ဝိတ်တင် ချင်တဲ့ ကွီးတို့အနေနဲ့ အရင်ဦးဆုံး ခန္ဓာကိုယ်ရှိ အဆီပိုများကို ဖယ်ရှားပေးတဲ့ Workout များကို ပြုလုပ်ရမှာ ဖြစ်ပါတယ်။ ခန္ဓာကိုယ် အဆီပိုများ ပျောက်ကင်းသွားပြီဆိုရင်တော့ ဝိတ်တင် ဖို့အတွက် အလေးတုံးတိုးကာ Workout ပြုလုပ်ရမှာပဲ ဖြစ်ပါတယ်။
ဘယ်လိုလေ့ကျင့်ခန်းများကို ပြုလုပ်ရမလဲဆိုတော့ …
ရင်အုပ်ကြွက်သားများအတွက် လေ့ကျင့်ခန်းများ
လေ့ကျင့်ခန်း (၁)
Source: Gifer
ဒီလေ့ကျင့်ခန်း ပြုလုပ်ဖို့ရန်အတွက် အလေးတန်းနှင့် ခုံစောင်းရှည်တစ်ခုတို့ လိုအပ်ပါလိမ့်မယ်။ ပစ္စည်းကိရိယာတို့ စုံလင်သွားပြီဆိုရင်တော့ အလေးတန်းဖြင့် ပုံပါအတိုင်း ဆော့ကစားနိုင်ပါပြီ။ ဆော့ကစားရမယ့် အကြိမ်ရေကတော့ ၁၅ ကြိမ်၊ ၃ ကျော့ပဲ ဖြစ်ပါတယ်။
လေ့ကျင့်ခန်း (၂)
Source: Gfycat
ဒီလေ့ကျင့်ခန်း ပြုလုပ်ဖို့ရန်အတွက် အလေးတုံး (၂) တုံး လိုအပ်ပါလိမ့်မယ်။ ကြမ်းပြင်ပေါ်မှာ လှဲလျောင်းနေကာ လက်နှစ်ဖက်က အလေးတုံးကို ကိုင်လိုက်ပါ။
ထို့နောက် အလေးတုံးကို အပေါ်မြှောက်ကာ ပင့်တင်လိုက် ပြန်ချလိုက်ဖြင့် တစ်လှည့်စီ ပြုလုပ်ပေးရပါမယ်။
လေ့ကျင့်ခန်း (၃)
Source: Gfycat
ဒီလေ့ကျင့်ခန်းကတော့ အမျိုးသားများ အားလုံးနဲ့ ရင်းနှီးပြီးသားဖြစ်တဲ့ လေ့ကျင့်ခန်းတစ်ခုပဲ ဖြစ်ပါတယ်။ ဒီလွယ်ကူရိုးရှင်းတဲ့ ဒိုက်ထိုးလေ့ကျင့်ခန်းကိုတော့ စုစုပေါင်း ၁၂ ကြိမ်၊ ၃ ကျော့ ပြုလုပ်ပေးရမှာ ဖြစ်ပါတယ်။
ကျောပြင်ကြွက်သားများအတွက် ပြုလုပ်ရမယ့် လေ့ကျင့်ခန်းများ
လေ့ကျင့်ခန်း (၄)
Source: Menshealth
ဒီလေ့ကျင့်ခန်း ပြုလုပ်ဖို့ရန်အတွက် အလေးတုံး တစ်တုံး လိုအပ်ပါလိမ့်မယ်။
ဒူးအနည်းငယ် ကွေးကာ ပုခုံးကို စောင်းထားပြီး ဘယ်လက်က ခုံပေါ်တင်ထားကာ အားပြုထားပါ။
ကျန်လက်တစ်ဖက်က အလေးတုံးကို အလျားလိုက် ဆွဲမထားပါ။ ထို့နောက် အလေးတုံးကို ဆွဲမလိုက်ပါ။ အလေးတုံး မ လိုက်တဲ့အချိန်မှာ အလေးတုံးကို ဒေါင်လိုက်အနေအထား ပြောင်းလိုက်ရမှာဖြစ်ပါတယ်။ စုစုပေါင်း ၁၄ ကြိမ်၊ ၃ ကျော့ ပြုလုပ်ပေးရမှာဖြစ်ပါတယ်။
လေ့ကျင့်ခန်း (၅)
Source: Menshealth
ဒူးအနည်းငယ် ကွေးညွှတ်ထားကာ ခါးကို အနည်းငယ် စောင်းလိုက်ပါ။ အလေးတုံးနှစ်တုံးကို လက်က ကိုင်ထားပါ။ ထို့နောက် လက်နှစ်ဖက်ကို ဘေးဘက်သို့ ကားထုတ်လိုက်ပါ။ ပုခုံးနဲ့ တစ်တန်းတည်းဖြစ်သွားအောင် ကားထုတ်ပေးရမှာ ဖြစ်ပါတယ်။ စုစုပေါင်း ၁၅ ကြိမ် ၊ ၃ ကျော့ ပြုလုပ်ပေးရမှာ ဖြစ်ပါတယ်။
ပုခုံးကြွက်သားများအတွက် လေ့ကျင့်ခန်းများ
လေ့ကျင့်ခန်း (၆)
Source: Menshealth
ခြေထောက်နှစ်ဖက်ကို စု၍ဖြစ်စေ၊ အနည်းငယ် ကားထား၍ဖြစ်စေ မတ်တပ်ရပ်နေပါ။ လက်နှစ်ဖက်က အလေးတုံးနှစ်တုံးကို ကိုင်ထားပါ။ ထို့နောက် လက်နှစ်ဖက်ကို အပေါ်သို့ ပင့်တင်ကာ အလေးတုံးကို ဦးခေါင်းအထက်မှာ စုဆုံလိုက်ပါ။ စုစုပေါင်း ၁၂ ကြိမ်၊ ၃ ကျော့ ပြုလုပ်ပေးလိုက်ပါ။
လေ့ကျင့်ခန်း (၇)
Source: Menshealth
ခြေထောက်နှစ်ဖက်ကို အနည်းငယ် ချဲထားကာ လက်နှစ်ဖက်က အလေးတုံးကို ကိုင်ထားပါ။ ထို့နောက် လက်နှစ်ဖက်ကို ဘေးဘက်သို့ ကားထုတ်ကာ ပုခုံးနဲ့ တစ်တန်းတည်းဖြစ်သွားအောင် ဆန့်တန်းလိုက်ပါ။ စုစုပေါင်း ၁၅ ကြိမ်၊ ၄ ကျော့ ပြုလုပ်ပေးရပါမယ်။
လေ့ကျင့်ခန်း (၈)
Source: Menshealth
ဒီလေ့ကျင့်ခန်းကတော့ စောစောက လေ့ကျင့်ခန်းနဲ့ ဆင်တူပါတယ်။ ကွာခြားသွားတဲ့အချက်ကတော့ အလေးတုံးကို အရှေ့သို့ ပင့်တင်ရမှာပဲဖြစ်ပါတယ်။
ခန္ဓာကိုယ်အောက်ပိုင်းအတွက် လေ့ကျင့်ခန်းများ
လေ့ကျင့်ခန်း (၉)
Source: Menshealth
ခြေထောက်နှစ်ဖက်ကို အနည်းငယ်ချဲထားကာ လက်နှစ်ဖက်ကို ပုခုံးပေါ်တင်ထားပြီး အသင့်အနေအထားပြင်ထားပါ။ ထို့နောက် ဒူးအနည်းငယ်ကွေးညွှတ်ကာ တင်ပါး နောက်ပစ်ပြီး Squat ထိုင်ပေးရမှာဖြစ်ပါတယ်။ စုစုပေါင်း ၁၅ ကြိမ်၊ ၃ ကျော့ Squat ထိုင်ပေးလိုက်ပါ။
လေ့ကျင့်ခန်း (၁၀)
Source: Menshealth
ခြေထောက်နှစ်ဖက်ကို အနည်းငယ်ချဲထားကာ လက်နှစ်ဖက်က အလေးတုံးကိုင်ထားပြီး အသင့်အနေအထားပြင်ထားပါ။ ညာဒူးကို အနည်း ငယ်ကွေးကာ အရှေ့သို့ ညွှတ်လိုက်ပါ။ ထို့နောက် မူလအတိုင်း ပြန်ရပ်နေပါ။ ထို့နောက် ဘယ်ဒူးကွေးကာ အရှေ့သို့ ညွှတ်လိုက်ပါ။ ဘယ်ညာ တစ်လှည့်စီကို တစ်ကြိမ်လို့ သတ်မှတ်ပြီး စုစုပေါင်း ၁၅ ကြိမ်၊ ၃ ကျော့ ပြုလုပ်ပေးလိုက်ပါ။
ဝမ်းဗိုက်ကြွက်သားများအတွက် လေ့ကျင့်ခန်းများ
လေ့ကျင့်ခန်း (၁၁)
Source: Foodspring
ဒူးထောင်ထားကာ ကြမ်းပြင်ပေါ်မှာ လှဲလျောင်းနေပါ။ လက်နှစ်ဖက်က ဦးခေါင်းနား ကပ်ပေးထားကာ ဟန်ချက်ညီအောင် ပြုလုပ်ရပါမယ်။ ထို့နောက် ခန္ဓာကိုယ်အပေါ်ပိုင်းကို အနည်းငယ် ကြွလိုက်ပါ။ ဝမ်းဗိုက်ကြွက်သားအားကို အသုံးပြုရမှာဖြစ်ပါတယ်။ စုစုပေါင်း ၁၂ ကြိမ်၊ ၃ ကျော့ ပြုလုပ်ပေးလိုက်ပါ။
လေ့ကျင့်ခန်း (၁၂)
Source: Flab Fix
ဒီလေ့ကျင့်ခန်းလေးရဲ့ နာမည်ကတော့ Flab Fix ပဲဖြစ်ပါတယ်။ လက်နှစ်ဖက်ကို ခန္ဓာကိုယ် ဘေးတစ်ဖက် တစ်ချက်စီမှာ ချထားကာ ကြမ်းပြင်ပေါ်မှာ လှဲလျောင်းနေပါ။ ဒူးနှစ်ဖက်ကို ထောင်ထားပါ။
ထို့နောက် ထောင်ထားသော ခြေထောက်အစုံလိုက်ကို ဝမ်းဗိုက်ကြွက်သားအားကို ညှစ်ပြီး အပေါ်သို့ မြှောက်လိုက်ပါ။ ထို့နောက် မူလအနေအထားအတိုင်းပြန်နေပါ။ စုစုပေါင်း ၁၂ ကြိမ်၊ ၃ ကျော့ ပြုလုပ်ပေးရမှာ ဖြစ်ပါတယ်။
Source: Verywellfit
Featured Image: Muscleandfitness
