ဟောလိဝုဒ် မင်းသားတွေကိုပဲ ကြည့်ကြည့်၊ ဘောလိဝုဒ် မင်းသား၊ ဒါမှမဟုတ် ကိုရီးယား မင်းသားတွေကိုပဲ ကြည့်ကြည့် Six-Pack လေးတွေနဲ့ဆိုတော့ စကီလေးတွေ ဟတ်ထိ တာ မဆန်းပါဘူး။ Six-Pack က ဘဝကြီးမဟုတ်ပေမယ့် ကွီးတို့ကို ဆွဲဆောင်မှု တိုးစေပြီး စကီလေးတွေ ဟတ်ထိ သွားအောင် ကူညီပေးမှာ အမှန်ပါပဲ။
Six-Pack နဲ့ ကြွက်သားတွေ အမြှောင်းလိုက် ပေါ်အောင် လုပ်ရတာလည်း မခက်ပါဘူး။ ကွီးတို့သာ တစ်စိုက်မတ်မတ်နဲ့ သေသေချာချာလုပ်မယ်ဆိုရင် ရက်သတ္တပတ် (၄) ပတ်တည်းနဲ့တင် ဝမ်းဗိုက်မှာ ကြွက်သားတွေ အမြှောင်းလိုက် ထလာမှာပဲ ဖြစ်ပါတယ်။
လေ့ကျင့်ခန်း (၁)
ခြေထောက်နှစ်ဖက်ကို ပုခုံးအကျယ်ထက် အနည်းငယ် ပိုချဲထားပါ။ ထို့နောက် အလေးတန်းကို ပုံပါအတိုင်း ကိုင်ထားပြီးနောက် တင်ပါး နောက်ပစ်ကာ လေ့ကျင့်ခန်း ပြုလုပ်ရမှာပဲဖြစ်ပါတယ်။
စုစုပေါင်း အကြိမ် ၂၀ မှ ၃၀ အထိ၊ ၃ ကျော့မှ ၄ ကျော့အထိ ပြုလုပ်ရမှာပဲဖြစ်ပါတယ်။ ၁ ကျော့နဲ့ ၁ ကျော့အကြား စက္ကန့် ၃၀ အထိ အနားယူနိုင်ပါတယ်။
လေ့ကျင့်ခန်း (၂)
ကြမ်းပြင်ပေါ်မှာ လက်နှစ်ဖက် ထောက်ထားကာ လေးဖက်ထောက်နေရပါမယ်။ ထို့နောက် ညာဒူးကို ရင်ဘတ်ဆီသို့ ဆွဲယူကာ ဘယ်တံတောင်နဲ့ ထိကပ်ပေးရမှာဖြစ်ပါတယ်။ ထို့နောက် ဘယ်ဒူးကို ညာတံတောင်နဲ့ ထိကပ်ရမှာ ဖြစ်ပါတယ်။
စုစုပေါင်း ၁၅ ကြိမ်၊ ၃ ကျော့မှ ၄ ကျော့အထိ ပြုလုပ်ရမှာ ဖြစ်ပါတယ်။ တဖြည်းဖြည်း ကျွမ်းကျင်လာပါက ၆ ကျော့အထိ ဆော့ကစားပေးရမှာဖြစ်ပါတယ်။
လေ့ကျင့်ခန်း (၃)
ဒီလေ့ကျင့်ခန်းကလည်း စောစောက လေ့ကျင့်ခန်းနဲ့ ဆင်တူပါတယ်။ ဒါပေမဲ့ ဒီတစ်ခေါက်မှာတော့ ကွီးတို့က ဒူးကို အပြင်သို့ ထုတ်ရမှာပဲဖြစ်ပါတယ်။ ညာဒူးကို အပြင်သို့ ကားထုတ်ကာ ညာတံတောင်နဲ့ ထိကပ်ရမှာ ဖြစ်ပါတယ်။ ဘယ်ဒူးကိုလည်း ထိုနည်းအတိုင်းပါပဲ။
စုစုပေါင်း ၁၅ ကြိမ်၊ ၃ ကျော့မှ ၄ ကျော့အထိ ပြုလုပ်ရမှာ ဖြစ်ပါတယ်။ တဖြည်းဖြည်း ကျွမ်းကျင်လာပါက ၆ ကျော့အထိ ဆော့ကစားပေးရမှာဖြစ်ပါတယ်။
လေ့ကျင့်ခန်း (၄)
Source: Gfycat
ဒီလေ့ကျင့်ခန်းကိုတော့ ၁၅ ကြိမ်၊ ၃ ကျော့ (သို့) ၄ ကျော့ ဆော့ကစားရမှာပဲ ဖြစ်ပါတယ်။ တစ်ကျော့နဲ့ တစ်ကျော့ကြားမှာ စက္ကန့် ၃၀ အနားယူနိုင်ပါတယ်။
လေ့ကျင့်ခန်း (၅)
Source: GIPHY
ဒီလေ့ကျင့်ခန်းလေးကတော့ ဝမ်းဗိုက် ကြွက်သားရဲ့ ညှစ်အားကို အသုံးပြုကာ ဘောလုံးကို အရှေ့သို့ ဆွဲယူရမှာပဲဖြစ်ပါတယ်။ စုစုပေါင်း ၁၅ ကြိမ်၊ ၄ ကျော့ ပြုလုပ်ရမှာပဲ ဖြစ်ပါတယ်။
လေ့ကျင့်ခန်း (၆)
ခြေထောက်နှစ်ဖက်ကို စုထားကာ အလေးတန်းကို အပေါ်သို့ မြှောက်ရမှာပဲ ဖြစ်ပါတယ်။ စုစုပေါင်း ၁၀ စက္ကန့်မှ ၁၅ စက္ကန့်အထိ၊ ၃ ကျော့ (သို့) ၄ ကျော့ ပြုလုပ်ရမှာပဲဖြစ်ပါတယ်။
ဝမ်းဗိုက်မှာ ကြွက်သားတွေ အမြှောင်းလိုက် ပေါ်ချင်တယ်ဆိုရင်တော့ အခုဖော်ပြသွားတဲ့ လေ့ကျင့်ခန်းများကို တစ်ပတ်လျှင် ၅ ရက်ခန့် ပြုလုပ်ပေးဖို့ လိုအပ်ပါတယ်။ တနင်္လာ၊ အင်္ဂါ၊ ကြာသပတေး၊ သောကြာ (သို့) စနေ ဆိုပြီး ငါးရက် ဆော့ကစားပေးရမှာပဲဖြစ်ပါတယ်။ တစ်ရက်လျှင် ၄၅ မိနစ်ခန့် ဆော့ကစားပေးဖို့ လိုအပ်ပါတယ်။ ဒါ့အပြင် Workout နားတဲ့ ၂ ရက်ထဲက တစ်ရက်မှာတော့ ပြေးစက်ပေါ်မှာပဲ ဖြစ်ဖြစ် ၄၅ မိနစ်ခန့် လမ်းလျှောက်ပေးဖို့ လိုအပ်ပါတယ်။ (ပြေးစရာ မလိုပါဘူး)
ဒါ့အပြင် ကြာရှည်ခံ အစားအစာများနှင့် အသင့်စား အစားအစာများကို ရှောင်ကြဥ်သင့်ပြီး တစ်နေ့လျှင် ထမင်း (၆) နပ် စားဖို့လိုအပ်ပါတယ်။ (၆) နပ်စားတဲ့အခါ ပမာဏနည်းနည်းနဲ့ ပရိုတင်းဓာတ်ကြွယ်ဝတဲ့ အစားအစာများကို စားသုံးဖို့ လိုအပ်ပါတယ်။ တစ်နေ့လျှင် ၃ နာရီကြားတစ်ခါ၊ ပမာဏ နည်းနည်းချင်းစီ စားသုံးဖို့ လိုအပ်ပါတယ်။ အဆီဓာတ်ကို လျော့စားပြီး ဟင်းသီးဟင်းရွက်များ၊ သစ်သီးဝလံများကိုလည်း စားသုံးဖို့လို အပ်ပါတယ်။
ဒါဆိုရင်တော့ ရက်သတ္တပတ် (၄) ပတ်အတွင်းမှာ ကွီးတို့ရဲ့ Six-Pack တွေ အမြှောင်းလိုက် ပေါ်လာမှာပဲ ဖြစ်ပါတယ်။
Source: Menshealth
Featured Image: Freepik
