ဝမ်းဗိုက်ပေါ်တွင် ကြွက်သားများနဲ့ ကြည့်ကောင်းပြီး ဗလတောင့်ချင်ပါသလား။ Six-Pack ထွက်ပြီး ကြည့်ကောင်းကာ ဆွဲဆောင်မှုရှိချင်တာကတော့ ယောကျာ်းများအတွက် အိပ်မက်တစ်ခုလိုပါပဲ။ Six-Pack ထွက်စေမယ့် လေ့ကျင့်ခန်းများကို မပျက်မကွက်နဲ့ မှန်မှန်ပြုလုပ်ပေးနိုင်မှာဖြစ်မှာပါ။
အခုဖော်ပြပေးမယ့် လေ့ကျင့်ခန်းများကို Gym သွားစရာမလိုဘဲ မိမိ အိမ်မှာ ပြုလုပ်ပေးရုံမျှဖြင့် တစ်လကြာတဲ့အခါ Six-Pack များ ထွက်လာပါလိမ့်မယ်။
လေ့ကျင့်ခန်း (၁)
Photo: Pinterest.com
အရင်ဦးဆုံး ဒိုက်ထိုးမယ့်အနေအထားဖြင့် အသင့်ပြင်ထားပါ။ ထို့နောက် တံတောင်ကို ကွေးချလိုက်တဲ့အခါ ညာဒူးကို ဘေးသို့ ကားထုတ်လိုက်ပါ။ မူလအနေအထားအတိုင်း ပြန်နေပါ။ ဘယ်ညာ တစ်လှည့်စီပြုလုပ်လိုက်ပါ။ ၁၅ ကြိမ် ပြုလုပ်ရပါမယ်။
လေ့ကျင့်ခန်း (၂)
Photo: Gfycat.com
အရင်ဦးဆုံး ဘားတန်းပေါ်မှာ ခန္ဓာကိုယ်ကို တွဲလဲခိုထားပါ။ ထို့နောက် ပုံပါအတိုင်း ခြေထောက်နှစ်ဖက်ကို ပြိုင်တူမတင်လိုက်ပါ။ ၁၅ ကြိမ် ပြုလုပ်ရပါမယ်။
လေ့ကျင့်ခန်း (၃)
ဒူးနှစ်ဖက်ကို ကွေးထားပြီး လက်နှစ်ဖက်ကို ဦးခေါင်းအပေါ်သို့ ဆန့်တန်းထားပါ။ ထို့နောက် ခန္ဓာကိုယ်အပေါ်ပိုင်းကို ဝမ်းဗိုက်ကြွက်သား ညှစ်ပြီး အပေါ်သို့ ကြွလိုက်ပါ။ အကြိမ် ၂၀ ပြုလုပ်ရပါမယ်။
လေ့ကျင့်ခန်း (၄)
ခန္ဓာကိုယ်ကို ပုံပါအတိုင်း ဘေးတစောင်း လှဲလျောင်းနေပါ။ ထို့နောက် ညာခြေကို ကြွလိုက်ပြီး ခန္ဓာကိုယ်အပေါ်ပိုင်းကိုလည်း ကြွပေးလိုက်ပါ။ ၁၅ ကြိမ် ပြုလုပ်ရပါမယ်။
၁၅ ကြိမ်ပြည့်ပါက ခန္ဓာကိုယ်ကို အခြားတစ်ဖက်သို့ ဘေးတစောင်းလှဲလျောင်းကာ ထိုနည်းအတိုင်း ၁၅ ကြိမ် ပြုလုပ်ရပါမယ်။
လေ့ကျင့်ခန်း (၅)
ခန္ဓာကိုယ်ကို ကြမ်းပြင်ပေါ်မှာ လှဲလျောင်းထားပြီးနောက် ဒူးနှစ်ဖက်ကိုတော့ ၉၀ ဒီဂရီ မတင်ထားပါ။ လက်နှစ်ဖက်ကို ဦးခေါင်းဖြင့် ထိကပ်ထားလိုက်ပါ။ ထို့နောက် ခြေထောက်ကို စက်ဘီးစီးသကဲ့သို့ ရှေ့တိုးနောက်ဆုတ်ပြုလုပ်ရပါမယ်။ ညာဒူးကို ရှေ့တိုးတဲ့အခါ ဘယ်တံတောင်ဖြင့် ထိကပ်လိုက်ပါ။ ဘယ်ဒူးကို ရှေ့တိုးတဲ့အခါ ညာတံတောင်ဖြင့် ထိကပ်ပေးလိုက်ပါ။
ဘယ်ညာတစ်လှည့်စီကို စုစုပေါင်း အကြိမ် ၂၀ ပြုလုပ်ရပါမယ်။
လေ့ကျင့်ခန်း (၆)
ဒူးခေါင်းကို အနည်းငယ် ကွေးထားပြီး ခန္ဓာကိုယ်ကို ကြမ်းပြင်းပေါ်မှာ လှဲလျောင်းထားပါ။ ထို့နောက် အလေးတုံး (သို့) သဲအိတ်ကို ပုံပါအတိုင်း ကိုင်ထားပါ။ အိပ်ထမတင် လေ့ကျင့်ခန်းကို ပြုလုပ်ပေးရမှာဖြစ်ပါတယ်။ ခန္ဓာကိုယ်ကို အပေါ်သို့ ကြွတဲ့အခါ လည်ပင်းကြွက်သား အသုံးမပြုမိစေဘဲ ဝမ်းဗိုက်ကြွက်သားကို ညှစ်ပြီး ပြုလုပ်ပေးရပါမယ်။ နို့မဟုတ် လည်ပင်းနာတတ်ပါတယ်။
ဒီလေ့ကျင့်ခန်းကိုတော့ စုစုပေါင်း အကြိမ် ၂၀ ပြုလုပ်ရပါမယ်။
လေ့ကျင့်ခန်း (၇)
ဒီလေ့ကျင့်ခန်းကတော့ Plank ထောက်တဲ့လေ့ကျင့်ခန်းဖြစ်ပြီး ပုံပါအနေအထားအတိုင်း ၁ မိနစ်ခန့် တောင့်ထားပေးရပါမယ်။
လေ့ကျင့်ခန်း (၈)
ပုံပါအတိုင်း ဘယ်တံတောင်ကို ထောက်ထားပြီး ၁ မိနစ်ခန့် တောင့်ထားပါ။ တစ်မိနစ်ပြည့်တာနဲ့ ခန္ဓာကိုယ်ကို အခြားတစ်ဖက်သို့ လှည့်ကာ ညာတံတောင်ထောက်ပြီး ၁ မိနစ်ခန့် တောင့်ထားပါ။
လေ့ကျင့်ခန်း (၁) ကနေ (၈) အထိ အားလုံးပြီးသွားတဲ့အခါ မိနစ်အနည်းငယ်ခန့် အနားယူပါ။ ထို့နောက် အစကနေ အဆုံးကို နောက်ထပ် ၂ ကြိမ်ခန့် ထပ်လုပ်ပေးရပါမယ်။
Source: Menshealth.com