျော့နဲ့ ၁ ကျော့ကြားမှာ စက္ကန့် ၉၀ ခန့် အနားယူနိုင်ပါတယ်။
လေ့ကျင့်ခန်း (၅)
Source: Pinterest.com
ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ အလေးတုံးကို ခန္ဓာကိုယ် တစ်ဖက်တစ်ချက်စီတွင် ထားလိုက်ပါ။ ထို့နောက် ခြေသလုံးကို မရွေ့စေဘဲ ဒူးအနည်းငယ်ကွေးချလိုက်ပါ။ အလေးတုံးနှစ်ခုကလည်း ပုံပါအတိုင်း အလိုက်သင့်လေး ကွေးချရပါမယ်။ ၁ စက္ကန့်ခန့် စောင့်ပါ။ ထို့နောက် မူလအတိုင်း ပြန်ရပ်နေပါ။
စုစုပေါင်း ၁၂ ကြိမ်မှ ၁၅ ကြိမ်၊ ၃ ကျော့ ပြုလုပ်ရမှာဖြစ်ပြီး ၁ ကျော့နဲ့ ၁ ကျော့ကြားမှာ စက္ကန့် ၉၀ ခန့် အနားယူနိုင်ပါတယ်။
လေ့ကျင့်ခန်း (၆)
Source: Menshealth.com
ပုံပါကိရိယာမျိုး မရှိပါကလည်း စိတ်မပူပါနဲ့။ မတ်တပ်ရပ်ကာ ပြုလုပ်နိုင်ပါတယ်။ မတ်တပ်ရပ်မယ်ဆိုရင်တော့ ခြေထောက်နှစ်ဖက်ကို ပုခုံးအကျယ်ထက် ပိုကျယ်အောင် ကားထားလိုက်ပါ။
ထို့နောက် လက်နှစ်ဖက်က အလေးတုံးနှစ်တုံး ကိုင်ထားပါ။ ထို့နောက် လက်မောင်းအားကို အသုံးပြုကာ တံတောင်ကို ကွေးလိုက်ပါ။
သူ့ကိုတော့ စုစုပေါင်း ၁၂ ကြိမ်မှ ၁၅ ကြိမ် ၃ ကျော့ပြုလုပ်ရမှာဖြစ်ပြီး ၁ ကျော့နဲ့ ၁ ကျော့ကြား မနားဘဲ ဆက်တိုက် ပြုလုပ်ရပါမယ်။
Source: Betterme.world
Featured Image Source: Betterme.world
