အကြောလျော့လေ့ကျင့်ခန်းများသည် လေ့ကျင့်ခန်းပြုလုပ်ပြီးတိုင်း မဖြစ်မနေ ပြုလုပ်သင့်တဲ့ လေ့ကျင့်ခန်းအမျိုးအစားတစ်ခုပဲ ဖြစ်ပါတယ်။ ပြင်းထန်တဲ့ လေ့ကျင့်ခန်းများကြောင့် ပင်ပန်းနွမ်းနယ်နေတဲ့ ကြွက်သားများကို အညောင်းအညာပြေအောင် ကူညီပေးပြီး ကြွက်သားများ နာကျင်ကိုက်ခဲမှုဝေဒနာကိုလည်း လျော့ချပေးနိုင်ပါတယ်။
သင့်အနေနဲ့ အားကစားပြုလုပ်ပြီးတိုင်း ဘယ်လိုအကြောလျော့လေ့ကျင့်ခန်းတွေ ပြုလုပ်ရမလဲမသိဘူးဆိုရင်တော့ အခုဖော်ပြပေးမယ့် အကြောလျော့လေ့ကျင့်ခန်းများကို ပြုလုပ်နိုင်ပါတယ်။
လေ့ကျင့်ခန်း (၁)
အရင်ဦးဆုံး ကြမ်းပြင်ပေါ်တွင် လှဲလျောင်းနေလိုက်ပါ။ ထို့နောက် ပေါင်ကနေ ခြေထောက်အထိကို ကြမ်းပြင်နဲ့ ထိကပ်နေပါစေ။ ထို့နောက် ခန္ဓာကိုယ်အပေါ်ပိုင်းကို တဖြည်းဖြည်းကြွကာ တံတောင်ကို ဆန့်တန်းလိုက်ပါ။
လေ့ကျင့်ခန်း (၂)
ဒူးကွေးထားပြီး ခြေသလုံးပေါ်တွင် ထိုင်ထားပါ။ ထို့နောက် လက်နှစ်ဖက်ကို နောက်ပစ်ပြီးနောက် ပုံပါအတိုင်း တံတောင်ကို ဆန့်တန်းပေးလိုက်ပါ။ ထို့နောက် တင်ပါးနှင့် ရင်အုပ်ကို မြင့်နိုင်သလောက် မြင့်မြင့်မြှောက်ရပါမယ်။
လေ့ကျင့်ခန်း (၃)
ကြမ်းပြင်ပေါ်တွင် ဘေးတစောင်း လှဲလျောင်းနေပါ။ ခြေထောက်တစ်ချောင်းက အခြားတစ်ချောင်းပေါ်တွင် တင်ထားပါ။ ထို့နောက် ခန္ဓာကိုယ်အပေါ်ပိုင်းကို တဖြည်းဖြည်းချင်းကြွကာ အပေါ်မြှောက်နိုင်သလောက် မြှောက်ပေးလိုက်ပါ။
ခန္ဓာကိုယ်ကို အခြားတစ်ဖက်သို့ လှည့်ကာ ဘက်ပြောင်းပြီးလည်း ပြုလုပ်ပေးဖို့လိုအပ်ပါတယ်။
လေ့ကျင့်ခန်း (၄)
လက်နှစ်ဖက်ကို ပုံပါအတိုင်း စုထားပြီးနောက် ခန္ဓာကိုယ်အရှေ့ဘက်သို့ ဆန့်တန်းလိုက်ပါ။ တစ်ချိန်တည်းမှာပဲ မေးစေ့ကို ရင်ဘတ်ဆီသို့ ထိကပ်ပေးရမှာဖြစ်ပါတယ်။
လေ့ကျင့်ခန်း (၅)
လက်နှစ်ဖက်က ရင်ညွှန့်ပေါ်တွင် တင်ထားပါ။ ထိုပနောက် အသက်ကို ဖြည်းဖြည်းချင်း ရှူသွင်းရှူထုတ်ပြုလုပ်ပြီးနောက် မျက်နှာကို မျက်နှာကျက်ပေါ်သို့ မော့ကြည့်ပေးလိုက်ပါ။
လေ့ကျင့်ခန်း (၆)
ခန္ဓာကိုယ်ကို ပြတင်းပေါက်ဘောင် (သို့) ကုတင်လက်ကိုင်ကို အသုံးပြုပြီး ပုံပါအတိုင်း တစ်ဖက်ခြမ်းသို့ စောင်းပေးရမှာဖြစ်ပါတယ်။ ခန္ဓာကိုယ်ကို ဟိုဘက် ဒီဘက် မျှခြေဖြစ်အောင် ပြောင်းလုပ်ပေးဖို့လည်း လိုပါတယ်။
အထက်ဖော်ပြပါ လေ့ကျင့်ခန်းတစ်ခုစီကို စက္ကန့် ၃၀ ပြုလုပ်ပေးရပါမယ်။ ထို့နောက် လေ့ကျင့်ခန်းအစအဆုံးကို ၃ ကျော့စီ ပြုလုပ်ပေးလိုက်ပါ။ ဒါဆိုရင်တော့ သင့်ကြွက်သားများ အကြောအချဉ်ပြေသွားပြီး နာကျင်ကိုက်ခဲမှု လျော့နည်းသွားပါလိမ့်မယ်။
Source: Mensjournal.com
Featured Image Source: Gpdshop