လေ့ကျင့်ခန်းများက ကိုယ်အလေးချိန် ကျစေနိုင်သည်သာမကဘဲ ကိုယ်အလေးချိန် တက်အောင်လည်း ကူညီပေးနိုင်ပါတယ်။
သင့်အနေနဲ့ ဝိတ်တက်အောင် ဆော့ကစားချင်တာလား။ ဒါမှမဟုတ် ကြွက်သားတွေ ကြီးထွားလာအောင် ဆော့ကစားချင်တာလားဆိုတာကို သေချာဆန်းစစ်ဖို့ လိုပါတယ်။
ခန္ဓာကိုယ်အလေးချိန် နည်းနေသူများအနေနဲ့ ရှောင်ကြဉ်သင့်တဲ့ လေ့ကျင့်ခန်းအမျိုးအစား နှစ်မျိုးရှိပါတယ်။ အေရိုးပစ်အားကစားနဲ့ Cardio လေ့ကျင့်ခန်းများပဲဖြစ်ပါတယ်။
ဝိတ်တက်ဖို့အတွက် တစ်စိုက်မတ်မတ် ပြုလုပ်သင့်တဲ့ လေ့ကျင့်ခန်း (၆) မျိုးရှိပါတယ်။
Pushups
Pushups ကတော့ အားလုံးသိပြီးသားဖြစ်တဲ့ ဒိုက်ထိုးလေ့ကျင့်ခန်းပဲဖြစ်ပါတယ်။ ဒီလေ့ကျင့်ခန်းပြုလုပ်ခြင်းအားဖြင့် လက်မောင်းနဲ့ ပုခုံးကြွက်သားများ သန်မာလာမှာပဲဖြစ်ပါတယ်။
အကြိမ်ရေ ၂၀ (သို့) မိမိလုပ်နိုင်သလောက် ပြုလုပ်ပေးလိုက်ပါ။
Pullups
ဒီလေ့ကျင့်ခန်းကတော့ ဘားတန်းခို လေ့ကျင့်ခန်းပဲဖြစ်ပါတယ်။ ဘားတန်းမှာ တွဲလဲခိုထားပြီးနောက် ခန္ဓာကိုယ်အပေါ်ပိုင်းကို ပင့်တင်ပေးရမှာပဲဖြစ်ပါတယ်။ သင့်ရဲ့မေးစေ့က ဘားတန်းကျော်သွားသည်အထိ ပင့်တင်ပေးလိုက်ပါ။
မိမိလုပ်နိုင်တဲ့အကြိမ်အရေအထိ ပြုလုပ်ပါ။
Squats
Photo : Menshealth.com
Squats ထိုင်ခြင်းက တင်ပါးနှင့် ခြေသလုံးကြွက်သား၊ ပေါင်ကြွက်သားများကို သန်မာစေပါတယ်။ Squats ထိုင်တဲ့အခါ သတိထားရမယ့်အရာကတော့ Squats ထိုင်ပြီး ပြန်ထတဲ့အခါ ခြေဖနောင့် ပြန်မကြွမိစေဖို့ပါပဲ။
မိမိလုပ်နိုင်တဲ့ အကြိမ်အရေအတွက်အထိ ပြုလုပ်ပါ။
Lunges
Photo : Experiencelife.com
ဒီလေ့ကျင့်ခန်းကတော့ ခြေသလုံးကြွက်သား၊ ပေါင်ကြွက်သား၊ တင်ပါးကြွက်သားများကို တောင့်တင်းသန်မာစေပါတယ်။
ညာခြေကို ရှေ့ထုတ်ပြီး ဘယ်ခြေကို နောက်ထုတ်ထားပါ။ ထို့နောက် ညာခြေကို ၉၀ ဒီဂရီကွေးညွှတ်လိုက်တဲ့အချိန်မှာ ဘယ်ခြေကိုလည်း နိမ့်ပေးလိုက်ပါ။ ၁၅ ကြိမ်ခန့် ပြုလုပ်ပြီးနောက်မှာတော့ ဘယ်ခြေ ညာခြေကို ဘက်ပြောင်းလုပ်ပေးပါ။
Bench Press
Photo : Salimhealthcare.blogspot.com
ဒီလေ့ကျင့်ခန်းကတော့ ပုခုံးကြွက်သား၊ လက်မောင်းကြွက်သား၊ ရင်အုပ်ကြွက်သားများကို သန်မာကြီးထွားစေပါတယ်။
ခုံတန်းပေါ်မှာ ပက်လက်အနေအထားဖြင့် အလေးတန်းကို အပေါ်သို့ ပင့်တင်ပေးရပါမယ်။ ၁၅ ကြိမ် (သို့) အကြိမ် ၂၀ ခန့် ပြုလုပ်ပေးပါ။
Overhead Press
Photo : Menshealth.com
ဒီလေ့ကျင့်ခန်းကို ထိုင်လျက်အနေအထား (သို့) ထလျက်အနေအထားဖြင့် မိမိစိတ်ကြိုက်ပြုလုပ်နိုင်ပါတယ်။ အလေးတန်းကို မိမိရင်ဘတ်အရှေ့မှ မထားပြီး ဦးခေါင်းအပေါ်သို့ ပင့်တင်ပေးလိုက်ပါ။
၁၅ ကြိမ် (သို့) အကြိမ် ၂၀ ခန့် ပြုလုပ်ပေးရပါမယ်။
အခုဖော်ပြတဲ့လေ့ကျင့်ခန်းများကို တစ်ပတ် သုံးကြိမ်ခန့် ပြုလုပ်ပေးပါက တစ်လကြာတဲ့အထိ ကိုယ်အလေးချိန် တက်လာတာကို မြင်တွေ့ရပါလိမ့်မယ်။
Source: Healthline.com
