Meta ကနေ အမေရိကန်နဲ့ ပြင်သစ်ကို တိုက်ရိုက်ချိတ်ဆက်ပေးမယ့် အလွန် အစွမ်းထက်တဲ့ ရေအောက်အင်တာနက်ကြိုး အသစ်တစ်ခုကို အစပျိုးလိုက်ပါပြီ။ Petal လို့ အမည်ပေးထားတဲ့ အဲဒီစီမံကိန်းကြီးဟာ အတ္တလန္တိတ်သမုဒ္ဒရာကိုဖြတ်ပြီး ကီလိုမီတာ ၇,၀၀၀ ခန့် ရှည်လျားမှာဖြစ်ကာ တစ်စက္ကန့်ကို ဒေတာ ၁ ပီတာဘစ်အထိ မယုံနိုင်စရာ မြန်နှုန်းနဲ့ သယ်ဆောင်ပေးနိုင်မှာ ဖြစ်ပါတယ်။

၂၀၂၉ ခုနှစ်မှာ ပုံမှန်စတင်အသုံးပြုနိုင်ဖို့ ရည်မှန်းထားတဲ့ အဲဒီစီမံကိန်းမှာ ဂျပန်နိုင်ငံရဲ့ နာမည်ကြီး NEC နဲ့ Sumitomo Electric Industries ကုမ္ပဏီတွေအပြင် ပြင်သစ်ရဲ့ Orange တယ်လီဖုန်းကုမ္ပဏီတို့လည်း ပူးပေါင်းပါဝင်နေပါတယ်။ အဲဒီ အင်တာနက်ကြိုးအသစ်ဟာ လက်ရှိ အဆင့်အမြင့်ဆုံး ရေအောက်ကြိုးတွေထက်ကို နှစ်ဆ ပိုမိုအားကောင်းစေမယ့် အံ့မခန်းစွမ်းရည်ကို ရရှိစေမှာ ဖြစ်ပါတယ်။

အဲဒီအင်တာနက်ကြိုးအသစ်ဟာ  တစ်ကမ္ဘာလုံးမှာရှိတဲ့ Facebook၊ Instagram၊ ဗီဒီယိုခေါ်ဆိုမှုတွေနဲ့ AI နည်းပညာဝန်ဆောင်မှုတွေကို ပိုမိုမြန်ဆန်သွက်လက်လာအောင် အဓိက ထောက်ပံ့ပေးမှာဖြစ်ပါတယ်။ အဲဒါကြောင့် Meta ရဲ့ ကမ္ဘာလုံးဆိုင်ရာ ဒေတာကွန်ရက်တွေအတွက် အသက်သွေးကြောသဖွယ် ဖြစ်လာမယ့် အလှည့်အပြောင်းတစ်ခု ဖြစ်ပါတယ်။

Ref : Technology Innovation