အောင်မြင်ကျော်ကြား လူကြိုက်များတဲ့ နာမည်ကြီး လူမည်းအမျိုးသမီး အဆိုတော်တွေထဲမှာတော့ Barbadian အဆိုတော် Rihanna ဟာလည်း တစ်ယောက်အပါအဝင် ဖြစ်ပါတယ်။ သူမကို ၁၉၈၈ ခုနှစ် ဖေဖော်ဝါရီ ၂၀ ရက်နေ့မှာ မွေးခဲ့ပြီး ဂီတလမ်းကြောင်းပေါ်မှာ ထိပ်ထိပ်ကြဲ အောင်မြင်တဲ့ အဆိုတော်တစ်ဦး ဖြစ်ရုံမက သရုပ်ဆောင် ၊ ဖက်ရှင် ဒီဇိုင်နာနဲ့ စီးပွားရေး လုပ်ငန်းတွေကို လုပ်ကိုင်လျက်ရှိတဲ့ Businesswoman တစ်ယောက်လည်း ဖြစ်ပါတယ်။ အနုပညာသက်တမ်း တစ်လျောက်လုံး သီချင်းပေါင်း မြောက်များစွာ ထွက်ရှိခဲ့ပြီး သူမရဲ့ သီချင်းတိုင်း လိုလိုဟာ ရေပန်းစားအောင်မြင်ခဲ့သလို တချို့ သီချင်းတွေဆိုရင် ကွဲပြားတဲ့ ခံစားမှုအဆင့်တွေ ရှိတာကြောင့် ပရိသတ်တွေကြားမှာတော့ အရမ်းကို လူကြိုက်များ ဟော့ဖြစ်စေခဲ့တာ ဖြစ်ပါတယ်။
သူမဟာ ပြီးခဲ့တဲ့ ၂၀၂၁ ခုနှစ်မှာ ခန့်မှန်းခြေ အသားတင်ပိုင်ဆိုင်မှု ဒေါ်လာ ၁.၇ ဘီလီယံခန့် ပိုင်ဆိုင်ထားပြီး ကမ္ဘာ့အချမ်းသာဆုံး အမျိုးသမီး ထိပ်တန်း နံပါတ် ၁ ဂီတပညာရှင် တစ်ယောက် ဖြစ်လာခဲ့ပါတယ်။ ဒါ့အပြင် သူမရဲ့ တေးအယ်လ်ဘမ် တွေဟာ ကမ္ဘာတစ်ဝှမ်းမှာ စံချိန်တင် သန်း ၂၅၀ ကျော် ရောင်းချခဲ့ရပြီး ရောင်းအား အကောင်းဆုံး ဂီတအနုပညာရှင်တွေထဲက တစ်ဦးအဖြစ်လည်း မှတ်တမ်း ဝင်ထားပါတယ်။
သူမဟာ ဂရမ်မီဆု ၉ ဆု ၊ American Music Awards ၁၃ ဆု ၊ Billboard Music Awards ၁၂ ဆု ၊ ဂင်းနစ်ကမ္ဘာ့ စံချိန်တင် ဆုပေါင်း ၆ ဆု အပါအဝင် တခြား ဂီတဆုတံဆိပ်ပေါင်း များစွာကို ရရှိထားတဲ့ ထူးချွန်တဲ့ ဂီတပညာရှင် တစ်ဦး ဖြစ်ပါတယ်။ Fenty Beauty အလှကုန်ပစ္စည်းတွေနဲ့ ဖက်ရှင်လုပ်ငန်းတွေကိုလည်း လုပ်ကိုင်လျက်ရှိပြီး စီးပွားရေး လမ်းကြောင်းပေါ်မှာလည်း အောင်မြင်သူ တစ်ယောက်အဖြစ် လျှောက်လှမ်းလျက် ရှိပါတယ်။ ဒီတစ်ခေါက်မှာတော့ ပရိသတ် အချစ်တော် Rihanna ရဲ့ သီချင်းများစွာထဲကမှ လူကြိုက်အများဆုံး လက်ရွေးစင် သီချင်း ၁၀ ပုဒ်ကို ရွေးချယ်တင်ဆက် ပေးချင်ပါတယ်။
(၁) Diamonds – Rihanna
Source : Rihanna
(၂) Love The Way You Lie – Eminem Ft. Rihanna
Source : Eminem
(၃) This Is What You Came For – Calvin Harris Ft. Rihanna
Source : Calvin Harris
(၄) Wild Thoughts – DJ Khaled Ft. Rihanna, Bryson Tiller
Source : DJ Khaled
(၅) What’s My Name? – Rihanna Ft. Drake
Source : Rihanna
(၆) Umbrella – Rihanna Ft. JAY-Z
Source : Rihanna
(၇) Where Have You Been – Rihanna
Source : Rihanna
(၈) Man Down – Rihanna
Source : Rihanna
(၉) Take Care – Drake Ft. Rihanna
Source : Drake
(၁၀) The Monster(Explicit) – Eminem Ft. Rihanna
Source : Eminem
ဒီ သီချင်း ကောင်းတွေအပြင် Rihanna ရဲ့ လူကြိုက်အများဆုံး သီချင်းကောင်းတွေထဲမှာ Don’t Stop The Music ၊ Pour It Up ၊ Kiss It Better ၊ Bitch Better Have My Money ၊ Needed Me ၊ Don’t Stop the Music ၊ Ne-Yo နဲ့ တွဲဖက်သီဆိုထားတဲ့ Hate That I Love You ၊ Kendrick Lamar နဲ့ တွဲဆိုထားတဲ့ Loyalty ၊ Drake Ft. အနေနဲ့ ပါဝင်သီဆိုပေးထားတဲ့ Work(Explicit) ၊ Kanye West / Paul McCartney တို့နဲ့ တွဲဆိုထားတဲ့ FourFiveSeconds စတဲ့ သီချင်းတွေလည်း ပါဝင်ပါတယ်။ ကွီးတို့ရဲ့ Rihanna သီချင်းကောင်း များစွာထဲက ဘယ်သီချင်းလေးကို အကြိုက်ဆုံး ဖြစ်မလဲ ကွန်းမန့်မှာ ရေးခဲ့ပါဦးနော်။
Featured Photo : Vanity Fair
