အဆီအဆိမ့်များကို မိမိစိတ်ကြိုက် စားသုံးပြီးခါမှ ဗိုက်ကြီး ရွှဲလာလို့ စိတ်ညစ်နေပြီလား။ ဝမ်းဗိုက်အဆီများကို တစ်လအတွင်း ဖယ်ရှားချင်တဲ့ ယောကျာ်းများအတွက် အခုဖော်ပြပေးမယ့် လေ့ကျင့်ခန်းများက ထိရောက်မှုရှိစေမှာပါ။
နေ့စဉ်နေ့တိုင်း မလျော့သောဇွဲနဲ့ တစိုက်မတ်မတ်ပြုလုပ်ပေးမယ်ဆိုရင်တော့ တစ်လကြာတဲ့အခါ ဝမ်းဗိုက်က အဆီပိုများ ပျောက်ကွယ်သွားပါလိမ့်မယ်။
အရင်ဦးဆုံး လေ့ကျင့်ခန်း မပြုလုပ်ခင်မှာ သွေးပူလေ့ကျင့်ခန်းအတွက် ၁၀ မိနစ်အချိန်ပေးပါ။ သွေးပူလေ့ကျင့်ခန်းပြီးသွားတဲ့အခါ လမ်းအမြန်လျှောက်ခြင်း လေ့ကျင့်ခန်းကို ၁၀ မိနစ်ခန့် ထပ်လုပ်ပေးရပါမယ်။ ပြီးသွားရင်တော့ အခုဆက်ဖော်ပြပေးမယ့် လေ့ကျင့်ခန်းများ ဆက်လုပ်ပေးရပါမယ်။
လေ့ကျင့်ခန်း (၁)
Source: Foodspring.com
ခန္ဓာကိုယ်အပေါ်ပိုင်း ကြွလိုက်တဲ့အခါ ဝမ်းဗိုက်ကြွက်သားကို အားပြုကာ ကြွပေးရမှာဖြစ်ပါတယ်။ စုစုပေါင်း ၈ ကြိမ် ၃ ခါ ပြုလုပ်ရပါမယ်။
လေ့ကျင့်ခန်း (၂)
Source: Singes.info
ပုံထဲကအတိုင်း စနစ်တကျနဲ့ နည်းမှန်လမ်းမှန်ပြုလုပ်ပေးဖို့ လိုပါတယ်။ ဒီလေ့ကျင့်ခန်းကိုလည်းပဲ ၈ ကြိမ်၊ ၃ ခါ ပြုလုပ်ရပါမယ်။
လေ့ကျင့်ခန်း (၃)
Source: Gify.com
ပုံပါအတိုင်း ခြေထောက်နှစ်ဖက်ကို တစ်ဖက်ချင်းစီ စည်းချက်ညီညီ လွှဲပေးရမှာဖြစ်ပါတယ်။ ဒီလေ့ကျင့်ခန်းကိုလည်းပဲ ၈ ကြိမ်၊ ၃ ခါ ပြုလုပ်ရပါမယ်။
လေ့ကျင့်ခန်း (၄)
Source: Pinterest.com
ပုံပါအတိုင်း ခန္ဓာကိုယ်အပေါ်ပိုင်းကို ဘယ်လှည့်၊ ညာလှည့် ပြုလုပ်ပေးရပါမယ်။ ဘယ်ညာ တစ်လှည့်စီကို ၈ ကြိမ်၊ ၃ ခါ ပြုလုပ်ရပါမယ်။
လေ့ကျင့်ခန်း (၅)
Source: Pinterest.com
Mountain Climber လို့ခေါ်တဲ့ ဒီလေ့ကျင့်ခန်းကိုတော့ ၁၀ ကြိမ်၊ ၃ ခါ ပြုလုပ်ရပါမယ်။
လေ့ကျင့်ခန်း (၆)
Source: Menshealth.com
ဒီလေ့ကျင့်ခန်းကလည်း စောစောက လေ့ကျင့်ခန်းနဲ့ နည်းနည်းဆင်ပါတယ်။ မတူတဲ့အချက်ကတော့ ခြေထောက်ကို စောစောကလို ရင်ဘတ်ဆီသို့ မဆွဲသွင်းတော့ဘဲ ဘယ်ရွေ့၊ ညာရွေ့ဖြင့် တစ်လှည့်စီ ပြောင်းပေးရမှာပါ။ ဘယ်ညာ တစ်လှည့်စီကို တစ်ကြိမ်လို့ သတ်မှတ်ပြီး စုစုပေါင်း ၁၀ ကြိမ်၊ ၃ ခါ ပြုလုပ်ရပါမယ်။
လေ့ကျင့်ခန်း (၇)
ဒီလေ့ကျင့်ခန်းကတော့ အားလုံးသိပြီးသားလေ့ကျင့်ခန်းတစ်ခုဖြစ်တဲ့ Plank ထောက်ခြင်း လေ့ကျင့်ခန်းပဲဖြစ်ပါတယ်။ တစ်မိနစ်တိတိ Plank ထောက်ပေးရပါမယ်။ တစ်မိနစ်ပြည့်ပါက တစ်မိနစ်နားကာ နောက်ထပ် တစ်မိနစ် ထပ်ထောက်ရပါမယ်။
လေ့ကျင့်ခန်းအားလုံး ပြီးသွားတဲ့အခါမှာတော့ အကြောလျော့လေ့ကျင့်ခန်းကို ၅ မိနစ်တိတိ ပြုလုပ်ပေးရပါမယ်။
Source: Stylecraze.com