လက်မောင်းကြွက်သားများ တောင့်တင်းဖို့အတွက် ကြိုးစားနေပါသလား။ ဒါဆိုရင်တော့ အခုဖော်ပြပေးမယ့် လေ့ကျင့်ခန်းများက သင့်အတွက်ပါပဲ။

ဒီလေ့ကျင့်ခန်းများသည် လက်မောင်းကြွက်သားများ ကျစ်လျစ်သန်မာချင်တဲ့ ယောကျာ်းများအတွက် နေ့စဉ်ပြုလုပ်သင့်တဲ့ လေ့ကျင့်ခန်းများပဲဖြစ်ပါတယ်။

လေ့ကျင့်ခန်း (၁)

အလေးတုံး နှစ်တုံးကို ပထမပုံရဲ့အနေအထားအတိုင်း ကိုင်ထားကာ အသင့်ပြင်ထားပါ။ ထို့နောက် တံတောင်ကို အနောက်သို့လွှဲလိုက်ပါ။ ထို့နောက် အရှေ့ပြန်ချပါ။ တစ်ကြိမ်လို့သတ်မှတ်ပါမယ်။ စုစုပေါင်း ၁၂ ကြိမ်မှ ၁၅ ကြိမ်၊ ၃ ခါ (သို့) ၄ ခါ ပြုလုပ်ရပါမယ်။

လေ့ကျင့်ခန်း (၂)

ခုံတန်းလျားပေါ်တွင် ပုံပါအတိုင်းလှဲလျောင်းနေပါ။ ထို့နောက် အလေးတုံးကို ရင်ဘတ်ပေါ်တွင် ထားထားပါ။ ထို့နောက် တံတောင်ကို ဆန့်တန်းကို အလေးတုံးကို အပေါ်မြှောက်လိုက်ပါ။ အလေးတုံးအတင် အချ ပြုလုပ်တဲ့အခါ အလေးတုံး ထားပုံထားနည်းကိုလည်း မလွဲမှားစေပါနဲ့။

လေ့ကျင့်ခန်း (၃)

အရင်ဦးဆုံး ပထမပုံအတိုင်း ဗွီ ဇောက်ထိုးပုံသဏ္ဍာန် ပြုလုပ်ပါ။ ထို့နောက် ဒုတိယပုံအတိုင်း ခန္ဓာကိုယ်ကို ကြမ်းပြင်သို့ ချလိုက်ပါ။ ပြီးရင်တော့ မူလအနေအထားအတိုင်း ပြန်နေပါ။

လေ့ကျင့်ခန်း (၄)

ခုံတန်းပေါ်မှာ ခါးမတ်မတ်ထားပြီး အလေးတုံးကိုင်ကာ ထိုင်နေပါ။ ထို့နောက် အလေးတုံးကို အောက်သို့ ချလိုက်ပါ။ အောက်သို့ချတဲ့အချိန်မှာ ခါးအနည်းငယ် စောင်းပေးလိုက်ပါ။ တစ်ဖန် မူလအတိုင်း ခါးမတ်မတ်ပြန်နေပါ။

လေ့ကျင့်ခန်း (၅)

ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ အလေးတုံးကို ခန္ဓာကိုယ်ဘေးတစ်ဖက်တစ်ချက်စီတွင် ကပ်ထားပါ။ ထို့နောက် လက်နှစ်ဖက်ကို ဘေးဘက်သို့ ဆန့်တန်းလိုက်ပါ။ ပြီးရင်တော့ မူလအနေအထားအတိုင်း ပြန်နေပါ။

လေ့ကျင့်ခန်း (၆)

ဒီလေ့ကျင့်ခန်း ပြုလုပ်ဖို့ရန်အတွက် အားကစားပြုလုပ်တဲ့အခါ အသုံးပြုတဲ့ Elastic ကြိုးတစ်စုံ လိုအပ်ပါလိမ့်မယ်။ ထိုကြိုးကို ခြေဖဝါးအောက်တွင် ဖိထားပြီး ကြက်ခြေခတ်ပုံသဏ္ဍာန် ကိုင်ထားပါ။ ထို့နောက် လက်နှစ်ဖက်က ပုခုံးနဲ့တစ်တန်းတည်းဖြစ်အောင် ကားလိုက်ပါ။ မူလအနေအထားအတိုင်း ပြန်ချပါ။

အထက်ဖော်ပြပါလေ့ကျင့်ခန်းများကို စုစုပေါင်း ၁၂ ကြိမ်မှ ၁၅ ကြိမ်၊ ၃ ခါ (သို့) ၄ ခါ ပြုလုပ်ရပါမယ်။

လေ့ကျင့်ခန်းမပြုလုပ်ခင်မှာ သွေးပူလေ့ကျင့်ခန်းနှင့် လေ့ကျင့်ခန်းပြုလုပ်ပြီးတဲ့အခါ အကြောလျော့လေ့ကျင့်ခန်းများကို မမေ့မလျော့ပြုလုပ်ရပါမယ်။

Source: Mensjournal.com

Featured Image Source: Eatthis.com