အမျိုးသားတွေအနေနဲ့ ခွန်အားအပြည့်ဖြင့် Workout လုပ်နိုင်ဖို့ ဘာတွေသိထားရမယ်ထင်ပါသလဲ။ ခွန်းအားအပြည့်နဲ့ နေ့စဉ်မပျက်မကွက်အားကစားလုပ်နိုင်ဖို့ဆိုတာ တော်ရုံဇွဲရှိရုံနဲ့တော့ မဖြစ်ပါဘူး။ ဒီနေ့ပြောပြပေးမှာက Gym ကစားတဲ့အချိန်တိုင်း ခွန်အားအပြည့်နဲ့ စိတ်ဓာတ်တက်ကြွနေစေဖို့ သိထားသင့်တဲ့အချက်တွေကို ပြောပြပေးချင်ပါတယ်။
Source : Freepik
အမြဲတမ်းလိုလို လုပ်ရိုးလုပ်စဉ်ပြုလုပ်နေကြ လေ့ကျင့်ခန်းနည်းတွေ ကစားနည်းတွေကိုပဲ ထပ်ခါတလဲလဲ ကစားနေရရင် ကြာလာတဲ့အချိန် ပျင်းရိလာပြီး Gym ဆက်မဆော့ချင်တော့တဲ့အထိ ဖြစ်တက်ပါတယ်။ ဒါကြောင့် သင့်လုပ်နေကျလေ့ကျင့်ခန်းတွေ ကစားနည်းတွေနဲ့ မတူတဲ့လေ့ကျင့်ခန်းတွေကို အပြောင်းအလဲပြုလုပ်ပြီး ကစားပါ။ ဖြစ်နိုင်ရင် ထရိန်နာနဲ့ သေချာတိုင်ပင်ပြီး ကစားနည်းတွေကိုပြောင်းလဲကစားသင့်ပါတယ်။
ဘာပဲလုပ်လုပ် ရည်မှန်းချက်ချမှတ်ပြီး လုပ်ဆောင်တာကောင်းပါတယ်။ Gym ကစားတဲ့အခါမှာလည်း ရည်မှန်းချက်တစ်ခုချမှတ်ထားသင့်ပါတယ်။ ကိုယ်ကဝိတ်တက်ချင်တာလား ဝိတ်ကျချင်တာလား။ ၆ လအတွင်း ဘယ်နှစ်ပေါင် ဝိတ်ကျအောင်လုပ်မယ် ၁ နှစ်အတွင်း ကြွက်သားထုထည်ဘယ်လောက်တည်ဆောက်မယ် စသဖြင့်ကိုယ်လိုချင်တဲ့ ပန်းတိုင်တစ်ခုချမှတ်လိုက်ပါ။ ရည်မှန်းချက်အတိုင်းလုပ်ဆောင်ခြင်းက သင့်ကိုစိတ်ခွန်အားရစေတဲ့အချက်တစ်ခုဖြစ်ပါတယ်။
Gym ကစားနေသူတစ်ယောက်အတွက်အရေးကြီးက ကျန်းမာရေးနှင့်ညီညွှတ်တဲ့ စားသောက်နေထိုင်မှုပုံစံရှိဖို့ပါပဲ။ ကိုယ်ကစားနေတဲ့ Workout Plan နဲ့အညီ ကျန်းမာမျှတအောင်စားသုံးမယ် စိတ်ဖိစီးမှုနည်းအောင်နေမယ် အိပ်ရေးဝဝအိပ်စက်မယ် ရေများများသောက်မယ် စသည်ဖြင့် ကျန်းမာအောင်နေထိုင်ဖို့လိုအပ်ပါတယ်။ ဒါမှလည်း ခွန်းအားအပြည့်နဲ့ Gym ကောင်းကောင်းကစားနိုင်မှာပါ။
Source : Freepik
နေ့တိုင်းလိုလို Gym သွားတာကတော့ ကောင်းတဲ့အကြံတစ်ခုမဟုတ်ပါဘူး။ နေ့တိုင်း Gym သွားခြင်း လိုအပ်သည်ထက် ပိုပြီးကစားမိခြင်းက ထင်ထားသလို ကြွက်သားပိုမိုကြီးထွားလာနိုင်မှာ မဟုတ်ပါဘူး။ Gym ကစားတဲ့အခါမှာ ကြွက်သားတွေကို ပြန်လည် Recover လုပ်ပေးဖို့လိုအပ်ပါတယ်။ Overtraining လုပ်မိရင် ကစားသလောက် ရလဒ်မထူးခြားတဲ့အပြင် ခန္ဓာကိုယ်ကျန်းမာရေးကိုပါထိခိုက်စေတာကြောင့် Gym ဆက်ကစားဖို့ စိတ်ပျက်သွားစေနိုင်ပါတယ်။တစ်ပတ် ၄ ရက် တစ်ရက်ကို ၁ နာရီလောက် နည်းစနစ်မှန်ကန်စွာကစားပေးရင်လုံလောက်တယ်လို့ပြောလို့ရပါပြီ။
