ကိုဗစ်ကြောင့် Gym တွေ ပိတ်ထားရပြီး Gym သွားမဆော့ရလို့ စိတ်မညစ်ပါနဲ့။ ကျစ်လျစ်တောင့်တင်းတဲ့ ကြွက်သားများ ရရှိပိုင်ဆိုင်ဖို့အတွက် Gym မသွားဘဲ မိမိအိမ်မှာ လေ့ကျင့်ခန်း ပြုလုပ်နိုင်ပါတယ်။ ဆော့ကစားဖို့အတွက် စက်ကိရိယာလည်း မလိုအပ်တာကြောင့် စက်ကိရိယာအလွတ် ဆော့ကစားနိုင်ပြီး ရင်အုပ်ကြွက်သားအတွက် လေ့ကျင့်ခန်းများကို တစ်ပတ် နှစ်ရက် (သို့) သုံးရက် ဆော့ကစားနိုင်ပါတယ်။
ကျန်တဲ့ ရက်တွေမှာတော့ ရင်အုပ်ကြွက်သားအတွက် မဆော့ဘဲ ဝမ်းဗိုက်ကြွက်သား၊ ပေါင်ကြွက်သား စသည်ဖြင့် ရက်အလိုက်ခွဲခြားပြီး ဆော့ကစားပေးလိုက်ပါ။
ရင်အုပ်ကြွက်သား ကြီးချင်သူများအနေနဲ့ အဓိက ပြုလုပ်ရမယ့်လေ့ကျင့်ခန်းများကတော့ ဒိုက်ထိုးခြင်းပဲဖြစ်ပါတယ်။
လေ့ကျင့်ခန်း (၁)
Photo Source: Coachmag.co.uk
လက်နှစ်ဖက်ကို ခန္ဓာကိုယ် ဘေးဘက်ဆီသို့ ကားထားပါ။ ထို့နောက် အကြိမ်ရေ ၁၅ ကြိမ် (သို့) အကြိမ် ၂၀ ခန့် မိမိနိုင်သဘောက် ဒိုက်ထိုးပေးရပါမယ်။
လေ့ကျင့်ခန်း (၂)
Photo Source: Menshealth.com
လေ့ကျင့်ခန်း (၁) က အနေအထားအတိုင်း အသင့်ပြင်ထားပါ။ ထို့နောက် ခန္ဓာကိုယ်ကို ကြမ်းပြင်ပေါ်သို့ ဖိချလိုက်တဲ့အခါ တံတောင်ကွေးညွှတ်ပြီးနောက် ခန္ဓာကိုယ်ကို အပေါ်သို့ ပင့်တင်ပြီး တံတောင်ဆန့်တန်းလိုက်တဲ့အချိန်မှာ လက်ခုပ်တီးလိုက်ပါ။
ဒီလေ့ကျင့်ခန်းကိုလည်း ၁၅ ကြိမ် (သို့) အကြိမ် ၂၀ ပြုလုပ်ပါ။
လေ့ကျင့်ခန်း (၃)
လက်နှစ်ဖက်ကို ခန္ဓာကိုယ် ဘေးနှစ်ဖက်မှာ ချဲထားပါ။ ထို့နောက် တံတောင်ကို ကွေးညွှတ်လိုက်ပါ။ ဒူးခေါင်းကို ခန္ဓာကိုယ်ရဲ့အပြင်ဘက်ဆီသို့ ကားထုတ်လိုက်ပြီး တံတောင်ဖြင့် ထိကပ်ပေးလိုက်ပါ။
ဘယ်ညာ တစ်လှည့်စီကို တစ်ကြိမ်လို့ မှတ်ယူပြီး ၁၅ ကြိမ် (သို့) အကြိမ် ၂၀ ခန့် ပြုလုပ်ရပါမယ်။
လေ့ကျင့်ခန်း (၄)
ဒီလေ့ကျင့်ခန်း ပြုလုပ်ဖို့ရန်အတွက် ခုံတန်းရှည် (သို့) ကုတင် လိုအပ်ပါတယ်။ အရင်ဦးဆုံး ဒုတိယပုံက အနေအထားအတိုင်း အသင့်ပြင်ပါ။ ထို့နောက် ၁၅ ကြိမ် (သို့) အကြိမ် ၂၀ ခန့် ဒိုက်ထိုးပေးရပါမယ်။
လေ့ကျင့်ခန်း (၅)
ဒီတစ်ခါမှာတော့ စောစောက လေ့ကျင့်ခန်း (၄) ရဲ့ ပြောင်းပြန်ပါ။ ခုံတန်းရှည် (သို့) ကုတင်ပေါ်မှာ ခြေထောက်တင်ထားပြီး လက်နှစ်ဖက်ကို ကြမ်းပြင်ပေါ်ချကာ ဒိုက်ထိုးရပါမယ်။ ၁၅ ကြိမ် (သို့) အကြိမ် ၂၀ ခန့် ပြုလုပ်ပါ။
အခုဖော်ပြပေးတဲ့ မတူညီသော ဒိုက်ထိုးလေ့ကျင့်ခန်းမျိုးစုံကို တစ်ပတ် နှစ်ရက်ခန့် ဆော့ကစားပေးမယ်ဆိုရင် သင့်ရဲ့ရင်အုပ်ကြွက်သားက တောင့်တောင့်တင်းတင်း ကျစ်ကျစ်လျစ်လျစ်နဲ့ ကြည့်ကောင်းနေမှာပါ။
Source: Menshealth.com
