ပရိသတ်တွေကြား ရေပန်းစားခဲ့တဲ့ ၂၀၁၁ ခုနှစ် American Music Awards က Pitbull နဲ့ Jennifer Lopez တို့ရဲ့ ဓာတ်ပုံကို မှတ်မိကြဦးမှာပါ။
မကြာသေးခင်က Miami မှာ ကျင်းပခဲ့တဲ့ Billboard Latin Music Week ပွဲမှာတော့ ရက်ပါ Pitbull က အဲဒီ ဓာတ်ပုံနောက်ကွယ်က လူမသိသေးတဲ့ ရယ်မောစရာ အကြောင်းရင်းကို ပထမဆုံးအကြိမ် ဖွင့်ဟပြောပြလာပါတယ်။
အဲဒီတုန်းက သူတို့နှစ်ဦးဟာ နာမည်ကြီး "On the Floor" သီချင်းနဲ့ ဖျော်ဖြေနေခဲ့ကြတာ ဖြစ်ပါတယ်။ စင်ပေါ်မှာ ကပြနေရင်းနဲ့ Lopez က အစမ်းလေ့ကျင့်တုန်းက တစ်ခါမှ မလုပ်ခဲ့တဲ့ အမိုက်စား ကကွက်တစ်ခုကို ရုတ်တရက် ကပြလိုက်တဲ့အတွက် Pitbull တစ်ယောက် အံ့အားသင့်ပြီး စိတ်လှုပ်ရှားသွားခဲ့ပါတယ်။
အဲဒီ မျှော်လင့်မထားတဲ့ အခိုက်အတန့်ကြောင့်သာ နာမည်ကြီး ဓာတ်ပုံထဲက သူ့ရဲ့ ရယ်စရာ မျက်နှာအမူအရာ ထွက်ပေါ်လာတာဖြစ်တယ်လို့ သူက ရယ်ရယ်မောမောနဲ့ ဝန်ခံခဲ့ပါတယ်။
ဒီလို ပျော်စရာကောင်းတဲ့ အမှတ်တရကို ပြန်လည်ဝေမျှရင်းနဲ့ Pitbull က Lopez ရဲ့ မဆုတ်မနစ်တဲ့ ကြိုးစားမှုတွေနဲ့ အောင်မြင်မှုတွေအတွက်လည်း အထူးပဲ ချီးကျူးစကား ဆိုခဲ့ပါတယ်။
သီချင်းကောင်းတွေ အများကြီးကို အတူတကွ ဖန်တီးခဲ့ဖူးတဲ့ သူမလို ထူးချွန်တဲ့ အနုပညာရှင်တစ်ယောက်နဲ့ အလုပ်တွဲလုပ်ခွင့်ရတာဟာ သူ့အတွက်တော့ တကယ့်ကို ဂုဏ်ယူစရာကောင်းတဲ့ အခွင့်အရေးတစ်ခု ဖြစ်တယ်လို့လည်း ထည့်သွင်းပြောကြားခဲ့ပါတယ်။
စကားဝိုင်းကို ပိုပြီး ပေါ့ပေါ့ပါးပါး ဖြစ်သွားစေဖို့အတွက် Pitbull က အခုဆိုရင် Lopez နဲ့ Shakira တို့ နှစ်ယောက်ပေါင်းပြီး သူ့ကို Miami မှာ Super Bowl ဖျော်ဖြေပွဲတစ်ခု လုပ်ပေးဖို့ အကြွေးတင်နေပြီလို့လည်း နောက်ပြောင်သွားခဲ့ပါသေးတယ်။ သူတို့တွေဟာ ဂီတလောကမှာ အောင်မြင်တဲ့ သီချင်းတွေ အများကြီးကို ပူးပေါင်းဖန်တီးခဲ့ကြတဲ့ အနုပညာရှင်တွေပဲ ဖြစ်ကြပါတယ်။
Ref : people
