ခြေသလုံး ကြွက်သားတွေ အမြောင်းမြောင်း ထနေစေဖို့

အောက်ပိုင်း ဆော့တဲ့အခါ ပေါင် ၊ တံကောက်ကြောနဲ့ တင်ပါးဆုံကြွက်သားတွေကို အလေးပေး ဆော့ကြသလို ခြေသလုံးကြွက်သားတွေကို ထရိန်းပေးဖို့ကိုလည်း မေ့မထားသင့်ပါဘူး။ ခြေသလုံးမာဆယ်တွေရဲ့ Lower Body အစိတ်အပိုင်းတစ်ခုလုံးရဲ့ ကြံ့ခိုင်မှု ၊ တည်ငြိမ်မှုကို ထိန်းထားနိုင်ဖို့ ပံ့ပိုးပေးနေတဲ့ ကြွက်သားတစ်ခု ဖြစ်ပါတယ်။ ဒါကြောင့် ဒီတစ်ခေါက်မှာတော့ ခြေသလုံး ကြွက်သားတွေ အမြောင်းမြောင်းနဲ့ ရှယ်ဖြစ်နေစေဖို့ Calf Exercises အချို့ကို ပြောပြပေးပါမယ်။

(၁) Seated Calf Raises

Source : PureGym

ရိုးရိုးရှင်းရှင်း ခြေသလုံး ကြွက်သား လေ့ကျင့်ခန်းပါ။ ထိုင်ခုံမှာထိုင်ပြီး ခြေသလုံးမာဆယ်တွေကို ဆန့်ထုတ်ပေးခြင်းဖြင့် ကြွက်သားတွေကို ကျစ်လစ်သန်မာလာစေဖို့ တည်ဆောက်ပေးပါတယ်။ ကိရိယာလွတ် ကစားလို့ ရသလို အလေးတုံးတွေနဲ့လည်း ကစားလို့ ရပါတယ်။

(၂) Farmer’s Walk

Source : PureGym

Farmer’s Walk လေ့ကျင့်ခန်းကတော့ ခြေသလုံးနဲ့ Core ကြွက်သားတွေရဲ့ တည်ငြိမ်မှုနဲ့ ကြွက်သားကျစ်လစ် သန်မာမှုအတွက် အကောင်းဆုံး Functional Movement တစ်ခု ဖြစ်ပါတယ်။ Dumbbell သို့မဟုတ် Kettlebell တွေ အသုံးပြုပြီး ကစားရမှာပါ။ Farmer’s Walk လျှောက်တဲ့ အခါမှာ ‌ခြေဖျားထောက်ပြီး လျှောက်ပေးမယ်ဆိုရင် ခြေသလုံး မာဆယ်တွေကို ပိုပြီး ထိရောက်မှု ရှိစေပါတယ်။

(၃) Standing Calf Raises

Source : PureGym

Standing Calf Raises လေ့ကျင့်ခန်းက Mechine သုံးပြီး ကစားနိုင်သလို Barbell နဲ့လည်း ကစားလို့ ရပါတယ်။ ခြေသလုံး ကြွက်သားတွေရဲ့ ကြံ့ခိုင်မှုနဲ့ ခံနိုင်ရည်ကို တိုးစေမယ့် အထိရောက်ဆုံး လေ့ကျင့်ခန်း ဖြစ်ပါတယ်။

(၄) Single Leg Calf Raise

Source : PureGym

Single Leg Calf Raise က ခြေတစ်ချောင်းထောက် Calf Raise ပုံစံကစားရမယ့် လေ့ကျင့်ခန်း ဖြစ်ပါတယ်။ Dumbbell သို့မဟုတ် Kettlebell ကို လက်တစ်ဖက် တစ်ချက်စီမှာ ကိုင်ထားပြီး ကစားလို့ ရပါတယ်။ ခြေထောက်တွေကို ဘယ်/ညာ တစ်လှည့်စီ ပြောင်းကစားပေးရမှာ ဖြစ်ပါတယ်။

Source : Eat This Not That

Featured Photo : Cathe Friedrich