ကွီး တို့ ဆော်ကြည်စေမယ့် သိပ္ပံနည်းကျ နည်းလမ်း (၁၀) ခု

လူတိုင်းမှာ မွေးရာပါ ရုပ်ရည်ချောမောမှု မရှိနိုင်ပေမဲ့ စိတ်နေသဘောထားနဲ့ ပြုမူနေထိုင်ပုံတွေကနေတဆင့် ကိုယ့်ရဲ့ဆွဲဆောင်မှုရှိတဲ့ ပုံစံကို အကောင်းဆုံး ဖော်ထုတ်နိုင်ပါတယ်။ သိပ္ပံနည်းကျ လေ့လာတွေ့ရှိချက်တွေအရ လူတစ်ယောက်ရဲ့ ဆွဲဆောင်မှုစွမ်းအားကို မြှင့်တင်ပေးနိုင်တဲ့ လက်တွေ့ကျပြီး ထိရောက်တဲ့ နည်းလမ်း ၁၀ ချက်ကို တင်ပြပေးလိုက်ပါတယ်။ တစ်နည်းအားဖြင့် ကွီး တို့ ဆော်ကြည်စေမယ့် နည်းလမ်းတွေပေါ့ဗျာ။

1. ရယ်မောပျော်ရွှင်စေခြင်း - ကောင်မလေးတွေကို ဟာသဉာဏ်နဲ့ ရယ်မောပျော်ရွှင်စေနိုင်စွမ်းက ဆွဲဆောင်မှုအရှိဆုံး အရည်အချင်းတစ်ခု ဖြစ်ပါတယ်။

2. နေကာမျက်မှန် တပ်ဆင်ခြင်း - မျက်လုံးဟာ လူတစ်ယောက်ရဲ့ အားနည်းချက်နဲ့ လျှို့ဝှက်ချက်တွေကို ဖော်ပြနေတာဖြစ်လို့ နေကာမျက်မှန် တပ်ထားတဲ့အခါ ထူးခြားဆန်းကြယ်တဲ့ ပုံစံကို ဖြစ်ပေါ်စေပါတယ်။

3. ကြင်နာတတ်သူ ဖြစ်ခြင်း - သူတစ်ပါးအပေါ် ကိုယ်ချင်းစာတရားနဲ့ ကူညီဖေးမတတ်တဲ့ စိတ်ထားရှိသူတွေဟာ ကောင်မလေးတွေရဲ့ လေးစားအထင်ကြီးမှုကို ပိုမိုရရှိစေနိုင်ပါတယ်။

4. ရေမွှေးဆွတ်ခြင်း - ကောင်းမွန်တဲ့ ရေမွှေးနံ့က ကိုယ့်ရဲ့ယုံကြည်မှုကို မြှင့်တင်ပေးနိုင်သလို ကောင်မလေးတွေရဲ့ အာရုံကိုလည်း ဖမ်းစားနိုင်စွမ်း ရှိပါတယ်။

5. ကြက်သွန်ဖြူ စားသုံးခြင်း - သိပ္ပံလေ့လာချက်တွေအရ ကြက်သွန်ဖြူ စားသုံးသူတွေရဲ့ ခန္ဓာကိုယ်အနံ့ဟာ အခြားသူတွေအတွက် ပိုပြီး နှစ်လိုဖွယ်ကောင်းတယ်လို့ ဆိုပါတယ်။

6. သူငယ်ချင်းအုပ်စုနဲ့ သွားလာခြင်း - လူအများနဲ့အတူ အစုအဖွဲ့နဲ့ ရှိနေတဲ့အခါ ကိုယ့်ရဲ့ အားသာချက်တွေ ပိုပေါ်လွင်စေပြီး ဆွဲဆောင်မှုရှိတဲ့ ပုံစံကို ပေါ်လွင်စေပါတယ်။

7. ကလေးငယ်တွေနဲ့ ချစ်ခင်စွာနေထိုင်ခြင်း- ကလေးငယ်တွေအပေါ် ဖော်ရွေပြုံးရွှင်ပြတတ်တဲ့ ပုံစံက ကြင်နာတတ်မှုကို ဖော်ပြပေးတဲ့အတွက် ဆွဲဆောင်မှုကို တိုးစေပါတယ်။

8. အိမ်မွေးခွေးနဲ့ လမ်းလျှောက်ထွက်ခြင်း - အိမ်မွေးတိရစ္ဆာန် ခွေးလေးတွေနဲ့အတူ လမ်းလျှောက်နေတဲ့အခါ ကောင်မလေးတွေနဲ့ ပိုပြီး ထိတွေ့ဆက်ဆံရလွယ်ကူစေပါတယ်။

9. မုတ်ဆိတ်မွှေး အနည်းငယ်ထားခြင်း - မျက်နှာမှာ မုတ်ဆိတ်မွှေး အနည်းငယ် ပေါက်နေတဲ့ ပုံစံက ယောက်ျားပီသတဲ့ ရုပ်ရည်ကို ပိုပြီး ထင်ရှားစေပါတယ်။

10. စမတ်ကျကျ လမ်းလျှောက်ခြင်း - ယုံကြည်ချက်အပြည့်နဲ့ ရည်ရွယ်ချက်ရှိရှိ လမ်းလျှောက်တဲ့ ပုံစံက ကိုယ့်ရဲ့ ဆွဲဆောင်မှုစွမ်းအားကို အကောင်းဆုံး ဖော်ပြပေးပါတယ်။

Ref : Men’s Health