ကိုယ် လိုချင်တဲ့ ခန္ဓာကိုယ် အနေအထား Body Goal ကို ရရှိဖို့အတွက် လေ့ကျင့်ခန်း ပြုလုပ်ဖို့လိုအပ်ပြီး တစ်စိုက်မတ်မတ်နဲ့ လေ့ကျင့်ခန်းပြုလုပ်နိုင်ဖို့လည်း လိုအပ်ပါသေးတယ်။ လေ့ကျင့်ခန်း ပြုလုပ်တဲ့အခါမှာလည်း နည်းလမ်းလမ်းမှန်နဲ့ လေ့ကျင့်ခန်း ပြုလုပ်ဖို့ လိုအပ်ပါတယ်။ ဒါမှသာလျှင် ထိရောက်မှုရှိပြီး ကွီးတို့ လိုချင်တဲ့ ခန္ဓာကိုယ် အချိုးအစားကို ရရှိမှာပါ။ တကယ်လို့သာ Workout အလွဲ တွေကို ပြုလုပ်နေမိရင်တော့ အချိန်ကုန်၊ လူပင်ပန်းတာပဲ အဖတ်တင်ပါလိမ့်မယ်။ ပြီးတော့ ကိုယ် လိုချင်တဲ့ ရလာဒ်ကို မမြင်ရတဲ့အခါ စိတ်ဓာတ်ကျသွားပြီး လေ့ကျင့်ခန်း ပြုလုပ်ချင်စိတ်လည်း ကုန်သွားပါလိမ့်မယ်။
လေ့ကျင့်ခန်း ပြုလုပ်တဲ့အခါ ရှောင်ကြဥ်ရမယ့် Workout အလွဲ လေးတွေကတော့…
Biceps Curl ပြုလုပ်တဲ့အခါ
ပုံအမှားကို ကြည့်လိုက်ပါ။ လက်မောင်းကွေးလိုက်တိုင်း ဒူးက လိုက်ကွေးညွှတ်နေပြီး ခါးကလည်း ကော့ပြီး ခန္ဓာကိုယ် အပေါ်ပိုင်းကို အနောက်ကို သိသိသာသာ ယိုင်သွားတာတွေ့ရပါလိမ့်မယ်။ ကွီးတို့သာ အဲ့ဒီလိုမျိုး ပြုလုပ်နေမိရင် ရပ်တန်းက ရပ်လိုက်ပါတော့။
နည်းစနစ်အမှန်ကတော့
ခြေထောက်နှစ်ဖက်ကို ပုခုံးအနေအထားအတိုင်း ချဲထားပါ။ ညာဘက်လက်ကွေးတဲ့အခါ ဘယ်ဘက်လေးက ခန္ဓာကိုယ် ဘေးနားက ဒီအတိုင်းလေးပဲ ငြိမ်ထားပါ။ ဒူးကိုလည်း လိုက်မကွေးပါနဲ့။ လက်မောင်း ကြွက်သား အသုံးပြုကာ တံတောင်ကိုပဲ ကွေးလိုက် ဆန့်လိုက် ပြုလုပ်ရမှာပါ။
Dip လေ့ကျင့်ခန်း ပြုလုပ်တဲ့အခါ
တံတောင်ကို ကွေးလိုက်တဲ့အချိန်မှာ တံတောင်က ၉၀ ဒီဂရီဖြစ်မနေတာကို ကွီးတို့ တွေ့ပါလိမ့်မယ်။ ဒါကတော့ တော်တော်များများ ပြုလုပ်နေကြတဲ့ အမှားတစ်ခုပဲဖြစ်ပါတယ်။
နည်းစနစ်အမှန်ကတော့
တံတောင်ကို ဆန့်တန်းပြီးနောက် ပြန်ကွေးလိုက်တဲ့အခါ ၉၀ ဒီဂရီဖြစ်နေရမှာပဲ ဖြစ်ပါတယ်။ လက်မောင်းအားကိုသာ အသုံးပြုရမှာဖြစ်ပါတယ်။ တံတောင်အားကို အသုံးမပြုရပါဘူး။
Pull-Up ပြုလုပ်တဲ့အခါ
ပုံအမှားနဲ့ ပုံအမှန်ကို ယှဥ်ကြည့်လိုက်ပါ။ ကွီးတို့ ခြေထောက်နှစ်ဖက်သည် ဆန့်တန်းထားရမှာပါ။ ပုံအမှားထဲကလိုမျိုး ဖားပျံကြီးလို ကားကားကြီး ဖြစ်မနေရပါဘူး။
Overhead Dumbbell Press ပြုလုပ်တဲ့အခါ
ဒီပုံထဲက အမှား (၃) ခုရှိပါတယ်။ ပထမတစ်ခုကတော့ အလေးတုံး အပေါ်ပင့်တင်တဲ့အခါ ခါးကော့နေခြင်း၊ နောက်တစ်ခုကတော့ အလေးတုံး နှစ်တုံးက မျဥ်းပြိုင်လို ဖြစ်မနေဘဲ ထိပ်နှစ်ခု စုဆုံနေခြင်း၊ နောက်ဆုံးအချက်ကတော့ ခြေဖျားထောက်ထားခြင်းတို့ပဲ ဖြစ်ပါတယ်။ ကွီးတို့ Overhead Dumbbell Press ပြုလုပ်တဲ့အခါ ဒီ Workout အလွဲ တွေကို မလုပ်မိပါစေနဲ့။
နည်းစနစ်အမှန်ကတော့
ခြေဖျားကို ကြမ်းပြင်နဲ့ ထိကပ်ထားပါ။ ခါးကို မတ်မတ်ထားပါ။ အလေးတုံးနှစ်တုံးကို မျဥ်းပြိုင်ပုံသဏ္ဍာန် အပေါ်သို့ ဆွဲတင်လိုက်ပါ။
Squat ထိုင်တဲ့အခါ
ပုံထဲကလို ခြေဖျား ထောက်ထားလျက်သားဖြစ်နေမယ်ဆိုရင် မှားနေပါတယ်။ ခြေထောက်က ကြမ်းပြင်နဲ့ ထိထားပါရဲ့၊ ဒါပေမဲ့ ခါးက အရှေ့ကို ကုန်းကုန်းကြီး ဖြစ်နေရင်လည်း မမှန်ပါဘူး။
နည်းစနစ်အမှန်ကတော့
ခါးကို တစ်ဖြောင့်တည်းထားပါ။ ခြေထောက်နဲ့ ကြမ်းပြင်နဲ့ ထိကပ်ထားပါ။ ပေါင်နှစ်ဖက်က ကြမ်းပြင်နဲ့ မျဥ်းပြိုင် ပုံသဏ္ဍာန် ဖြစ်နေရပါမယ်။
Plank ထောက်တဲ့အခါ
ခါးကြီးကို အပေါ်သို့ မဟားတရားတက်နေတာမျိုး၊ ဒါမှမဟုတ် အောက်ကို တော်တော်ကြီး လျော့ကျနေတာမျိုးကို ရှောင်ကြဥ်သင့်ပါတယ်။
နည်းစနစ်အမှန်ကတော့
လက်နှစ်ဖက်ကို ထောက်ထားပြီး ကွီးတို့ ခန္ဓာကိုယ်က ပုခုံးကနေ ခြေမျက်စိအထိသည် ပျဥ်ပြားတစ်ခု စောင်းစောင်းလေး ဖြစ်နေသလိုမျိုး ဖြစ်နေရပါမယ်။ ဒါမှ နည်းစနစ်အမှန်ပါ။
Push-Up ပြုလုပ်တဲ့အခါ
ဒီအလွဲကလည်း စောစောက အလွဲနဲ့အတူတူပါပဲ။ တင်ပါးကြီးက မိုးပေါ်ထောင်ပြီး ဒိုက်ထိုးတာမျိုး၊ ဒါမှမဟုတ် တင်ပါးက ကြမ်းပြင်နဲ့ ထိကပ်လွန်းတာမျိုးကို ရှောင်ကြဥ်ရပါမယ်။
နည်းစနစ်အမှန်ကတော့
လက်မောင်းကြွက်သားနဲ့ ရင်အုပ်ကြွက်သားကို အသုံးပြုကာ ခန္ဓာကိုယ် အပေါ်ပိုင်းကို နိမ့်ချည် မြင့်ချည် ပြုလုပ်လိုက်ရုံပါပဲ။ တင်ပါးကြွက်သားက အလိုက်သင့်လေး လှုပ်ရှားရုံပါပဲ။
ကွီးတို့ရော အခုဖော်ပြသွားတဲ့ လေ့ကျင့်ခန်း အလွဲတွေထဲက ဘယ်လိုအလွဲတွေကို ပြုလုပ်ဖူးပါသလဲ။
Source: Beachbodyondemand
Featured Image: Builtwithscience
