Olivia Rodrigo သီချင်း

Olivia Rodrigo ရဲ့ ပေါ်ပြူလာ အဖြစ်ဆုံး သီချင်း ကောင်း ၁၀ ပုဒ်

အခုနောက်ပိုင်း ဂီတချစ်သူတွေကြား လူကြိုက်များရေပန်းစားလာတဲ့ လူငယ်အဆိုတော်တွေထဲမှာ အမေရိကန် အဆိုတော်မလေး Olivia Rodrigo လည်း ပါဝင်ပါတယ််။ သူမကို ၂၀၀၃ ခုနှစ် ဖေဖော်ဝါရီလ ၂၀ ရက်နေ့မှာ မွေးဖွားခဲ့တာ ဖြစ်ပြီး အသက် ၁၉ နှစ် ဝန်းကျင်သာ ရှိသေးပေမယ့် အနုပညာလမ်းကြောင်းပေါ်မှာ အောင်မြင်မှု ကြီးကြီးမားမား ရရှိထားသူပဲ ဖြစ်ပါတယ်။ ဆယ်ကျော်သက်အရွယ်မှာ Disney သရုပ်ဆောင် တစ်ယောက်အဖြစ် အနုပညာအလုပ်တွေ စတင်လုပ်ကိုင်ခဲ့ရာကနေ Billboard Charts မှာ ထိပ်တန်း စံချိန်တင်သီချင်းများစွာ ဖန်တီးသီဆိုနိုင်ခဲ့တဲ့ အထိ အနုပညာအတွေ့အကြုံများသူလေး ဖြစ်ပါတယ်။

၂၀၂၁ မှာ ပထမဆုံး ထွက်ခဲ့တဲ့ သူမရဲ့ Singel သီချင်းတစ်ပုဒ်ဖြစ်တဲ့ Driver’s License ဟာဆိုရင် Spotify မှာ တစ်ပတ်အတွင်း နားထောင်သူအများဆုံး စံချိန်သစ်ကို တင်နိုင်ခဲ့တဲ့ အထိ‌ အောင်မြင်မှုအများအပြားရခဲ့တာ ဖြစ်ပါတယ်။ မေလထဲမှာ ထွက်ရှိခဲ့တဲ့ သူမရဲ့ ပွဲဦးထွက် အယ်လ်ဘမ် Sour ဟာလည်း Billboard 200 မှာ နံပါတ် ၁ စံချိန်တင်ခဲ့ပြီး အယ်လ်ဘမ်ထဲမှာ ပါဝင်တဲ့ သီချင်း ၁၁ ပုဒ်လုံးဟာလည်း Billboard 100s ရဲ့ ထိပ်ဆုံး ၃၀ စာရင်း ဝင်ခဲ့ပါတယ်။ ဒီတစ်ခေါက် သီချင်းချစ်သူ ပရိသတ်တွေအတွက် အသံချိုချိုလေးနဲ့ ညို့ငင်အားကောင်းတဲ့ အသံပိုင်ရှင်မလေး Olivia Rodrigo ရဲ့ လူကြိုက်အများဆုံး တေး သီချင်း ကောင်း ၁၀ ပုဒ်ကို မျှဝေပေးချင်ပါတယ်။