သင်အနေနဲ့ လူမှုနေထိုင်မှု ပုံစံမှားယွင်းမှုတွေ ၊ အစားအသောက် မဆင်ခြင်မှုနဲ့ လှုပ်ရှားမှုနည်းခြင်းတွေကြောင့် အဆီပိုတွေတက်လာပြီး ပုံပျက်ပန်းပျက်ဖြစ်နေပြီလို့ ခံစားနေရပြီလား။ သင့်အနေနဲ့ ခန္ဓာကိုယ်ကိုလုံးဝပြောင်းလဲမယ်လို့ စိတ်ကူးထားတယ်ဆိုရင် အဆီလောင်ကျွမ်းမှုအားကောင်းတဲ့ လေ့ကျင့်ခန်းတွေကို ပြောပြပေးချင်ပါတယ်။
(၁) Plank ထောက်ပါ
Photo : iStock
Plank ထောက်တာဟာ နောက်ကျောရိုး ကြွက်သားတွေနဲ့ ဝမ်းဗိုက်အဆီ ချဖို့ သိပ်ကောင်းတဲ့ လေ့ကျင့်ခန်း ဖြစ်ပါတယ်။ ကြမ်းပြင်ပေါ်မှာ လူဟာ တံထောင်ထောက်လျက်သား ကြာနိုင်သမျှ ကြာအောင် နေရမှာပါ။ ဒီနည်းဟာ ကျောရိုးမ ၊ ဝမ်းဗိုက်နဲ့ ခြေထောက် ပုခုံးကြွက်သားအားလုံးကို ကြံ့ခိုင်စေပါတယ်။
(၂) ရေကူးပါ
Photo : Unsplash
ခန္ဓာကိုယ်အပေါ်ပိုင်းမှာရှိတဲ့ အဆီတွေကို အမြန်ဆုံး ကျချင်တယ်ဆိုရင်တော့ ရေကူးခြင်းလေ့ကျင့်ခန်းက မှန်ကန်တဲ့ ရွေးချယ်မှုတစ်ခုဖြစ်ပါတယ်။ရေကူးခြင်းက ချွေးထွက်တဲ့ အားကစားနည်းတွေကိုမကြိုက်တဲ့သူတွေရွေးချယ်သင့်တဲ့နည်းလမ်းတစ်ခုဖြစ်ပြီး မြန်မြန်ဆန်ဆန်ဘဲ အဆီကျစေမှာဖြစ်ပါတယ်။ ရေကူးခြင်းက အဆီကျစေရုံသာမက ခန္ဓာကိုယ်ကြွက်သားတွေသန်မာလာအောင်လည်းကူညီပေးပြီး ရင်အုပ်နဲ့ ပခုံးကြွက်သားတွေကို ကျယ်ကားလာစေမှာဖြစ်ပါတယ်။
(၃) ဝိတ်မပါ
Photo : Quintessential Man
Weight Training လုပ်တာဟာ Cardio ကစားသလိုပဲ Weight Loss ဖြစ်စေပါတယ်။ ဝိတ်မသူဟာ ကယ်လိုရီလောင်ကျွမ်းမှု အားကောင်းတာကြောင့် ကြွက်သားကျစ်လျစ်ပြီး အဆီကျစေနိုင်ပါတယ်။
(၄) စက်ဘီးနင်းပါ
Photo : Togoparts
စက်ဘီးစီးလေ့ကျင့်ခန်း ပြုလုပ်ကြသူအများစုဟာ ခန္ဓာကိုယ်မှာအဆီပိုတွေကင်းစင်ပြီး ကျန်းမာကျစ်လစ်တဲ့ ခန္ဓာကိုယ်ကိုပိုင်ဆိုင်လေ့ရှိကြပါတယ်။ စက်ဘီးစီးလေ့ကျင့်ခန်းကလည်း အချိန်တိုအတွင်းအဆီတွေပိုမိုလောင်ကျွမ်းဖို့ကူညီပေးပြီး ပေါင်နဲ့ တင်ပါးတစ်ဝိုက်ကအဆီကိုအထိရောက်ဆုံးကျစေပါတယ်။
Featured Photo : Men’s Health
