လေ့ကျင့်ခန်း ပြုလုပ်နေချိန်မှာ သင့်ရဲ့နှလုံးခုန်နှုန်းသည် ပုံမှန်ထက်ပိုမြန်လာပြီး သင့်ရဲ့အသက်ရှူသံသည်လည်း မြန်ဆန်နေပြီး အသက်ပြင်းပြင်းရှူနေမယ်၊ ချွေးလည်း အရမ်းထွက်နေမယ်ဆိုရင်တော့ သေချာပါတယ်။ သင်သည် Cardio လေ့ကျင့်ခန်းများ ပြုလုပ်နေတာပါ။
Cardio လေ့ကျင့်ခန်းများထဲတွင် လမ်းမြန်မြန်လျှောက်ခြင်း၊ ပြေးခြင်း၊ ရေကူးခြင်း၊ စက်ဘီးစီးခြင်း အစရှိတဲ့လေ့ကျင့်ခန်းများပါဝင်ပါတယ်။
အမှန်တကယ် ဝိတ်ကျချင်ပြီး ကိုယ်ရည်စစ်ချက်တဲ့ယောကျာ်းများအတွက် Cardio လေ့ကျင့်ခန်းများထက် ပိုမိုထိရောက်မှုရှိတဲ့ လေ့ကျင့်ခန်းအချို့ကို ဝေမျှပေးချင်ပါတယ်။
လေ့ကျင့်ခန်း (၁)
ခြေထောက်နှစ်ဖက်ကို ပုခုံးအကျယ်အတိုင်း ချဲထားပြီး ခန္ဓာကိုယ်ကို အသင့်ပြင်ထားပါ။ ထို့နောက် ခုန်လိုက်တဲ့အချိန်မှာ ခြေထောက်နှစ်ဖက်ကိုကားပြီး လက်နှစ်ဖက်ကိုလည်း အပေါ်မြှောက်လိုက်ပါ။ မူလအနေအထားအတိုင်း ပြန်နေပါ။
လေ့ကျင့်ခန်း (၂)
ပုံပါအနေအထားအတိုင်း အသင့်ပြင်ထားပါ။ လက်နှစ်ဖက်က အလေးတုံးကိုင်ထားပါ။ ထို့နောက် ညာဒူးကို ဆန့်တန်းပြီး မတ်တပ်ရပ်လိုက်ပါ။ ထို့နောက် ဒူးပြန်ကွေးပါ။ ၁၅ ကြိမ်ပြည့်သွားပါက ခြေထောက်ကို ဘက်ပြောင်းကာ ထိုလေ့ကျင့်ခန်းအတိုင်း ဆက်လုပ်ပါ။
လေ့ကျင့်ခန်း (၃)
ဒူးကို ပုံပါအတိုင်း အနည်းငယ်ကွေးညွှတ်ထားပါ။ တံတောင်ကို ကွေးထားပြီး အလေးတုံးကိုင်ထားပါ။ ထို့နောက် လက်နှစ်ဖက်ကို ဆန့်တန်းပြီး အလေးတုံးကို အောက်ချလိုက်ပါ။ ထို့နောက် အလေးတုံးကို အပေါ်ပြန်မြှောက်လိုက်ပါ။
လေ့ကျင့်ခန်း (၄)
ဒီတစ်ခါကျရင်တော့ အလေးတုံးကို အရှေ့အနောက် လွှဲရမှာဖြစ်ပါတယ်။
လေ့ကျင့်ခန်း (၅)
ဒီလေ့ကျင့်ခန်းကတော့ အလေးတုံးကို အပေါ်မြှောက်လိုက် အောက်ပြန်ချလိုက်လုပ်ရမှာပါ။ အလေးတုံးကို ညာလက်ဖြင့် ကိုင်ပြီး ၁၅ ကြိမ်ခန့် ပြုလုပ်ပြီးတဲ့အခါမှာတော့ ဘယ်လက်ဖြင့် ဆက်ကိုင်ကာ ၁၅ ကြိမ် ထပ်မံပြုလုပ်ပါ။
လေ့ကျင့်ခန်း (၆)
ဒီလေ့ကျင့်ခန်းကတော့ အလေးတုံးကိုင်ပြီး Squat ထိုင်ရမှာဖြစ်ပါတယ်။ အထက်ပါအနေအထားအတိုင်း အသင့်ပြင်ထားပါ။ ထို့နောက် မတ်တပ်ရပ်တဲ့အချိန်မှာ လက်နှစ်ဖက်က အပေါ်သို့ ဆန့်တန်းလိုက်ပါ။
လေ့ကျင့်ခန်း (၇)
ဒီလေ့ကျင့်ခန်းကတော့ အားလုံးနဲ့ ရင်းနှီးပြီးသားဖြစ်တဲ့ ဘားတန်းခို လေ့ကျင့်ခန်းပဲဖြစ်ပါတယ်။ ၁၂ ကြိမ်ကနေ ၁၅ ကြိမ် မိမိလုပ်နိုင်သလောက် ပြုလုပ်ပေးလိုက်ပါ။
အထက်ဖော်ပြပါ လေ့ကျင့်ခန်းများအားလုံးကို ၁၂ ကြိမ် မှ ၁၅ ကြိမ်၊ ၃ ခါ (သို့) ၄ ခါ ပြုလုပ်ပေးရပါမယ်။
Source: Mensjournal.com
Featured Image Source: Mensjournal.com
