Triceps ကြွက်သားတွေ အမှန်အကန် ဖုထစ်နေဖို့ ဒါတွေလုပ်

Triceps ကြွက်သားတွေဆိုတာ ကျွန်တော်တို့ရဲ့ Upper ဘော်ဒီမှာ အရေးပါဆုံး ကြွက်သားအစိတ်အပိုင်းတွေထဲက တစ်ခုပါပဲ။ တောင့်တင်းသန်မာတဲ့ လက်မောင်းကြွက်သားတွေကို ပိုင်ဆိုင်ချင်တယ်ဆိုရင် Triceps ကြွက်သားတွေကို အလေးထား ကစားပေးဖို့ လိုပါတယ်။ ဒီဆောင်းပါးလေးမှာတော့ Triceps ကြွက်သားတွေ အမှန်အကန် ဖုထစ်နေဖို့ ထိရောက်တဲ့ လေ့ကျင့်ခန်း အချို့ကို မျှဝေပေးချင်ပါတယ်။

(၁) Waiter’s Walk

Source : Strong Made Simple

Waiter’s Walk လေ့ကျင့်ခန်းက Triceps ကြွက်သားတွေကို အဓိကသန်မာစေတဲ့အပြင် လက်မောင်းကြွက်သား အားလုံးရဲ့တည်ငြိမ်မှုကိုလည်း တိုးစေပါတယ်။ Dumbbell ဒါမှမဟုတ် Kettlebell နဲ့ ကစားနိုင်ပါတယ်။

(၂) Band Triceps Pushdown

Source : Onnit Academy

ဒီလေ့ကျင့်ခန်း ကစားဖို့အတွက် Resistance-Band ကြိုးတစ်ချောင်း လိုပါတယ်။ Resistance-Band နဲ့ Triceps Pushdown ဆွဲရမှာပါ။ စက်တွေနဲ့ ကစားတဲ့နည်းတူ Triceps ကြွက်သားတွေကို ကျစ်လစ်သန်မာစေဖို့ ကူညီပေးနိုင်ပါတယ်။

(၃) Single Arm Dumbbell Tricep Kickback

Source : Functional Bodybuilding

Dumbbell ကို အသုံးပြုပြီး ကစားပေးရမှာ ဖြစ်ပါတယ်။ Tricep ကြွက်သားတွေကို ကျစ်လစ်သန်မာလာစေဖို့ ဒီလေ့ကျင့်ခန်းက အများကြီး ကူညီပေးနိုင်ပါတယ်။ လက်ကိုဘယ်ညာပြောင်းလဲပြီး ကစားပေးပါ။

(၄) Close-Grip Pushup

Source : Mike | J2FIT Strength & Conditioning

Close-Grip Pushup လေ့ကျင့်ခန်းက Tricep ကြွက်သားတွေနဲ့ ရင်အုပ်ကြွက်သားတွေကို ထိရောက်မှုရှိစေတဲ့ လေ့ကျင့်ခန်းတစ်ခု ဖြစ်ပါတယ်။ ပခုံးအကျယ်ထက် လက်ကိုပိုကျဉ်းပြီး တံတောင်ဆစ်တွေကို ခန္ဓာကိုယ်နဲ့ ကပ်ကာ ဒိုက်ထိုးပေးရမှာပါ။

(၅) Dip

Photo : Mens Journal

Dip လေ့ကျင့်ခန်းက ရိုးရှင်းပေမယ့် Tricep ကြွက်သားတွေကို အမှန်အကန် ထိရောက်မှုရှိစေပါတယ်။ ဒါ့အပြင် ရင်အုပ်ကြွက်သား ၊ ပခုံးနဲ့ နောက်ကျောကြွက်သားတွေကိုလည်း ထိရောက်မှုရှိစေတဲ့ လေ့ကျင့်ခန်းတစ်ခု ဖြစ်ပါတယ်။

Featured Photo : Healthkart