“အကြိမ်ကြိမ် ရင်ခုန်မိသော မင်း မျက်ဝန်း၊ ရင်မှာ နှောင်ကြိုးဖွဲ့ မျက်ဝန်း” ဆိုတာကတော့ လွန်ခဲ့တဲ့ ဆယ်စုနှစ် နှစ်စုလောက်မှာ ကျန်ခဲ့ပါပြီ။ ဒီဘက်ခေတ်မှာတော့ အကြည့်နဲ့ မညှို့ယူတော့ပါဘူး။ Six-Pack နဲ့ပဲ ညှို့ယူ မှာပါ။ Six-Pack နဲ့ ညှို့ယူ မှပဲ အဝေးမှုန်တွေအတွက်လည်း အဆင်ပြေမှာ မဟုတ်လား။
အကြည့်နဲ့ မညှို့ဘဲ Six-Pack နဲ့ ညှို့ယူ ချင်တဲ့ ကွီးတို့အတွက် အခုဖော်ပြပေးမယ့် လေ့ကျင့်ခန်းများက ထိရောက်မှု အရှိဆုံးပါပဲ။ ၁၀ မိနစ်ခန့် အချိန်ပေးရုံနဲ့ အဆီပိုတွေ ကင်းဝေးပြီး ဝမ်းဗိုက်ကြွက်သားများနဲ့ ကျစ်လျစ်နေတဲ့ ခန္ဓာကိုယ်ကို ပိုင်ဆိုင်နိုင်မှာပဲ ဖြစ်ပါတယ်။
လေ့ကျင့်ခန်း (၁)
ဒူးနှစ်ဖက်ကို ထောင်ထားကာ ကြမ်းပြင်ပေါ်မှာ လှဲလျောင်းနေပါ။ လက်နှစ်ဖက်ကိုလည်း အပေါ်သို့ ဆန့်တန်းထားပါ။ ထို့နောက် ဝမ်းဗိုက်ကြွက်သားရဲ့ ညှစ်အားကို အသုံးပြုပြီး ခန္ဓာကိုယ် အပေါ်ပိုင်းကို ကြွပေးလိုက်ပါ။ စုစုပေါင်း အကြိမ် ၂၀၊ ၃ ကျော့ ပြုလုပ်ပေးလိုက်ပါ။
လေ့ကျင့်ခန်း (၂)
ဒူးနှစ်ဖက် ထောင်ထားကာ ကြမ်းပြင်ပေါ်မှာ လှဲလျောင်းနေပါ။ လက်နှစ်ဖက်ကို ခန္ဓာကိုယ် ဘေးတစ်ဖက် တစ်ချက်မှာ ချထားပါ။ ထို့နောက် ပုံပါအတိုင်း ခြေထောက်ကို မြှောက်ကာ အပေါ်သို့ ပင့်တင်လိုက်ပါ။
စုစုပေါင်း အကြိမ် ၂၀၊ ၃ ကျော့မှ ၄ ကျော့ ပြုလုပ်ပါ။
လေ့ကျင့်ခန်း (၃)
ဒူးနှစ်ဖက် ထောင်ထားကာ ခြေထောက်အောက်မှာ အလေးတုံး ခံထားလိုက်ပါ။ ထို့နောက် လက်နှစ်ဖက်ကို ရင်အုပ်ပေါ်မှာ တင်ထားလိုက်ပါ။ ထို့နောက် ဝမ်းဗိုက် ညှစ်အား အသုံးပြုကာ ပုံပါအတိုင်း အပေါ်သို့ ကြွတက်လိုက်ပါ။ စုစုပေါင်း ၁၂ ကြိမ်၊ ၄ ကျော့ ပြုလုပ်ရပါမယ်။
လေ့ကျင့်ခန်း (၄)
လက်နှစ်ဖက်ကို အပေါ်သို့ ဆန့်တန်းထားကာ ကြမ်းပြင်ပေါ်မှာ လှဲလျောင်းနေပါ။ ထို့နောက် ခြေထောက်ရော လက်ကိုပါ မြှောက်ရပါမယ်။
လေ့ကျင့်ခန်း (၅)
လက်နှစ်ဖက်ကို အရှေ့သို့ ဆန့်တန်းထားပြီးနောက် ခန္ဓာကိုယ်ကို Plank အနေအထား ပြုလုပ်ကာ ၄၅ စက္ကန့်ခန့် တောင့်ထားရမှာပဲဖြစ်ပါတယ်။
အခုဖော်ပြသွားတဲ့ လေ့ကျင့်ခန်းများကို တစ်ရက်လျှင် ၁၀ မိနစ်၊ တစ်ပတ်လျှင် ၃ ရက်မှ ၄ ရက်ခန့် ဆော့ကစားပေးမယ်ဆိုရင်တော့ ကွီးတို့ရဲ့ ဝမ်းဗိုက်အဆီလေးတွေ ပျောက်ကွယ်သွားပြီး Six-Pack နဲ့ ညှို့ယူ နိုင်မှာပဲဖြစ်ပါတယ်။
ကဲ… ကွီးတို့ရော Six-Pack နဲ့ ညှို့ယူဖို့ ရယ်ဒီပဲလား။
Source: Menshealth
Featured Image: Freepik
