ခန္ဓာကိုယ်တစ်ခုလုံးရှိ ကြွက်သားများအတွက် မိနစ် ၂၀ တည်း အချိန်ပေးရုံနဲ့ ကြွက်သားများ ကြီးထွားလာအောင် ဆော့ကစားချင်ပါသလား။ ဒါဆိုရင်တော့ အခုဖော်ပြပေးမယ့် လေ့ကျင့်ခန်းများက သင့်ကို ကူညီပေးပါလိမ့်မယ်။

လေ့ကျင့်ခန်း (၁)

ပုံပါအတိုင်း ခုံတန်းရှည်ပေါ်သို့ တစ်လှည့်စီ တက်လိုက်ဆင်းလိုက် ပြုလုပ်ပေးရမှာဖြစ်ပါတယ်။ စက္ကန့် ၃၀ ပြုလုပ်ပေးရမှာပါ။

လေ့ကျင့်ခန်း (၂)

Source: Healthline

မနိမ့်မမြင့်ခုံတန်းရှည်ပေါ်တွင် ညာခြေတင်ထားပါ။ ထို့နောက် ပုံပါအတိုင်း ခုံပေါ်သို့ တက်လိုက်ပြီး ဘယ်ခြေကို အပေါ်သို့ ပင့်တင်လိုက်ပါ။ စက္ကန့် ၃၀ ပြည့်အောင် ပြုလုပ်ပါ။

သတ်မှတ်ချိန်ပြည့်တဲ့အခါမှာတော့ ဘယ်ခြေကို ခုံပေါ်သို့ ပြောင်းတင်ကာ ညာခြေကို အထက်ဖော်ပြပါနည်းအတိုင်း ဆက်လက်ပင့်တင်ပေးရပါမယ်။ စက္ကန့် ၃၀ ပြုလုပ်ပေးရမှာဖြစ်ပါတယ်။

လေ့ကျင့်ခန်း (၃)

Source: Flab Fix

ခြေထောက်နှစ်ဖက်ကိုတော့ တစ်နေရာတည်းမှာ အသေထားရပါမယ်။ ထို့နောက် ခန္ဓာကိုယ်ကို အရှေ့သို့ လှဲချရင်း လက်နှစ်ဖက်ကိုလည်း အရှေ့သို့ တဖြည်းဖြည်းချင်းစီ ရွေ့သွားရမှာဖြစ်ပါတယ်။

လေ့ကျင့်ခန်း (၄)

Source: Gfycat

ဒီလေ့ကျင့်ခန်းကတော့ အားလုံးနဲ့ရင်းနှီးပြီးသားလေ့ကျင့်ခန်းတစ်ခုဖြစ်တဲ့အတွက်ကြောင့် အထွေအထူးရှင်းပြစရာမလိုလောက်ဘူးလို့ ထင်ပါတယ်။ သူ့ကိုလည်းပဲ စက္ကန့် ၃၀ ပြုလုပ်ပေးရမှာဖြစ်ပါတယ်။

လေ့ကျင့်ခန်း (၅)

Source: Make A Gif

အရင်ဦးဆုံး လေးဘက်ထောက်ထားကာ ခန္ဓာကိုယ်ကို ခပ်ကုန်းကုန်းလေး မှောက်ထားပါ။ ထို့နောက် ခန္ဓာကိုယ်ကို တစ်ဖက်ခြမ်းသို့လှည့်ကာ ဘယ်ခြေကို ဆန့်တန်းပြီး ညာလက်ဖြင့် ထိကပ်ပေးလိုက်ပါ။ မူလအနေအထားအတိုင်း ပြန်နေပါ။ ထို့နောက် ခန္ဓာကိုယ်ကို အခြားတစ်ဖက်သို့ လှည့်ပြီး ညာခြေကို ဘယ်လက်ဖြင့် ထိကပ်ပေးလိုက်ပါ။ စက္ကန့် ၃၀ ပြုလုပ်ရမှာဖြစ်ပါတယ်။

လေ့ကျင့်ခန်း (၆)

Source: Flab Fix

လေ့ကျင့်ခန်းပြုလုပ်တဲ့ဖျာပေါ်တွင် လှဲလျောင်းနေပါ။ ထို့နောက် ခန္ဓာကိုယ်အပေါ်ပိုင်းကို ကြွလိုက်ပြီး ဘယ်ဒူးကို ရင်ဘတ်ဆီသို့ ဆွဲယူပါ။ ဟန်ချက်ညီဖို့ရန်အတွက် ညာလက်ကိုလည်း လှုပ်ရှားပေးရပါမယ်။ ဘယ်ညာ တစ်လှည့်စီ စက္ကန့် ၃၀ ပြုလုပ်ရမှာဖြစ်ပါတယ်။

အထက်ဖော်ပြပါ လေ့ကျင့်ခန်းများအားလုံးပြီးသွားပါက ၁ မိနစ်ခန့် အနားယူနိုင်ပါတယ်။ ထို့နောက် နောက်ထပ် ၃ ကျော့ (သို့) ၄ ကျော့စီ ထပ်မံပြုလုပ်ပေးလိုက်ပါ။

လေ့ကျင့်ခန်းမစခင်မှာ သွေးပူလေ့ကျင့်ခန်းနှင့် လေ့ကျင့်ခန်း ပြီးသွားတဲ့အခါမှာ အကြောလျော့လေ့ကျင့်ခန်းတို့ကို ၅ မိနစ်စီ ပြုလုပ်ပေးဖို့လည်း လိုအပ်ပါသေးတယ်။

Source: Men’s Health

Featured Image Source: Bodybuilding.com