ဒိုက်ထိုး လေ့ကျင့်ခန်း က ကွီးတို့နဲ့ ရင်းနှီးပြီးသား ဖြစ်မယ်ထင်ပါတယ်။ လွယ်ကူရိုးရှင်းပြီး ခန္ဓာကိုယ်အတွက် ထိရောက်မှု အရှိဆုံးလေ့ကျင့်ခန်း တစ်ခုလည်း ဖြစ်ပါတယ်။ ရင်ဘတ်နဲ့ လက်မောင်း ကြွက်သားတွေကို ကျစ်လစ်သန်မာမှု ရှိစေတဲ့အပြင် ဝမ်းဗိုက်ကြွက်သားတွေကိုလည်း သန်မာစေမယ့် ထိရောက်မှု အရှိဆုံး လေ့ကျင့်ခန်း တစ်ခု ဖြစ်ပါတယ်။ ကွီးတို့ ပုံမှန် ဒိုက်ထိုး လေ့ကျင့်ခန်းကို ကျွမ်းကျင်နေပြီဆိုရင်တော့ အခုပြောပြမယ့် ပြင်းထန်တဲ့ ဒိုက်ထိုး လေ့ကျင့်ခန်း ၅ ခု ကို ပြုလုပ် နိုင်ပါတယ်။

(၁) Clap Push-Up

Source : Runtastic

Clap Push-Up ကတော့ လက်ခုပ်တီးတဲ့ပုံစံ ဒိုက်ထိုးလေ့ကျင့်ခန်း ဖြစ်ပါတယ်။ ပုံမှာမြင်ရတဲ့ အတိုင်း ခန္ဓာကိုယ်ကို အနည်းငယ်မြှင့်တင်ပြီး လက်ဖဝါးနှစ်ဘက်ကို ထိပေးတဲ့ပုံစံနဲ့ ဒိုက်ထိုး လေ့ကျင့်ခန်း ပြုလုပ်ပေးရမှာ ဖြစ်ပါတယ်။

(၂) Staggered Plyo Push-Up

Source : Runtastic

ဒိုက်တစ်ချက် ထိုးပြီးတိုင်း လက်အနေအထားကို ပြောင်းပေးရမှာ ဖြစ်ပါတယ်။ စည်းချက်ညီညီ လက်ကို ဘယ်ညာ ပြောင်းပြီး ဒိုက်ထိုး ပေးရမှာပါ။ သတိထားရမှာတစ်ခုက အရမ်းမြန်ဖို့မလိုပဲ ရိုးရိုးရှင်းရှင်းကို လက်ကို ဘက်ပြောင်းပေးရုံပဲ ဖြစ်ပါတယ်။

(၃) X-Tap Push-Up

Source : Runtastic

Clap Push-Up နဲ့အနည်းငယ်ဆင် တူပါတယ်။ ခန္ဓာကိုယ်ကို အပေါ်သို့ အနည်းငယ် မြှင့်တင်ပြီး လက်နှစ်ဖက်ကို ကြက်ခြေခတ်ပုံစံ ရင်အုပ် ကိုထိပြီး ဒိုက်ထိုးပေးရမှာ ဖြစ်ပါတယ်။

(၄) Double Knee Tap Push-Up

Source : Runtastic

Knee Tap ဒိုက်ထိုးနည်းကတော့ လက်နှစ်ဖက်နဲ့ ဒူးကို ထိပြီး ဒိုက်ထိုးရတဲ့ ပုံစံဖြစ်ပါတယ်။ နည်းနည်း ခက်ခဲတယ်လို့ ထင်ရပေမယ့် ရင်ဘတ်နဲ့ ဝမ်းဗိုက် ကြွက်သားတွေအတွက် ထိရောက်မှု အရှိဆုံး ဒိုက်ထိုး လေ့ကျင့်ခန်း ဖြစ်ပါတယ်။ ဝမ်းဗိုက်ကြွက်သားကို ဆွဲဆန့်ပြီး တင်ပါးကို မြှောက်ထားဖို့ မမေ့ပါနဲ့။

(၅) Superman Push-Up

Source : Runtastic

Superman Push-Up ကတော့ ခန္ဓာကိုယ်ကို မြှင့်တင်ပြီး လက်ကိုရှေ့သို့ ဆန့်ထုတ်ရတဲ့ ဒိုက်ထိုးနည်း ဖြစ်ပါတယ်။

ဒိုက်ထိုး လေ့ကျင့်ခန်းတိုင်းကတော့ ကွီး တို့ရဲ့ ခန္ဓာကိုယ်အတွက် ထိရောက်တဲ့ လေ့ကျင့်ခန်းတွေပဲ ဖြစ်ပါတယ်။ ကွီး တို့ အနေနဲ့ ပုံမှန် ဒိုက်ထိုး လေ့ကျင့်ခန်းကို ကျွမ်းကျင်အောင် အလုပ်ဆုံး ပြုလုပ်သင့်ပါတယ်။ ကျွမ်းကျင်ပြီဆိုမှ အခုပြောပြပေးခဲ့တဲ့ ပြင်းထန်တဲ့ ဒိုက်ထိုး လေ့ကျင့်ခန်း ၅ ခုကို ပြုလုပ်ဖို့ အကြံပြုချင်ပါတယ်။

Featured Photo : Muscle & Fitness