အားကစားလုပ်ပြီး စားသောက်တဲ့ပုံစံကလည်း အရေးကြီးပါတယ်။ Workout ကစားနေချိန်မှာ ခန္ဓာကိုယ်ဟာ လောင်စာအတွက် Glycogen သိုလှောင်မှုကို သုံးပါတယ်။ အကျိုးဆက်ကတော့ ကြွက်သားထဲမှာ Glycogen တွေ သိသိသာသာ လျော့ပါးသွားတာပါပဲ။ နောက်ပြီး ကြွက်သားထဲက ပရိုတိန်းတချို့လည်း ပြိုကွဲပျက်စီးသွားပါတယ်။ အားကစားလုပ်ပြီးတဲ့နောက်မှာ ခန္ဓာကိုယ်ဟာ သူ့ရဲ့ Glycogen Stores တွေကို ပြန်တည်ဆောက်ပြီး ကြွက်သားပရိုတိန်းတွေကို ပြန်လည် သန်စွမ်းအောင် ပြုပြင်ပေးပါတယ်။

Photo: Freepik

ဒါကြောင့် ကိုယ်လက်လှုပ်ရှားအားကစားလုပ်ပြီးတိုင်း ကိုယ်ခန္ဓာအတွက် လုံလောက်မှန်ကန်တဲ့ အစားအသောက်မျိုး စားပေးဖို့ လိုတာ ဖြစ်ပါတယ်။ ဒီလို မှန်ကန်မျှတတဲ့အစားအသောက်တွေ စားပေးခြင်းအားဖြင့် ကြွက်သားပရိုတိန်း ပြိုကွဲမှု လျော့ကျစေပြီး ပရိုတိန်းကြီးထွားဖွဲ့စည်းမှု ပိုတိုးတက်စေပါတယ်။ Glycogen Store တွေ ပြန်ဖြည့်တင်းပေးပြီး အမြန်အားဖြစ်နိုင်ပါတယ်။

ဘာတွေ စားပေးသင့်သလဲဆိုရင် ပရိုတိန်း ၊ ကာဗွန်ဟိုက်ဒရိတ် နဲ့ အဆီပါပဲ။ Macronutrients တွေလို့လည်း ခေါ်ပါတယ်။ ခန္ဓာကိုယ်ကို Workout ကစားအပြီး Recovery ဖြစ်ရေးအတွက် လိုအပ်တဲ့ အာဟာရဓါတ်တွေလည်း ဖြစ်ပါတယ်။ ပရိုတိန်းဟာ ကြွက်သား ပြန်လည်ပြုပြင် တည်ဆောက်ဖို့ ကူညီပေးပါတယ်။ ဒါကြောင့် အားကစားလုပ်ပြီးနောက် ပြိုကွဲသွားတဲ့ ပရိုတိန်းတွေကို ပြန်တည်ဆောက်ဖို့ ကိုယ်အလေးချိန်ပေါ် လိုက်ပြီး ပရိုတိန်း စားပေးသင့်ပါတယ်။ ကိုယ်အလေးချိန်တစ်ပေါင်မှာ ပရိုတိန်း ၀.၁၄ ကနေ ၀.၂၃ ပေါင်အတွင်း စားပေးသင့်ပါတယ်။

ကာဗွန်ဟိုက်ဒရိတ်ကိုတော့ ကိုယ်အလေးချိန် တစ်ပေါင်မှာ ၀.၅ ဂရမ်ကနေ ၀.၇ ဂရမ်အတွင်း စားပေးသင့်ပါတယ်။ Glycogen ပြန်လည်ဖွဲ့စုမှုအတွက် အားကစားလုပ်ပြီးနောက် မိနစ် ၃၀ အတွင်း စားပေးနိုင်ပါတယ်။ Glycogen ဖွဲ့စည်းမှု မြှင့်တင်ဖို့အတွက် ကာဗွန်ဟိုက်ဒရိတ်နဲ့ ပရိုတိန်းကို တချိန်တည်း တွဲစားပေးသင့်ပါတယ်။ အားကစားလုပ်ပြီးနောက် ပရိုတိန်းနဲ့ Glycogen စုဖွဲ့မှုကို ပိုမြှင့်တင်နိုင်ဖို့ ဖြစ်ပါတယ်။

Photo: Freepik

အချိုးအနေနဲ့ ကာဗွန်ဟိုက်ဒရိတ်နဲ့ ပရိုတိန်းဟာ ၃:၂ ဖြစ်သင့်ပါတယ်။ ကာဗွန်ဟိုက်ဒရိတ် ဂရမ် ၁၂၀ မှာ ပရိုတိန်း ၄၀ ဂရမ် စားပေးဖို့ လိုပါတယ်။ အဆီဆိုတဲ့ နေရာမှာ မလိုင်ဖတ်တွေ ဖယ်ထားတဲ့ Whole Milk က ကြွက်သားကြီးထွားရေးအတွက် ပိုပြီး ထိရောက်မှုရှိတယ်လို့ ဆိုပါတယ်။ အားကစားလုပ်ပြီးနောက် ဘယ်အချိန် စားရမလဲဆိုတာနဲ့ ပတ်သက်လို့ ကျွမ်းကျင်သူအများစုကတော့ Workout အပြီး ၄၅ မိနစ်အတွင်း စားပေးဖို့လည်း အကြံပြုထားပါတယ်။