ဆော်ဒီ ပရိုလိဂ်ကလပ် အယ်လ် နာဆာအသင်းဟာ အမှတ်ပေးလိဂ်ပြိုင်ပွဲ မတိုင်ခင်က အာရပ် ကလပ် ရှုံးထွက်ပြိုင်ပွဲမှာ ချန်ပီယံ ဖြစ်ထားခဲ့ပေမယ့်လည်း လိဂ်ပွဲတွေ ပြန်စတင်ချိန်မှာတော့ (၂)ပွဲဆက်တိုက်အထိ ရှုံးပွဲ တွေ့ထားခဲ့ရလို့ နိုင်ပွဲ မဖြစ်နေ လိုအပ်နေချိန်မှာ အသင်းခေါင်းဆောင် ခရစ္စတီယာနို ရော်နယ်လ်ဒို ရဲ့ ဟက်ထရစ် မာနေးရဲ့ သွင်းဂိုး (၂)ဂိုးနဲ့အတူ အယ်လ် ဖာတာအသင်းကို အပြတ်အသတ် အနိုင်ရသွားခဲ့ပါတယ်။
Photo Credit : Al Nassr Twitter
အယ်လ် နာဆာအသင်းက ဒီပွဲစဥ်မှာ ရော်နယ်လ်ဒို မာနေး ဘရိုဇိုဗစ်တို့အပြင် မကြာသေးခင်ကမှ ခေါ်ယူထားတဲ့ လာပေါ့တ် နဲ့ အော်တာဗီယိုတို့ကိုပါ စတင် ပွဲထုတ်လာခဲ့ပါတယ်။ တစ်ဖက်က အယ်လ် ဖေတာအသင်းဟာလည်း ခရိုအေးရှား နည်းပြဟောင်းကြီး ဘီလစ် ကိုင်တွယ်နေတဲ့ အသင်းတစ်သင်းဖြစ်ပြီး တယ်လ်လို ဒီနာယာတို့လို ဥရောပ ကစားသမားတချို့ ပါဝင်ထားပါတယ်။
Photo Credit : Al Nassr Twitter
ပွဲကစားချိန် ပထမပိုင်း တစ်ပိုင်းလုံးမှာ အယ်လ် နာဆာက ပိုမို အသာစီး ရရှိခဲ့ပြီး ရော်နယ်ဒို နဲ့ မာနေးတို့က တစ်ဂိုးစီ သွင်းယူရင်း (၂)ဂိုးပြတ်နဲ့ ဦးဆောင်နေခဲ့ပါတယ်။ ဒုတိယပိုင်းမှာလည်း ရော်နယ်လ်ဒိုက နောက်ထပ် (၂)ဂိုးထပ်သွင်းပြီး ဟက်ထရစ် ရရှိသွားခဲ့သလို မာနေးကလည်း (၁)ဂိုးထပ်သွင်းခဲ့ပါတယ်။ ပွဲအပြီးမှာတော့ ရော်နယ်လ်ဒို မာနေးတို့ရဲ့ သွင်းဂိုးတွေနဲ့ အိမ်ရှင် အယ်လ် ဖေတာအသင်းကို (၅)ဂိုး ဂိုးမရှိနဲ့ အပြတ်အသတ် အနိုင်ရသွားခဲ့ပါတယ်။
Photo Credit : TCR
ဒီပွဲစဥ်မှာ အယ်လ် နာဆာအတွက် ဟက်ထရစ် သွင်းယူနိုင်ခဲ့တဲ့ ရော်နယ်လ်ဒိုဟာ သူ့ကစားသမားဘဝအတွင်းမှာ ဟက်ထရစ် အကြိမ်ရေပေါင်း (၆၃)ကြိမ်အထိတောင် သွင်းယူထားနိုင်ခဲ့သလို ဘောလုံးရာသီ (၂၁)ရာသီဆက်တိုက် အမှတ်ပေး လိဂ်ပြိုင်ပွဲတွေအတွင်း ဂိုးသွင်းယူနိုင်ခဲ့တဲ့ စံချိန်ကောင်းကိုလည်း ပိုင်ဆိုင်သွားခဲ့ရပါတယ်။ အခုဆိုရင် ရော်နယ်လ်ဒို နဲ့ မာနေးတို့က တစ်ယောက်ကို လိဂ်သွင်းဂိုး (၃)ဂိုးစီနဲ့ ဒီရာသီ ဆော်ဒီ ပရိုလိဂ်ပြိုင်ပွဲရဲ့ ဂိုးသွင်းအများဆုံး ကစားသမားစာရင်းမှာပါ ဒုတိယနေရာကနေ ပူးတွဲ ရပ်တည်လို့နေပါတယ်။
Featured Photo : Sports Bried
