အသက်ကြီးလာတဲ့အခါ ခါးတစ်ဝိုက် အဆီစုဝေးလာပြီး ဗိုက်ခေါက်ထူထူကြီးတွေနဲ့ ရုပ်ဆိုးလာတတ်ပါတယ်။ Lifestyle ဂရုမစိုက်ရင်တော့ အသက်ငယ်ငယ်လေးနဲ့ ဗိုက်အဆီတွေ စုပြီး ကြည့်ရဆိုးလာတတ်ပါတယ်။ Belly Fat များလာရင် သွေးတိုးတာ ၊ ကိုလက်စထရောမြင့်တာ ၊ ဆီးချိုသွေးချို ဖြစ်နိုင်တာ ၊ အသက်ရှုရခက်တာ နဲ့ နှလုံးရောဂါမျိုး တွေ ဝင်တတ်ပါတယ်။ ဒါကြောင့် Belly Fat မတက်အောင် ကူညီပေးနိုင်တဲ့ ကိုယ်လက်လေ့ကျင့်ခန်းလေးတွေအကြောင်း ပြောပြပေးလိုက်ပါတယ်။

(၁) Cardio Exercise

Cardio

Photo: Unsplash

 

Cardio ကို အေရိုးဗစ်ကစားတာလို့လည်း ခေါ်ကြပါတယ်။ Cardio ထဲမှာ ခပ်သွက်သွက်လမ်းလျှောက်တာ ၊ ပြေးတာ ၊ စက်ဘီးစီးတာ ၊ တောင်တက်/ရေကူး/လှေလှော်/အဖွဲ့လိုက်ကခုန်လှုပ်ရှားတာတွေ ပါဝင်ပါတယ်။ တစ်ရက်ကို နာရီဝက်လောက် အနည်းဆုံး ပုံမှန်လှုပ်ရှားပေးမယ်ဆိုရင် ဗိုက်အဆီနဲ့ အသည်းအဆီတွေကို သိသိသာသာ လျှော့ချပေးနိုင်ပါတယ်။

(၂) Interval Training

Man Weight Lifting

Photo; Unsplash

HIIT (High-Intensity Interval Training) လို့လည်း ခေါ်တဲ့ Interval Training ဟာ ခပ်ပြင်းပြင်းလှုပ်ရှားရတဲ့လေ့ကျင့်ခန်းတွေနဲ့ အပေါ့စားလေ့ကျင့်ခန်းတွေ ရောစပ်ပြီး ကစားတဲ့လေ့ကျင့်ခန်းဖြစ်ပါတယ်။ HIIT Exercises တွေဟာ ကိုယ်အလေးချိန်ထိန်းချုပ်ဖို့ ဗိုက်အဆီကို လျှော့ချပေးပြီး ရုပ်ပိုင်းကျန်းမာရေးတွေ တိုးတက်စေနိုင်တယ်လို့ သုတေသနတွေက ဆိုပါတယ်။
Interval Training တစ်ခုမှာ ဒိုက်ထိုး ၊ တန်းခို ၊ Squat ထိုင် ၊ Deadlift မ, နဲ့ Loaded Carries ကစားတာတွေ ပါပါတယ်။ ပုံမှန်ဆို ခပ်ပြင်းပြင်း လှုပ်ရှားမှုကို စက္ကန့် ၃၀ လုပ်ပြီးရင် စက္ကန့် ၃၀ နားပေးရတာပါ။ သူ့ အကြိမ်ရေ အပတ်ရေနဲ့သူ ဆော့ရတာ ဖြစ်လို့ နားချိန်လည်း သိပ်ယူလို့ မရပါဘူး။

(၃) ဗိုက်လေ့ကျင့်ခန်း

push up

Photo: Unsplash

အဆီအများစုက ခါးမှာ စုနေတာ ဖြစ်လို့ ဝမ်းဗိုက်နဲ့ ခါးက အဆီတွေ ချဖို့အတွက် Abdominal Exercises လေးတွေ လုပ်ပေးဖို့ လိုပါတယ်။ ကျား/မ မရွေး လုပ်နိုင်တဲ့ ဗိုက်လေ့ကျင့်ခန်းတွေက စက္ကန့် ၆၀ ကြာ Plank ထောက်တာ ၊ စက်ဘီးစီးသလိုမျိုး ခြေထောက်ကစားတဲ့ Bicycle Crunches လုပ်တာ ၊ Abdominal Crunches လုပ်တာနဲ့ ခြေမြှောက် Leg Lifts လုပ်တာတွေပါပဲ။

(၄) Weight Training

Weight Lifting

Photo:Unsplash

Belly Fat တွေ လောင်ကျွမ်းဖို့ Weight Training ကစားပေးဖို့လည်း လိုပါတယ်။ ကြွက်သားတွေက ကယ်လိုရီတွေ Burn တာ ဖြစ်လို့ အဆီကျဖို့ Muscle Tone တက်အောင် ကစားရမှာပါ။ Weight Training ကစားတာဟာ အဆီကို ကျစေပြီး ဇီဝကမ္မဖြစ်စဉ်ကို ပိုအားပေးနိုင်ပါတယ်။ ပေါ့ပေါ့ပါးပါး ၅ ပေါင် ၊ ၈ ပေါင် လောက် Weight Lift ကနေ စပြီး ဖြည်းဖြည်းချင်း တိုးမ, သွားသင့်ပါတယ်။

Featured Photo: muscleandfitness