အခုလို ကပ်ဘေးကာလမှာ Gym သွားမှ Workout လုပ်ဖြစ်မယ်ဆို လုပ်ဖြစ်တော့မှာ မဟုတ်ပါဘူး။ COVID-19 ကူးစက်မှုမြင့်တက်လာခြင်းနဲ့အတူ လူတွေရဲ့ ပုံမှန်နေမှုဘဝတွေဟာ အရင်ကနဲ့မတူ ပြောင်းလဲလာပြီ ဖြစ်သလို ကျန်းမာရေးအရ ကိုယ်လက်လှုပ်ရှားတာတွေလည်း ကိုယ့်အိမ်ထဲမှာပဲ ကြံဖန်နည်းလမ်းရှာ လုပ်ဆောင်လာကြပါတယ်။
ကိုယ်လက်ကြံ့ခိုင်ရေးလေ့ကျင့်ပေးတဲ့ ထရိန်နာတွေကလည်း အိမ်မှာနေရင်း ကျန်းမာရေးနဲ့ ညီညွတ်တဲ့ နေထိုင်မှုတွေအကြောင်း မျှဝေလာပါတယ်။ ဒီထဲက ကျန်းမာရေးနဲ့ မညီညွတ်တဲ့ ပိုလျှံ ကယ်လိုရီတွေ လောင်ကျွမ်းအောင် အိမ်မှာတင် လုပ်ဆောင်နိုင်မယ့် နည်းလေးတွေလည်း ပါဝင်ပါတယ်။
(၁) Bodyweight လေ့ကျင့်ခန်းတွေ လုပ်ပါ
Photo: Unsplash
Muscle ပိုများလာသူတွေဟာ ကယ်လိုရီတွေ ပိုလောင်ကျွမ်းနိုင်ဖို့ အလားအလာရှိပါတယ်။ ဒီလိုပြောလို့ ကယ်လိုရီလောင်ကျွမ်းမှု ပိုများအောင် Weight တင်ရမယ်လို့ ဆိုတာ မဟုတ်ပါဘူး။ Weight Training ကစားပြီး Muscle Mass နဲ့ Tissue တွေ တည်ဆောက်ခြင်းအားဖြင့် ကယ်လိုရီတွေ ပိုလောင်ကျွမ်းနိုင်အောင် လုပ်နိုင်ပါတယ်။
အိမ်မှာ Weight ကစားနိုင်တဲ့ Dumbbells ၊ Kettlebells နဲ့ Rope Balls လေးတွေလို Equipment လေးတွေ ထားပြီး Bodyweight Training လုပ်ခြင်းအားဖြင့် ကယ်လိုရီတွေ ချနိုင်ပါတယ်။ Bodyweights Workout မှာ ဝိတ်တင်ကစားခြင်းအားဖြင့် ပုံမှန်ထက် ကယ်လိုရီ ၈-၂၅% ပိုလောင်ကျွမ်းအောင် လျှော့ချနိုင်ပါတယ်။
Bodyweight Workout အပြင် တခြား Muscle Groups တွေ တစ်ခုထက်မက အသုံးပြုနိုင်တဲ့ ဒိုက်ထိုး ၊ အိပ်ထမ,တင် ၊ Pulls-Up ၊ Bench Press နဲ့ Deadlift စတဲ့ Compound Exercise လှုပ်ရှားမှုတွေပါ ထည့်ကစားပေးဖို့လည်း မမေ့သင့်ပါဘူး။ ဒီလို မျှပြီး Workout ကစားခြင်းအားဖြင့် Body Mass ကျစ်လျစ်မှုမြင့်မားပြီး ကိုယ်ခန္ဓာက မလိုတဲ့ အဆီတွေ လျှော့ချနိုင်မှာပါ။
(၂) ရေများများသောက်ပါ
Photo: Unsplash
ရေသောက်သုံးမှုကလည်း ကယ်လိုရီလျှော့ချမှုကို အများကြီး အထောက်အကူပြုပါတယ်။ ရေအေးအေးလီတာဝက်လောက် သောက်သုံးခြင်းအားဖြင့် ၁၀ မိနစ်အတွင်း ဇီဝကမ္မဖြစ်စဉ် ၃၀ ကနေ ၄၀% ပိုတိုးမြင့်စေသလို ကယ်လိုရီကိုလည်း ပိုပြီး လွယ်လွယ်ကူကူ လောင်ကျွမ်းစေပါတယ်။ အားကစားမလုပ်ခင်နဲ့ လုပ်ပြီးချိန်မှာ ရေအေးအေး သောက်ပေးခြင်းဟာ ကိုယ်တွင်းအပူချိန်လျှော့ချပေးပြီး စွမ်းအင်ကို ပိုတက်လာစေတဲ့အပြင် ကယ်လိုရီလောင်ကျွမ်းမှုကိုလည်း အမြင့်ဆုံးရောက်စေပါတယ်။
(၃) အနားယူတဲ့ပုံစံ ကန့်သတ်ပါ
Photo: Unsplash
ကယ်လိုရီလောင်ကျွမ်းတာက နှလုံးခုန်နှုန်းကို မြင့်စေပါတယ်။ ပုံမှန်နှုန်းလေးနဲ့ အားကစားလုပ်နေရင် အားစိုက်မှုကလည်း အသင့်အတင့်ပဲ ဖြစ်နေတာကြောင့် နှလုံးခုန်နှုန်းက သိပ်မမြင့်သေးပါဘူး။ သိပ်အနားမထားဘဲ ခပ်ပြင်းပြင်း ကစားတဲ့ HIIT Training တွေမှာဆို ကယ်လိုရီလောင်ကျွမ်းတာ ပိုမြင့်ပါတယ်။ အားကစားတွေ တစ်ခါလုပ်ပြီး ခပ်ကြာကြာ အနားယူတာထက် အနားယူချိန် လျှော့ပြီး အနားယူရာမှာ စက္ကန့် ၃၀ ကနေ အများဆုံး စက္ကန့် ၆၀ အထိပဲ အချိန်ယူနားတာမျိုးလုပ်တာက ပိုထိရောက်ပါတယ်။
Featured Photo: Popular Science