ကျနော်တို့ လူသားတွေရဲ့ ခန္ဓာကိုယ် အချိုးအစားသည် တစ်ယောက်နဲ့ တစ်ယောက် မတူညီကြပါဘူး။ အထူးသဖြင့် ကွီး တို့ရဲ့ ခြေသလုံး ကြွက်သားများ၊ ပေါင်ကြွက်သား များသည် မျိုးရိုးဗီဇနှင့် အားကစားလိုက်စားခြင်း၊ မလိုက်စားခြင်းတို့အပေါ် မူတည်ပြီး ပြောင်းလဲသွားပါတယ်။ ကွီး တို့အနေနဲ့ ကိုယ့်ရဲ့ ပေါင်ကြွက်သား ကို ပိုမိုကျစ်လျစ်သန်မာလာအောင် လုပ်ယူချင်တယ်ဆိုရင်တော့ အခုဖော်ပြပေးမယ့် လေ့ကျင့်ခန်းများကို အသုံးပြုနိုင်ပါတယ်။
လေ့ကျင့်ခန်း (၁)
Source: Menshealth
ကွီး တို့ရဲ့ ပေါင်ကြွက်သား များကို ကျစ်လျစ်ချင်တယ်ဆိုရင်တော့ Squat လေ့ကျင့်ခန်းများသည် မေ့မထားသင့်တဲ့ လေ့ကျင့်ခန်းများထဲက တစ်ခုပဲဖြစ်ပါတယ်။
Squat ထိုင်တဲ့အခါ ကိရိယာအလွတ် ထိုင်လို့လည်းရသလို အလေးတုံး အသုံးပြုကာ Squat ထိုင်မယ်ဆိုရင်လည်း ရပါတယ်။
လေ့ကျင့်ခန်း (၂)
Source: Menshealth
အရင်ဦးဆုံး ခြေထောက်နှစ်ဖက်ကို အနည်းငယ် ချဲထားပြီး ဘယ်ခြေကို ရှေ့သို့ ထုတ်ပြီး ဘယ်ဒူးကို ကွေးချလိုက်ပါ။ ထို့နောက် မူလအနေအထားအတိုင်း မတ်တပ်ပြန်ရပ်ပါ။ တစ်ဖန် ညာခြေကို ရှေ့သို့ ထုတ်ပြီး ညာဒူးကို ၉၀ ဒီဂရီ ကွေးချလိုက်ပါ။
ဘယ် ညာကို တစ်ကြိမ်လို့ သတ်မှတ်ပြီး စုစုပေါင်း ၁၅ ကြိမ်၊ ၃ ကျော့ ပြုလုပ်ရမှာပဲဖြစ်ပါတယ်။
လေ့ကျင့်ခန်း (၃)
Source: Menshealth
ဒီလေ့ကျင့်ခန်းကိုတော့ Dumbbell Romanian Deadlift လို့ အမည်ပေးထားပါတယ်။
ခြေထောက်နှစ်ဖက်ကို ပုခုံးအကျယ်အတိုင်း ချဲထားပြီးနောက် လက်နှစ်ဖက် အလေးတုံး နှစ်တုံးကို ကိုင်ထားလိုက်ပါ။ ထို့နောက် ခန္ဓာကိုယ် အပေါ်ပိုင်းကို အရှေ့သို့ ကိုင်းချကာ ဒူးနှစ်ဖက်ကို ကွေးလိုက်ပါ။ အလေးတုံးနှစ်တုံးက ခြေမျက်စိအပေါ်နားလောက်ထိ ချပေးရင်ရပါပြီ။ စုစုပေါင်း ၁၅ ကြိမ်၊ ၄ ကျော့ ပြုလုပ်ပေးလိုက်ပါ။
လေ့ကျင့်ခန်း (၄)
Source: Tenor
ကွီးတို့အနေနဲ့ Gym မှာ သွားဆော့ဖြစ်တဲ့အခါ ဒီလေ့ကျင့်ခန်းကို ပြုလုပ်နိုင်ပါတယ်။ Leg Press လေ့ကျင့်ခန်းလို့ အမည်ရပါတယ်။ စုစုပေါင်း ၈ ကြိမ်မှ ၁၂ ကြိမ်၊ ၂ ကျော့မှ ၃ ကျော့ ပြုလုပ်ပေးရမှာ ဖြစ်ပါတယ်။
လေ့ကျင့်ခန်း (၅)
Source: Menshealth
ဒီလေ့ကျင့်ခန်းလေးကတော့ အလေးတုံး အသုံးပြုကာ ပြုလုပ်လို့လည်း ရသလို အလေးတုံးမပါဘဲ အသုံးပြုမယ်ဆိုလည်း ရပါတယ်။ ဘယ်ခြေကို ဘေးဘက်သို့ ဆန့်ထုတ်ကာ Side Lunge ပြုလုပ်ရမှာပဲဖြစ်ပါတယ်။ ၁၂ ကြိမ် ပြုလုပ်ပြီးတဲ့အခါ ညာခြေကိုလည်း ထိုနည်းအတိုင်း ပြုလုပ်ရမှာဖြစ်ပါတယ်။ စုစုပေါင်း ၃ ကျော့၊ ၄ ကျော့ခန့် ပြုလုပ်ပေးလိုက်ပါ။
လေ့ကျင့်ခန်း (၆)
Source: Menshealth
ဒီလေ့ကျင့်ခန်းကတော့ Bulgarian Split Squat လို့ အမည်ပေးထားတဲ့ လေ့ကျင့်ခန်းတစ်ခုပဲဖြစ်ပါတယ်။ အလေးတုံးကို ခန္ဓာကိုယ်ရဲ့ ရင်အုပ်ရှေ့တည့်တည့်မှာ ထားထားပြီး ညာခြေကို ခုံပေါ်တွင် တင်ထားပါ။ ထို့နောက် တင်ပါးကို နောက်ပစ်ပြီး ဒူးကို ကွေးချလိုက်ပါ။ ခါးက အရှေ့သို့ ကိုင်းကျမနေစေဘဲ ခါးမတ်မတ်ထားရမှာဖြစ်ပါတယ်။ ၁၅ ကြိမ် ပြုလုပ်ပြီးပါက ခြေထောက်နှစ်ဖက်ကို ဘက်ပြောင်းလိုက်ပါ။ စုစုပေါင်း ၃ ကျော့ ပြုလုပ်ရမှာဖြစ်ပါတယ်။
ဒီလေ့ကျင့်ခန်းများကတော့ ကွီး တို့ရဲ့ ပေါင်ကြွက်သား နှင့် ခြေသလုံးကြွက်သားများကို သန်မာလာအောင် ကူညီပေးမယ့် လေ့ကျင့်ခန်းများပဲဖြစ်ပါတယ်။
Source: Healthline
Featured Image: Wefit
