ကြွက်သားတွေ နာကျင် ကိုက်ခဲပြီး တစ်ကိုယ်လုံး ညောင်းညာ ကိုက်ခဲနေလို့ စိတ်ညစ်နေပါသလား။ တစ်ကိုယ်လုံး ညောင်းညာကိုက်ခဲတာတွေကို ပြေပျောက်သွားဖို့အတွက် ဒလှိမ့်တုံး နဲ့ လေ့ကျင့်ခန်း ပြုလုပ်ပြီး ကိုယ့်ကိုယ်ကိုယ် နှိပ်နယ်ပေးနိုင်ပါတယ်။
ဒီလိုမျိုး ဒလှိမ့်တုံး တွေနဲ့ လေ့ကျင့်ခန်း ပြုလုပ်ရတာလည်း မခက်သလို ရရှိမယ့် အကျိုးကျေးဇူးတွေကလည်း မနည်းမနောပါပဲ။
လေ့လာချက်အရ ဒလှိမ့်တုံး နဲ့ မိနစ် ၂၀ ခန့် လေ့ကျင့်ခန်း ပြုလုပ်ခြင်းအားဖြင့် ၂၄ နာရီအကြာကနေ ၄၈ နာရီအကြာ အတွင်းမှာ ကွီးတို့ ကြွက်သားတွေက အညောင်းအညာ ပြေသွားမှာပဲဖြစ်ပါတယ်။ ဒါ့အပြင် အရိုးအဆစ်များ နာကျင်နေခြင်းကိုလည်း လျော့ပါးသက်သာစေပါတယ်။ တစ်ကိုယ်လုံး ညောင်းညာကိုက်ခဲနေတယ်ဆိုရင်တော့ အခုဖော်ပြပေးမယ့် လေ့ကျင့်ခန်းများကိုသာ သတိရလိုက်ပါ။
လေ့ကျင့်ခန်း (၁)
အဆင့် (၁) ဒလှိမ့်တုံးကို ကွီးတို့ ကျောအောက်မှာ ထားထားပါ။ လက်နှစ်ဖက်က အပေါ်သို့ ဆန့်တန်းထားပါ။ ဒူးနှစ်ဖက်ကို ထောင်ထားပါ။
အဆင့် (၂) ဒလှိမ့်တုံးကို ကျောပြင်နဲ့ ရှေ့တိုး နောက်ဆုတ် လှမ့်ပေးလိုက်ပါ။
အထက် အောက်ကို ၁၀ ကြိမ်လောက် လှိမ့်ပေးလိုက်ရုံနဲ့ ကျောအောင့်တာတွေ ခါးညောင်းတာတွေ သက်သာသွားမှာပဲ ဖြစ်ပါတယ်။
လေ့ကျင့်ခန်း (၂)
ကွီးတို့က ခြေဖနောင့် ညောင်းညာတာမျိုး၊ ခြေသလုံးနဲ့ ခန္ဓာကိုယ် အောက်ပိုင်း ညောင်းညာတာမျိုးဆိုရင်တော့ အခုလိုမျိုး လေ့ကျင့်ခန်း ပေါင်းစုံနဲ့ လေ့ကျင့်ခန်း ပြုလုပ်နိုင်ပါတယ်။
ဒီလေ့ကျင့်ခန်းတွေက ကွီးတို့ ခန္ဓာကိုယ် အောက်ပိုင်း သွေးလှည့်ပတ်မှုတွေကို ကောင်းမွန်စေပြီး ညောင်းညာ ကိုက်ခဲမှုတွေကို သက်သာစေမှာပဲဖြစ်ပါတယ်။
လေ့ကျင့်ခန်း (၃)
အဆင့် (၁) ဒီလေ့ကျင့်ခန်းကို ပြုလုပ်ဖို့အတွက် အလေးတုံးကို ကွီးတို့ ခြေသလုံးအောက်မှာ ထားထားလိုက်ပါ။
အဆင့် (၂) သဘက်ကို ခြေဖဝါး အလယ်တည့်တည့်ကနေပြီး ကွီးတို့ ရင်ဘတ်ဆီသို့ ဆွဲယူလိုက်ပါ။
စက္ကန့် ၃၀ မှ တစ်မိနစ်ကြာသည်အထိ ဆွဲဆန့်ပေးထားနိုင်ပါတယ်။
ဒီလေ့ကျင့်ခန်းကတော့ ကွီးတို့ အောက်ပိုင်း ထိုင်တဲ့ရက်တွေမှာ နာကျင် ကိုက်ခဲမှု၊ ညောင်းညာကိုက်ခဲမှုတွေကို သက်သာစေဖို့အတွက် အကြောလျော့ လေ့ကျင့်ခန်းအဖြစ် ပြုလုပ်ပေးနိုင်ပါတယ်။
လေ့ကျင့်ခန်း (၄)
အဆင့် (၁) ကြမ်းပြင်ပေါ်မှာ လှဲလျောင်းနေပြီး ဒလှိမ့်တုံးလေးကို လက်မောင်းအောက်မှာ ထားထားလိုက်ပါ။
အဆင့် (၂) ဒလှိမ့်တုံးလေးကို အပေါ် အောက် ရွေ့လျားပေးလိုက်ပါ။
၁၀ ကြိမ်မှ ၁၅ ကြိမ်ခန့် လှိမ့်ပေးလိုက်ပါ။
ဒီလေ့ကျင့်ခန်းကတော့ ကွီးတို့ ကြွက်သားများ တောင့်တင်းနေတာကို ပြေလျော့သွားစေဖို့ ကူညီပေးနိုင်ပါတယ်။
လေ့ကျင့်ခန်း (၅)
အဆင့် (၁) ကြမ်းပြင်ပေါ်မှာ ဒူးနှစ်ဖက် ထောင်ပြီး လှဲလျောင်းနေပါ။ ဒလှိမ့်တုံးကို လည်ပင်းအောက်တည့်တည့်မှာ ထားထားပါ။
အဆင့် (၂) ခေါင်းကို ညာဘက်သို့ ဖြည်းဖြည်းချင်း လှည့်လိုက်ပါ။
အဆင့် (၃) အသက်ကို ပြင်းပြင်း ရှူထုတ်လိုက်ပြီး ဘယ်ဘက်သို့ လှည့်လိုက်ပါ။
ဘယ် ညာ တစ်လှည့်စီဖြင့် စက္ကန့် ၃၀ ပြည့်အောင် ပြုလုပ်ပေးလိုက်ပါ။
ကွီးတို့ရော ခန္ဓာကိုယ် ညောင်းညာတဲ့အခါ ဘယ်လိုလေ့ကျင့်ခန်းမျိုး ပြုလုပ်လေ့ရှိပါသလဲ။
Source: Menshealth
Featured Image: Mensjournal
