ဝိတ်ကျ ဖို့ ကို လိုလားပေမယ့် လေ့ကျင့်ခန်း ပြုလုပ်ခြင်းကို အချိန်မပေးနိုင်ဘူး၊ ဦးစားပေး တစ်ခုအနေနဲ့ မသတ်မှတ်ထားချင်ဘူးဆိုရင်တော့ မရပါဘူး ညိုကီတို့ရေ။ ဝိတ်ကျချင်တယ်ဆိုရင် လေ့ကျင့်ခန်း လုပ်ကို လုပ်ရမှာဖြစ်ပါတယ်။ လေ့ကျင့်ခန်း မလုပ်ဘဲနဲ့တော့ ခန္ဓာကိုယ်က အဆီတွေက သူ့အလိုလို ကျမသွားပါဘူး။
ကွီးတို့အနေနဲ့ ဝိတ်ကျ ချင်တယ်ဆိုရင်တော့ အခုဖော်ပြပေးမယ့် လေ့ကျင့်ခန်းများကို ဦးစားပေး အနေနဲ့ ပြုလုပ်ပေးဖို့ လိုအပ်ပါတယ်။
လေ့ကျင့်ခန်း (၁)
အရင်ဦးဆုံး အပြေးလေ့ကျင့်ခန်းနဲ့ အစပြုရမှာ ဖြစ်ပါတယ်။ မီတာ ၁၀၀ အကွာအဝေးကို အကြိမ် ၂၀ ပတ်ပြေးရမှာ ဖြစ်ပါတယ်။ ကြားထဲမှာတော့ ၁၅ စက္ကန့် အနားယူနိုင်ပါတယ်။
လေ့ကျင့်ခန်း (၂)
ဒုတိယလေ့ကျင့်ခန်းအတွက်ကတော့ Burpees လေ့ကျင့်ခန်းကို ပြုလုပ်ရမှာ ဖြစ်ပါတယ်။ အကြိမ် ၁၀၀ ကို နည်းမှန် လမ်းမှန်နဲ့ ပြုလုပ်ရမှာဖြစ်ပါတယ်။ မြန်နိုင်သလောက် မြန်မြန်ပြုလုပ်ပေးလိုက်ပါ။
လေ့ကျင့်ခန်း (၃)
နောက်ထပ် ပြုလုပ်ရ၎ယ့် လေ့ကျင့်ခန်းကတော့ Russian Twist လေ့ကျင့်ခန်း ဖြစ်ပါတယ်။ ဒီလေ့ကျင့်ခန်းကိုတော့ အကြိမ် ၂၀ ကို ၄ ကျော့ ပြုလုပ်ရမှာ ဖြစ်ပါတယ်။ ၁ ကျော့နဲ့ ၁ ကျော့အကြားမှာ ၄၅ စက္ကန့် အနားယူနိုင်ပါတယ်။
လေ့ကျင့်ခန်း (၄)
လေ့ကျင့်ခန်း (၄) ကတော့ Bulgarian Split Squat လေ့ကျင့်ခန်းပဲ ဖြစ်ပါတယ်။ ဒီလေ့ကျင့်ခန်းကိုတော့ ၁၂ ကြိမ်၊ ၄ ကျော့ ပြုလုပ်ရမှာဖြစ်ပြီး ၁ ကျော့နဲ့ ၁ ကျော့အကြားမှာ စက္ကန့် ၆၀ အနားယူနိုင်ပါတယ်။ ဒီလေ့ကျင့်ခန်းကတော့ ကွီးတို့ရဲ့ လက်မောင်းကြွက်သားများကို သန်မာလာစေမယ့် လေ့ကျင့်ခန်းတစ်ခုပဲ ဖြစ်ပါတယ်။
လေ့ကျင့်ခန်း (၅)
နောက်ထပ် ပြုလုပ်ရမယ့် လေ့ကျင့်ခန်းကတော့ Calf Raise လေ့ကျင့်ခန်းပဲ ဖြစ်ပါတယ်။ စုစုပေါင်း ၁၂ ကြိမ်၊ ၄ ကျော့ ပြုလုပ်ရမှာဖြစ်ပြီး ၁ ကျော့နဲ့ ၁ ကျော့အကြား စက္ကန့် ၂၀ အနားယူနိုင်ပါတယ်။
ဒီလေ့ကျင့်ခန်းများကတော့ ဝိတ်ချချင်တဲ့ ကွီးတို့အတွက် ထိရောက်မှုရှိတဲ့ လေ့ကျင့်ခန်းများပဲ ဖြစ်ပါတယ်။
တစ်ပတ်လျှင် ၃ ရက်မှ ၄ ရက်ခန့်အထိ ပုံမှန်ပြုလုပ်ပေးသွားမယ်ဆိုရင်တော့ ခန္ဓာကိုယ်က အဆီပိုတွေက တားတာ ဘိုင့်ဘိုင်ဆိုပြီး နှုတ်ဆက်သွားပါလိမ့်မယ်။
ကွီးတို့ရော အဆီပိုတွေကို မနှုတ်ဆက်ပစ်ချင်ဘူးလား။
Source: Menshealth
Featured Image: BarBend
