ဝိတ်ချဖို့အတွက်ပဲဖြစ်ဖြစ် ဝိတ်တင်ဖို့အတွက်ပဲဖြစ်ဖြစ် လေ့ကျင့်ခန်းတစ်ခါမှ မလုပ်ဖူးသေးဘဲ အခုမှ လေ့ကျင့်ခန်းစလုပ်မယ့် ယောကျာ်းများအတွက် သိထားသင့်တဲ့အရေးကြီးဆုံးအချက်တစ်ချက်ရှိပါတယ်။ ထိုအချက်ကတော့ ခက်ခဲလွန်းတဲ့လေ့ကျင့်ခန်းက အစမပြုဘဲ လွယ်ကူရိုးရှင်းတဲ့ လေ့ကျင့်ခန်းများဖြင့် အစပြုဖို့ပဲဖြစ်ပါတယ်။
ခက်ခဲတဲ့လေ့ကျင့်ခန်းကနေ စလုပ်လိုက်တဲ့အခါ သင့်ကြွက်သားများရဲ့ခံနိုင်ရည်အားက နည်းနေတဲ့အတွက်ကြောင့် အလွန်အမင်းကြွက်သားနာကျင်မှုဒဏ်ကို ခံစားရနိုင်ပါတယ်။ ဒါဆိုရင်တော့ အခုမှ လေ့ကျင့်ခန်းစလုပ်မယ့် ယောကျာ်းများအတွက် ဘယ်လိုလေ့ကျင့်ခန်းတွေကနေ စလုပ်ပေးရမလဲ။
လေ့ကျင့်ခန်း (၁)
ဒီလေ့ကျင့်ခန်းကိုတော့ Press-Up လေ့ကျင့်ခန်းလို့ခေါ်ပြီး ၁၂ ကြိမ် (သို့) ၁၅ ကြိမ်၊ ၄ ခါခန့် ပြုလုပ်ပေးသင့်ပါတယ်။
လေ့ကျင့်ခန်း (၂)
အလေးတုံးနှစ်တုံးကို ပုခုံးအပေါ်သို့ ဖြည်းဖြည်းချင်းပင့်တင်ပေးရတဲ့ လေ့ကျင့်ခန်းပဲဖြစ်ပါတယ်။ သူ့ကိုလည်း ပထမဦးဆုံးရက်မှာ ၁၂ ကြိမ်၊ ၄ ခါခန့် ပြုလုပ်ပေးရပါမယ်။ ထိုမှတဆင့် တဖြည်းဖြည်း အကြိမ်ရေ တိုးမြှင့်ပေးလိုက်ပါ။
လေ့ကျင့်ခန်း (၃)
ဒီလေ့ကျင့်ခန်းကတော့ ကြိုးတစ်ချောင်းအသုံးပြုကာ ပုံပါအတိုင်း ခုန်ပေးရမှာဖြစ်ပါတယ်။ လေ့လာတွေ့ရှိချက်များအရ တစ်နေ့ကို ၁၀ မိနစ်ခန့် ကြိုးခုန်ပေးခြင်းက မိနစ် ၃၀ ခန့် လမ်းမြန်မြန်လျှောက်ခြင်းနဲ့ ညီမျှတယ်လို့ လေ့လာတွေ့ရှိရပါတယ်။
လေ့ကျင့်ခန်း (၄)
ဒီလေ့ကျင့်ခန်းကတော့ အလေးတုံးနှစ်ခု အသုံးပြုကာ ထိုင်ထ ပြုလုပ်ရတဲ့ လေ့ကျင့်ခန်းပဲဖြစ်ပါတယ်။ အလေးတုံး မပါဘဲ ပြုလုပ်လို့လည်း ရပါတယ်။ ဒါပေမဲ့ အလေးတုံး အသုံးပြုပါက ပိုမိုထိရောက်မှုရှိပါတယ်။
လေ့ကျင့်ခန်း (၅)
ဒီလေ့ကျင့်ခန်းက ဒိုက်ထိုးလေ့ကျင့်ခန်း အမျိုးအစားတစ်ခုပဲဖြစ်ပါတယ်။ တံတောင်ကွေးလိုက်တဲ့အချိန်မှာ ညာဒူးကို ပင့်ကူလူသားကဲ့သို့ ကွေးကာ ညာတံတောင်ဖြင့် ထိကပ်ပေးရမှာပဲဖြစ်ပါတယ်။ ဘယ်ဒူးကိုလည်း ဘယ်တံတောင်ဖြင့် ထိုနည်းတူ ပြုလုပ်ပေးရမှာပါ။
Source: Menshealth.com
