ကိုယ့်ရဲ့ ခန္ဓာကိုယ် အပေါ်ပိုင်းရှိ ကြွက်သားများကို ပိုမိုသန်မာလာအောင် ပြုလုပ်ချင်ပါသလား။ ကွီး တို့ရဲ့ ခန္ဓာကိုယ်အပေါ်ပိုင်း ကြွက်သားများ သန်မာစေဖို့ ကူညီပေးမယ့် လေ့ကျင့်ခန်း များ ရှိပါတယ်။
ဒီလေ့ကျင့်ခန်းများကို တစ်ပတ်လျှင် ၂ ရက် (သို့) ၃ ရက်ခန့် ဆော့ကစားပေးမယ်ဆိုရင်တော့ ကွီး တို့ရဲ့ ခန္ဓာကိုယ်အပေါ်ပိုင်း ကြွက်သားများ သန်မာလာမှာဖြစ်ပြီး အခြားသော လေ့ကျင့်ခန်း များ ဆော့ကစားတဲ့အခါမှာလည်း စွမ်းဆောင်ရည် ပိုမိုမြင့်မားလာမှာဖြစ်ပါတယ်။
လေ့ကျင့်ခန်း (၁)
Source: Lifetime 60 Day
အဆင့် (၁) လက်နှစ်ဖက်က အလေးတုံး နှစ်တုံး ကိုင်ထားပြီး ခုံတန်းလျားပေါ်တွင် လှဲလျောင်းနေပါ။
အဆင့် (၂) အသက်ကို ရှူထုတ်လိုက်တဲ့အချိန်မှာ အလေးတုံးကိုင်ထားတဲ့ လက်နှစ်ဖက်ကို အပေါ်သို့ မြှောက်လိုက်ပါ။
အဆင့် (၃) အသက် ရှူသွင်းလိုက်တဲ့အချိန်မှာတော့ အလေးတုံးကို မူလအနေအထားအတိုင်း ပြန်ချထားလိုက်ပါ။
ထိုအဆင့်အထိကို တစ်ကြိမ်လို့ သတ်မှတ်ရပါမယ်။ အဆင့် (၂) နဲ့ (၃) ကို တစ်လှည့်စီ ပြုလုပ်ကာ စုစုပေါင်း ၁၅ ကြိမ် ပြုလုပ်ပေးရပါမယ်။
လေ့ကျင့်ခန်း (၂)
Source: Pinterest
အဆင့် (၁) လက်နှစ်ဖက်က အလေးတုံးနှစ်တုံးကို ကိုင်ထားပါ။ ခြေထောက်နှစ်ဖက်က ပုခုံးအကျယ်အတိုင်း ချဲထားပါ။
အဆင့် (၂) အသက်ရှူထုတ်တဲ့အချိန်မှာ လက်နှစ်ဖက်က ဘေးဘက်သို့ ကားလိုက်ကာ ပုခုံးနဲ့ တစ်တန်းတည်းဖြစ်သွားအောင် ပြုလုပ်လိုက်ပါ။
အဆင့် (၃) အသက်ရှူသွင်းလိုက်တဲ့အချိန်မှာ အလေးတုံးနှစ်တုံးကို ခန္ဓာကိုယ် ဘေးတစ်ဘက်တစ်ချက်ဆီသို့ ပြန်ချလိုက်ပါ။
တစ်ကြိမ်လို့ သတ်မှတ်ပါမယ်။ အဆင့် (၂) နဲ့ (၃) ကို တစ်လှည့်စီ ပြုလုပ်ကာ စုစုပေါင်း ၁၅ ကြိမ် ပြုလုပ်ပေးရပါမယ်။
လေ့ကျင့်ခန်း (၃)
Source: Openfit
အဆင့် (၁) ခြေထောက်နှစ်ဖက်ကို လေ့ကျင့်ခန်းပြုလုပ်တဲ့ ဘောလုံးပေါ် တင်ထားပြီးနောက် လက်နှစ်ဖက်က ပုခုံးအောက်မှာ ဆန့်တန်းထားပါ။
အဆင့် (၂) အသက် ရှူထုတ်လိုက်တဲ့အချိန်မှာ တံတောင်ကို ကွေးပြီး ရင်ဘတ်ကို ကြမ်းပြင်နဲ့ နီးကပ်အောင် ပြုလုပ်လိုက်ပါ။
အဆင့် (၃) ထို့နောက် အသက်ရှူသွင်းကာ တံတောင်ကို ပြန်လည်ဆန့်တန်းလိုက်ပါ။
ဒါဆိုရင်တော့ တစ်ကြိမ်ပြည့်သွားပါပြီ။ အဆင့် (၂) နဲ့ (၃) ကို တစ်လှည့်စီ ပြုလုပ်ကာ စုစုပေါင်း ၁၅ ကြိမ် ပြုလုပ်ရပါမယ်။
လေ့ကျင့်ခန်း (၄)
Soure: Gfycat
အဆင့် (၁) ခုံတန်းလျားလေးပေါ်မျာ လက်နောက်ပစ်ထားကာ ဒူးကို အနည်းငယ် ကွေးထားပါ။
အဆင့် (၂) တံတောင်ကို ကွေးချကာ ခန္ဓာကိုယ်အပေါ်ပိုင်းကို အောက်သို့ နိမ့်ချလိုက်ပါ။
အဆင့် (၃) တံတောင်ကို ပြန်လည်ဆန့်တန်းကို ခန္ဓာကိုယ်အပေါ်ပိုင်းကို အပေါ်သို့ ပြန်ကြွလိုက်ပါ။
စုစုပေါင်း ၁၅ ကြိမ် ပြုလုပ်ရပါမယ်။
လေ့ကျင့်ခန်း (၅)
Source: Gifer
အဆင့် (၁) ခြေထောက်နှစ်ဖက်ကို ပုခုံးအကျယ်အတိုင်း ချဲထားပါ။ လက်နှစ်ဖက်က အလေးတုံးကို ကိုင်ထားပါ။
အဆင့် (၂) ညာတံတောင်ကို ကွေးကာ အလေးတုံးကို ရင်ဘတ်ဆီသို့ ဆွဲယူလိုက်ပါ။ ထို့နောက် ညာတံတောင်ကို ပြန်ချထားလိုက်ပါ။
အဆင့် (၃) တစ်ဖန် ဘယ်တံတောင်ကို ကွေးကာ အလေးတုံးကို ရင်ဘတ်ဆီသို့ ဆွဲယူလိုက်ပါ။ ထို့တောင် တံတောင်ကို ပြန်လည်ဆန့်တန်းထားလိုက်ပါ။
ဘယ်ညာ တစ်လှည့်စီကို တစ်ကြိမ်လို့ သတ်မှတ်ရပါမယ်။ စုစုပေါင်း ၁၅ ကြိမ် ပြုလုပ်ပါ။
လေ့ကျင့်ခန်း (၆)
Source: Gifphy
အဆင့် (၁) လက်နှစ်ဖက်က အလေးတုံးနှစ်တုံးကို ကိုင်ထားကာ တံတောင်အောက်မှာ ချထားလိုက်ပါ။
အဆင့် (၂) ညာတံတောင်က အလေးတုံးကို ဆွဲမကာ ရင်ဘတ်ဆီသို့ ဆွဲကပ်လိုက်ပါ။ ထို့နောက် အလေးတုံး ပြန်ချထားလိုက်ပါ။
အဆင့် (၃) ဘယ်တံတောင်က အလေးတုံးကို ဆွဲမကာ ရင်ဘတ်ဆီသို့ ဆွဲကပ်လိုက်ပါ။ ထို့နောက် အလေးတုံး ပြန်ချထားလိုက်ပါ။
ဘယ်ညာ တစ်လှည့်စီကို တစ်ကြိမ်လို့ သတ်မှတ်ရပါမယ်။ စုစုပေါင်း ၁၅ ကြိမ် ပြုလုပ်ပါ။
လေ့ကျင့်ခန်းအားလုံး ပြီးသွားတဲ့အခါ သွေးပူလေ့ကျင့်ခန်းဖြင့် အဆုံးသတ်လိုက်ပါ။
အထက်ဖော်ပြပါ လေ့ကျင့်ခန်းများသည် ကွီး တို့ရဲ့ ခန္ဓာကိုယ်အပေါ်ပိုင်း ကြွက်သားများကို သန်မာလာအောင် ကူညီပေးမယ့် လေ့ကျင့်ခန်း များဖြစ်တာကြောင့် သတ်မှတ်ရက်အတိုင်း မှန်မှန်ပြုလုပ်ပေးဖို့လိုအပ်ပါတယ်။
Source: Womensrunning.com
Featured Image: Muscleandfitness
