ဘလွန်ဒေါဆုပေးပွဲကို ၂၀၂၀ ခုနှစ်မှာ ကိုဗစ်-၁၉ ကမ္ဘာ့ကပ်ရောဂါကြောင့် ဖျက်သိမ်းခဲ့ရပြီး ယခုနှစ်မှာတော့ ဂုဏ်သိက္ခာအကြီးမားဆုံး တစ်ဦးချင်းဆုအတွက် ကမ္ဘာ့အကောင်းဆုံးကစားသမားတွေဟာ နောက်ထပ်တစ်ကြိမ် ယှဉ်ပြိုင်နေကြပြီဖြစ်ပါတယ်။
Photo: Givemesport
၂၀၂၁ ခုနှစ် ဘလွန်ဒေါဆုအတွက် ဆန်ခါတင်စာရင်းဟာ ကြေညာခဲ့ပြီဖြစ်ပြီး ယခုနှစ်အတွက် ဆုရရှိမယ့်သူစာရင်းမှာ ကစားသမား ၂၉ ဦးက ၂၀၁၉ ဘလွန်ဒေါဆုရှင် လီယွန်နယ် မက်ဆီနဲ့အတူ ပါဝင်နေကြတာဖြစ်ပါတယ်။ ယခုနှစ် ဘလွန်ဒေါဆုရှင်ကို လာမယ့် နိုဝင်ဘာ ၂၉ ရက်နေ့ ပဲရစ်မြို့မှာ ကြေညာသွားတော့မှာဖြစ်ပြီး ဒီနှစ်ပြိုင်ပွဲအတွက် အင်အားအကြီးဆုံးကစားသမားက ဘယ်သူဖြစ်မလဲ။
Photo: Goal.com
၁၀။ ကီဗင် ဒီဘရိုင်းနား(မန်ချက်စတာစီးတီး)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၁၃ ဂိုး၊ ဂိုးဖန်တီးမှု ၁၅ ကြိမ်၊ ပရီးမီးယားလိဂ်ဖလားနဲ့ ကာရာဘောင်ဖလား။
ဒီဘရိုင်းနားဟာ ယခုရာသီ အစောပိုင်းလတွေအတွင်း ခြေစွမ်းပြသဖို့ ကြိုးပမ်းနေရဆဲလို့ ခံစားရပုံပေါ်ခဲ့ပေမယ့် အဲဒါက ၎င်းကို ၂၀၂၁-၂၀၂၂ ခုနှစ်အတွင်း မန်စီးတီးနဲ့ ဘယ်လ်ဂျီယမ်အတွက် သွင်းဂိုးတွေနဲ့ ဂိုးဖန်တီးမှုတွေ ပြုလုပ်တာကို မရပ်တန့်နိုင်ခဲ့တာဖြစ်ပါတယ်။
Photo: Goal.com
၉။ ခရစ္စတီယာနို ရော်နယ်လ်ဒို(မန်ချက်စတာယူနိုက်တက်)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၄၂ ဂိုး၊ ဂိုးဖန်တီးမှု ၅ ကြိမ်၊ ကိုပါအီတာလီယာနဲ့ စူပါကိုပါ အီတာလီယာနာဖလား။
ရော်နယ်လ်ဒိုရဲ့ မန်ချက်စတာယူနိုက်တက်အသင်းကို ပြန်လည်ပြောင်းရွှေ့မှုက ပွဲစဉ်တစ်ပွဲပြီးတစ်ပွဲ ပြီးဆုံးလာချိန်မှာ ပိုပိုပြီး အငြင်းပွားဖွယ်ဖြစ်လာပုံရပါတယ်။ ဒါပေမယ့် ရော်နယ်လ်ဒိုဟာ နောက်ထပ်ကောင်းမွန်တဲ့နှစ်တစ်နှစ် ပိုင်ဆိုင်ခဲ့တယ်ဆိုတာ သံသယဖြစ်စရာမရှိဘဲ ဒီတစ်ကြိမ်က ရော်နယ်လ်ဒိုကို ဘလွန်ဒေါဆုအတွက် စိန်ခေါ်သူတွေထဲမှာ မြင်ရတာ နောက်ဆုံးတစ်ခေါက်ဖြစ်များ ဖြစ်လာတော့မှာလား။
Photo: Goal.com
၈။ အာလင်း ဟာလန်း(ဒေါ့မွန်)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၄၃ ဂိုး၊ ဂိုးဖန်တီးမှု ၁၃ ကြိမ်၊ ပိုကယ်ဖလား။
ဟာလန်းဟာ အနည်းဆုံး တစ်လလောက် အနားယူရမယ့် ဒဏ်ရာရရှိထားပြီး တင်ပါးဒဏ်ရာကြောင့် အနည်းဆုံး ဒီနှစ်ကုန်ထိ အနားယူရနိုင်ခြေရှိနေတာဖြစ်ပါတယ်။ ဒါပေမယ့် ဟာလန်းအနေနဲ့ ဒီနှစ်ကို ပြန်လှည့်ကြည့်လိုက်ရင်တော့ ကြီးမားတဲ့ဂုဏ်ယူစရာ ကိန်းဂဏန်းတွေကို မြင်တွေ့နိုင်မှာဖြစ်ပါတယ်။
Photo: Goal.com
၇။ လူကာကူ(ချဲလ်ဆီး)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၃၀ ဂိုး၊ ဂိုးဖန်တီးမှု ၈ ကြိမ်၊ စီးရီးအေဖလား။
လူကာကူရဲ့ ချဲလ်ဆီးအသင်းက စိတ်ပျက်ဖွယ် ကစားသမားဘဝအစကို မယ်လ်မိုအသင်းနဲ့ ပွဲမှာ ရရှိခဲ့တဲ့ ဒဏ်ရာက နောက်ထပ် နူရာဝဲစွဲ လဲရာ သူခိုးထောင်းဆိုသလို အားဖြည့်ပေးခဲ့ပါတယ်။ လူကာကူရဲ့ ထူးခြားဆန်းကြယ်တဲ့ ၂၀၂၁ ခုနှစ်ဟာ လက်ရှိမှာတော့ တဖြည်းဖြည်း အားဖျော့လာနေပြီဖြစ်ပါတယ်။
Photo: Goal.com
၆။ အမ်ဘာပေ(ပီအက်စ်ဂျီ)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၃၇ ဂိုး၊ ဂိုးဖန်တီးမှု ၁၇ ကြိမ်၊ ယူအီးအက်ဖ်အေ နေးရှင်းလိဂ်၊ ပြင်သစ်ရှုံးထွက်ဖလားနဲ့ ပြင်သစ်အက်ဖ်အေဖလား။
နေမာနဲ့မတူတာက အမ်ဘာပေဟာ ပီအက်စ်ဂျီအသင်းမှာ မက်ဆီနဲ့အတူ ခြေစွမ်းတိုးတက်နေပုံ ပေါ်ပြီး တိုက်ရိုက်ဂိုးပါဝင်ပတ်သက်မှုနဲ့ပတ်သက်ပြီး ပြင်သစ်တိုက်စစ်မှူးရဲ့ ရာသီအစောပိုင်းပုံစံက ၎င်းရဲ့အကောင်းဆုံးရာသီဖြစ်လာဖို့ အရှိန်မြှင့်ပေးနေတာဖြစ်ပါတယ်။
Photo: Goal.com
၅။ ကာရင် ဘန်ဇီးမား(ရီးရဲလ်မက်ဒရစ်)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၃၇ ဂိုး၊ ဂိုးဖန်တီးမှု ၁၄ ကြိမ်၊ ယူအီးအက်ဖ်အေ နေးရှင်းလိဂ်ဖလား။
ပြီးခဲ့တဲ့တနင်္ဂနွေနေ့က ရီးရဲလ်မက်ဒရစ်ရဲ့ အယ်လ်ကလက်စီကိုပွဲစဉ်မှာ ဘန်ဇီးမားက ၎င်းဟာ အဆုံးအဖြတ်ပေးနိုင်တဲ့သူဆိုတာ သက်သေမပြသနိုင်ခဲ့ပေမယ့်လည်း ရင်ဆိုင်ကစားရတဲ့ တိုက်စစ်တိုင်းကို တော်တော်လေး ခြိမ်းခြောက်မှု ဆက်လက်ပြုလုပ်ထားနိုင်သူဖြစ်ပါတယ်။
Photo: Goal.com
၄။ အန်ဂိုလို ကွန်တေ(ချဲလ်ဆီး)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၁ ဂိုး၊ ဂိုးဖန်တီးမှု ၁ ကြိမ်၊ ချန်ပီယံလိဂ်ဖလား၊ ယူအီးအက်ဖ်အေ စူပါဖလား။
ကွန်တေဟာ ကြံ့ခိုင်မှုပြဿနာကြောင့် ၂၀၂၁-၂၀၂၂ ရာသီဟာ မရေရာသေးတဲ့ နောက်ထပ်ကစားသမားတစ်ဦးဖြစ်ပေမယ့် အနှေးနဲ့အမြန် ချဲလ်ဆီးအတွက် ပွဲအဖြေသတ်မှတ်ပေးနိုင်တဲ့ စွမ်းဆောင်ရည်မျိုး ပြသနိုင်မယ်လို့ မျှော်မှန်းရပါတယ်။
Photo: Goal.com
၃။ ဂျော်ဂျင်ညို(ချဲလ်ဆီး)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၈ ဂိုး၊ ဂိုးဖန်တီးမှု ၃ ကြိမ်၊ ယူရို ၂၀၂၀ ဖလား၊ ချန်ပီယံလိဂ်ဖလား၊ ယူအီးအက်ဖ်အေ စူပါဖလား။
ဂျော်ဂျင်ညိုက ဘလွန်ဒေါပြိုင်ပွဲထဲမှာ ပါဝင်လာတဲ့အချိန်မှာ အငြင်းပွားဖွယ်ကစားသမားအဖြစ် ရှိနေခဲ့ပေမယ့် လက်ရှိမှာတော့ အီတလီလက်ရွေးစင်ကြယ်ပွင့်ကို နိုဝင်ဘာလကုန် ဆုပေးစင်မြင့်ထက်မှာ မြင်တွေ့ရဖို့က မြေကြီးလက်ခတ်မလွဲဖြစ်နေပုံ ရပါတယ်။
Photo: Goal.com
၂။ ရောဘတ် လီဗန်ဒေါ့ဗ်စကီး(ဘိုင်ယန်မြူးနစ်)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၅၉ ဂိုး၊ ဂိုးဖန်တီးမှု ၉ ကြိမ်၊ ဘွန်ဒက်စ်လီဂါဖလား၊ ကလပ်ကမ္ဘာ့ဖလား၊ DFL စူပါဖလား။
လီဗန်ဒေါ့ဗ်စကီးရဲ့ ၂၀၂၁ ခုနှစ်အတွက် ဂိုးပမာဏဟာ ဆက်လက် မြင့်တက်လာမှာဖြစ်ပြီး ပိုလန်လက်ရွေးစင်တိုက်စစ်မှူးဟာ ၂၀၂၁ ခုနှစ်အတွင်းမှာ အတည်ငြိမ်ဆုံး မြင့်မားတဲ့စွမ်းဆောင်ရှင်ဖြစ်ခဲ့တယ်ဆိုတာကို အငြင်းပွားစရာမရှိတာ ကျိန်းသေပါတယ်။
Photo: Goal.com
၁။ လီယွန်နယ် မက်ဆီ(ပီအက်စ်ဂျီ)
၂၀၂၁ ခုနှစ်အတွင်း စွမ်းဆောင်ရည်- သွင်းဂိုး ၄၀ ဂိုး၊ ဂိုးဖန်တီးမှု ၁၄ ကြိမ်၊ ကိုပါအမေရိကဖလား၊ ကိုပါဒယ်ရေးဖလား။
လီယွန်နယ် မက်ဆီဟာ လီဂူးဝမ်းသွင်းဂိုး ရရှိဖို့ စောင့်ဆိုင်းနေချိန်အတွင်း ချန်ပီယံလိဂ်မှာ ၂ ကြိမ်အထိ သက်သေပြသထားနိုင်ခဲ့ပြီဖြစ်ပြီး ဘာကြောင့် ၎င်းကို ပီအက်စ်ဂျီက ဝယ်ယူခဲ့ရလဲဆိုတာကို နောက်ဆုံးမှာတော့ ပြသနိုင်ခဲ့ပြီဖြစ်ပါတယ်။ ဒါပေမယ့် အာဂျင်တီးနားကြယ်ပွင့်ဟာ ပြင်သစ်လီဂူးဝမ်းမှာ ကျစ်လစ်တဲ့ကစားသမားဘဝအစကို ပြုလုပ်နိုင်ခဲ့လားဆိုတဲ့ အငြင်းပွားမှုကတော့ ရှိနေဦးမှာဖြစ်ပါတယ်။
Featured Photo:
