Plyometric လေ့ကျင့်ခန်းတွေကို Jump Training ဒါမှမဟုတ် Plyos လို့လည်းခေါ်ပါတယ်။ ဒီလေ့ကျင့်ခန်းတွေဟာ အချိန်တိုအတွင်း ခွန်းအားအမြင့်ဆုံးသုံးပြီး လှုပ်လှုပ်ရှားရှား ကစားရတာဖြစ်တဲ့အတွက် ချွေးထွက်များသလို သက်လုံစွမ်းအားကိုတိုးစေပြီး ခန္ဓာကိုယ်မှာရှိတဲ့ ကြွက်သားအစိတ်အပိုင်းတွေကို ထိထိရောက်ရောက် ကျစ်လစ်သန်မာလာစေဖို့ အထောက်အကူ ပြုပါတယ်။ ဒီဆောင်းပါးလေးမှာတော့ ပါဝါ ပြင်းပြင်းသုံးပြီး ကစားရမယ့် Plyometric လေ့ကျင့်ခန်း အချို့ကို မျှဝေပေးပါမယ်။
(၁) Plyometric Press-Up
Source : Goodlife Health Clubs
ပုံမှန်ဒိုက်ထိုး လေ့ကျင့်ခန်းထက် ပိုပြင်းထန်ပါတယ်။ ပခုံးအောက်တည့်တည့်မှာ လက်တွေကို တိုက်ရိုက်ရှိနေပါစေ။ တံတောင်ဆစ်တွေဟာ ခန္ဓာကိုယ်နဲ့ နီးကပ်နေရပါမယ်။ လက်နဲ့ တံတောင်ဆစ်တွေကို ကျယ်ကားထားရင် ပခုံးဒဏ်ရာရနိုင်ခြေ ရှိလို့ပါ။
(၂) Reverse Lunge with Knee Drive
Source : Live Lean TV Daily Exercises
ဒီလေ့ကျင့်ခန်းက Reverse Lunge နဲ့ ဒူးမြှောက် လေ့ကျင့်ခန်းကို တွဲလုပ်ပေးရမှာပါ။ လေ့ကျင့်ခန်း စလုပ်မယ့် သူတွေအတွက် စည်းချက်ကျကျ အချိန်အဆမှန်ဖို့ ခက်ခဲပါလိမ့်မယ်။ အနှေးလှုပ်ရှားမှုကို စတင်လေ့ကျင့်ပြီးမှသာ တဖြည်းဖြည်းချင်း အရှိန်မြှင့်တင်သွားပါ။
(၃) Depth Jump
Source : Third Space London
Depth Jump လေ့ကျင့်ခန်း ကစားဖို့အတွက် Box တစ်လုံး လိုပါတယ်။ ခုန်ရတဲ့ လေ့ကျင့်ခန်း ဖြစ်တာကြောင့် ခြေထောက်ကြွက်သားတွေကို သန်မာလာစေမှာပါ။ ခန္ဓာကိုယ်ဟန်ချက်ကို ထိန်းညှိပြီး ကစားပေးဖို့ အရေးကြီးဆုံး ဖြစ်ပါတယ်။
(၄) Med Ball Slam
Source : Third Space London
Med Ball ကို အားကုန် ပစ်ပေါက် ကစားရမယ့် လေ့ကျင့်ခန်း ဖြစ်ပါတယ်။ ပခုံး ၊ လက်မောင်းနဲ့ ဝမ်းဗိုက်ကြွက်သားတွေကို ထိရောက်မှု ရှိစေပါတယ်။ Med Ball ကို ဦးခေါင်းထက်မှာ ကိုင်ထားပြီး ကြမ်းပြင်ကို အားကုန်ပစ်ပေါက်ပါ။
Featured Photo : Muscle & Fitness
