ညဘက်မှာ အိပ်မပျော်ရောဂါ စွဲကပ်နေသူများအတွက် သဘာဝဆေးဖက်ဝင်လက်ဖက်ရည်ကြမ်းများ သောက်သုံးခြင်း၊ ရနံ့ကုထုံးများဖြင့် မိမိစိတ်ကို ဖြေလျော့စေပြီး နှစ်နှစ်ခြိုက်ခြိုက်အိပ်ပျော်အောင် ကြိုးစားခြင်း အစရှိတဲ့ နည်းလမ်းများသည် အသုံးတည့်ပါတယ်။ ဒီလိုနည်းလမ်းတွေအများအပြားရှိတဲ့အနက် အိပ်ခါနီး မှာ လေ့ကျင့်ခန်း ပြုလုပ်ခြင်းသည်လည်း ညဘက်မှာ နှစ်နှစ်ခြိုက်ခြိုက် အိပ်ပျော်အောင် ကူညီပေးပါတယ်။
ဒီလိုရိုးရှင်းလွယ်ကူတဲ့ နည်းလမ်းသည်လည်း ညဘက်မှာ ခေါင်းအုံးပေါ် ခေါင်းချလိုက်တာနဲ့ ချက်ချင်းအိပ်ပျော်သွားအောင် ကူညီပေးနိုင်ပါတယ်။ အိပ်ခါနီး ပြုလုပ်ပေးရမယ့် လေ့ကျင့်ခန်း များကတော့ …
လေ့ကျင့်ခန်း (၁)
အဆင့် (၁) မတ်တပ်ရပ်ကာ လက်မောင်းနှစ်ဖက်ကို နံဘေးဘက်သို့ ဆန့်တန်းပြီး အသက်ဝဝ ရှူသွင်းလိုက်ပါ။
အဆင့် (၂) လက်မောင်းနှစ်ဖက်ကို ယှက်ပြီး ကိုယ့်ကိုယ့်ကိုယ် ပြန်ဖက်လိုက်ပါ။ ထိုအနေအထားတွင် အသက် ပြင်းပြင်း ရှူထုတ်လိုက်ပါ။
အဆင့် (၃) ထိုအနေအထားအတိုင်း စက္ကန့် ၃၀ ခန့် နေပါ။ အသက်ကို ပုံမှန်အတိုင်း ရှူသွင်း ရှူထုတ်ပြုလုပ်ပါ။
ထို့နောက် အဆင့် (၁) အတိုင်း ပြန်လုပ်ပါ။
၁ မိနစ်ခန့် ပြုလုပ်ပြီးပါက နောက်လေ့ကျင့်ခန်းတစ်ခုကို ပြောင်းနိုင်ပါပြီ။
လေ့ကျင့်ခန်း (၂)
အဆင့် (၁) ခုံပေါ်မှာ သက်သောင့်သက်သာရှိရှိ ထိုင်နေပါ။ ညာလက်ကို ဦးခေါင်းကနေတဆင့် ဘယ်နားရွက်ကို ကိုင်လိုက်ပါ။
အဆင့် (၂) ထို့နောက် ညာနားရွက်ကို ညာပုခုံးဖြင့် တဖြည်းဖြည်းချင်းစီ နီးကပ်အောင် ထိစပ်ပေးလိုက်ပါ။
ထိုအနေအထားအတိုင်း နေနေပြီးနောက် အသက်ရှူသွင်း ရှူထုတ်ခြင်းကို ၅ ကြိမ် တိတိပြုလုပ်ပေးလိုက်ပါ။
အဆင့် (၃) မူလအနေအထားအတိုင်း ပြန်နေပြီး ဒီတစ်ကြိမ်မှာတော့ ဘယ်လက်ဖြင့် ညာနားရွက်ကို လှမ်းကိုင်လိုက်ပါ။ ထို့နောက် ဘယ်နားရွက်နှင့် ဘယ်ပုခုံးကို ဖြည်းဖြည်းချင်းစီ ထိစပ်ကာ အသက်ရှူသွင်း ရှူထုတ်ခြင်းကို ၅ ကြိမ် တိတိပြုလုပ်ပါ။
ဒါဆိုရင် တစ်ကြိမ် ပြည့်သွားပြီဖြစ်ပါတယ်။ နောက်ထပ် ဘယ် ညာ တစ်ကြိမ်စီ ပြုလုပ်ပေးလိုက်ပါ။
လေ့ကျင့်ခန်း (၃)
အဆင့် (၁) မေးစေ့ကို ရင်ဘတ်ဆီ ဖြည်းဖြည်းချင်းစီ ထိကပ်ပေးလိုက်ပါ။ ထိုအနေအထားအတိုင်း ၅ ကြိမ်ခန့် အသက်ရှူလေ့ကျင့်ခန်း ပြုလုပ်ပေးလိုက်ပါ။
အဆင့် (၂) ထို့နောက် ဦးခေါင်းကို မူလအနေအထားအတိုင်း ထားပါ။ ပြီးရင်တော့ နောက်ဘက်သို့ ဖြည်းဖြည်းချင်းစီ ရွေ့ပေးလိုက်ပါ။ ထိုအနေအထားအတိုင်း ၅ ကြိမ်ခန့် အသက်ပြင်းပြင်းရှူသွင်း ရှူထုတ်ပြုလုပ်လိုက်ပါ။
လေ့ကျင့်ခန်း (၄)
Photo: Healthline
အဆင့် (၁) ခြေထောက်နှစ်ဖက်ကို ပုခုံးအကျယ်အတိုင်း အနည်းငယ် ချဲထားလိုက်ပါ။
အဆင့် (၂) ခန္ဓာကိုယ် အပေါ်ပိုင်းကို အရှေ့သို့ တဖြည်းဖြည်း ကိုင်းလိုက်ကာ ခုံပေါ်တွင် လက်နှစ်ဖက်ကို တင်ထားလိုက်ပါ။
ဒူး မကွေးစေဘဲ ဒူး ဆန့်တန်းကာ ပြုလုပ်ပေးရမှာဖြစ်ပါတယ်။ ထိုအနေအထားအတိုင်း ၁ မိနစ် ပြုလုပ်ပေးရမှာဖြစ်ပါတယ်။
လေ့ကျင့်ခန်း (၅)
Photo: 24Life
အဆင့် (၁) အရင်ဦးဆုံး ဒူးနှစ်ဖက်ထောက်ပြီး လက်နှစ်ဖက်ကိုလည်း ထောက်ထားလိုက်ပါ။
အဆင့် (၂) ထို့နောက် ခန္ဓာကိုယ်ကို တဖြည်းဖြည်းနောက်သို့ ရွေ့ကာ ကြမ်းပြင်နဲ့ နီးကပ်အောင် ထိပေးလိုက်ပါ။
ထိုအနေအထားအတိုင်း ၅ မိနစ်ခန့် တောင့်ထားပြီး အသက်ကို ပုံမှန်အတိုင်း ရှူသွင်း ရှူထုတ်ပြုလုပ်ပေးရပါမယ်။
လေ့ကျင့်ခန်း (၆)
Source: Gfycat
အဆင့် (၁) ခြေထောက်နှစ်ဖက်ကို အရှေ့သို့ စဉ်းကာ ထိုင်နေပါ။
အဆင့် (၂) လက်နှစ်ဖက်ကို အပေါ်သို့ ဆန့်တန်းကာ ခန္ဓာကိုယ်ကို တဖြည်းဖြည်းချင်းစီ အရှေ့သို့ ကိုင်းချလိုက်ပါ။
အဆင့် (၃) လက်နှစ်ဖက်က ခြေဖဝါးနှစ်ဖက်ကို လှမ်းကိုင်လိုက်ပြီးနောက် နဖူးက ဒူးခေါင်းနှင့် တတ်နိုင်သမျှ ထိကပ်ပေးလိုက်ပါ။ ထိုအနေအထားအတိုင်း ၅ မိနစ်ခန့် တောင့်ခံပေးရမှာဖြစ်ပါတယ်။
အခုမှ စစချင်းပြုလုပ်တဲ့သူတွေကတော့ အကြောပျော့ဖို့ခက်တာကြောင့် နဖူးနဲ့ ဒူးခေါင်း မထလည်းရပါတယ်။
လေ့ကျင့်ခန်း (၇)
Source: Healthline
အဆင့် (၁) ခါးမတ်မတ်ထိုင်နေကာ ခြေဖဝါးနှစ်ဖက်ကို ထိကပ်ထားလိုက်ပါ။
အဆင့် (၂) ထို့နောက် ဒူးနှစ်ဖက်ကို ကြမ်းပြင်နဲ့ ထိကပ်နိုင်သလောက် ထိကပ်ပေးလိုက်ပါ။ အသက် ရှူသွင်း ရှူထုတ်ခြင်းကို ပုံမှန်အတိုင်း ပြုလုပ်ပေးလိုက်ပါ။
ထိုအနေအထားအတိုင်း ၁၀ မိနစ်ခန့် တောင့်ခံပေးရမှာဖြစ်ပါတယ်။
လေ့ကျင့်ခန်း (၈)
Source: The Yoga Loft
အဆင့် (၁) လက်နှစ်ဖက်ကို သက်သောင့်သက်သာအနေအထား ထားပြီးနောက် ခြေထောက်နှစ်ဖက်ကိုတော့ နံရံနားကပ်ထားကာ မိုးပေါ် ထောင်ထားလိုက်ပါ။
အဆင့် (၂) ခန္ဓာကိုယ်ကို တတ်နိုင်သလောက် သက်သောင့်သက်သာအနေအထားအတိုင်း ထားပြီး ၁၀ မိနစ်ခန့် ထိုအနေအထားအတိုင်း နေနေရမှာဖြစ်ပါတယ်။
အိပ်ခါနီး မှာ ဒီ လေ့ကျင့်ခန်း များ ပြုလုပ်ပေးပြီးနောက် ချက်ချင်း အိပ်ရာတန်းဝင်လိုက်ပါ။ ချက်ချင်းကို အိပ်ပျော်သွားပြီး မနက်နိုးလာတဲ့အခါ တစ်ရေးတည်းနဲ့ အိပ်ရေးဝနေမှာဖြစ်ပါတယ်။
Source: Healthline
Featured Image: Hss.edu
